ଯୁଦ୍ଧ ମଧ୍ୟରେ ଋଷର ରାଷ୍ଟ୍ରପତି ପୁଟିନ କଲେ ବଡ଼ ଘୋଷଣା

ନୂଆଦିଲ୍ଲୀ: Russia Ukraine War: ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ବର୍ତ୍ତମାନ ୟୁକ୍ରେନ ବିରୋଧରେ ପାଞ୍ଚ ମାସ ଧରି ଚାଲିଥିବା ଯୁଦ୍ଧ ମଧ୍ୟରେ ଏକ ବଡ଼ ଘୋଷଣା କରିଛନ୍ତି । ତାଙ୍କର ପ୍ରଭାବ ବଢ଼ାଇବା ପାଇଁ ପୁଟିନ ୟୁକ୍ରେନର ସମସ୍ତ ଲୋକଙ୍କୁ ଋଷର ନାଗରିକତ୍ୱର ଅଫର ଦେଇଛନ୍ତି । ଏଥିପାଇଁ ସେ ତୁରନ୍ତ ପ୍ରକ୍ରିୟା ଆରମ୍ଭ କରିବାକୁ ନିର୍ଦ୍ଦେଶରେ ଦସ୍ତଖତ କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ୟୁକ୍ରେନର ଡୋନେଟସ୍କ, ଲୁହାନସ୍କ ଅଞ୍ଚଳ ତଥା ଦକ୍ଷିଣ ଜାପୋରିଜିଆ ଏବଂ ଖେରସନର ଲୋକଙ୍କ ପାଇଁ ନାଗରିକତ୍ୱ ପ୍ରକ୍ରିୟା ସରଳ ଥିଲା । ଏହି ଅଞ୍ଚଳର ଏକ ବଡ଼ ଅଂଶ ଋଷ ଦଖଲ କରିଛି । ତେବେ ବର୍ତ୍ତମାନ ପୁଟିନଙ୍କ ଏହି ଅଫର ଉପରେ ୟୁକ୍ରେନ ନେତାମାନେ କୌଣସି ବୟାନ ଦେଇନାହାଁନ୍ତି ।

୨୦୧୯ରେ ଡୋନେଟସ୍କ ଓ ଲୁହାନସ୍କର ବାସିନ୍ଦାଙ୍କ ପାଇଁ ନାଗରିକତ୍ୱ ପ୍ରଦାନ ପ୍ରକ୍ରିୟା ପ୍ରଥମେ ଆରମ୍ଭ ହୋଇଥିଲା । ଏହି ବର୍ଷ ବିଦ୍ରୋହୀ ଅଧୀନରେ ଥିବା ଦୁଇ ଅଞ୍ଚଳର ପ୍ରାୟ ୧୮ ପ୍ରତିଶତ ଲୋକ ଅର୍ଥାତ ୭,୨୦,୦୦ରୁ ଅଧିକ ଲୋକଙ୍କୁ ଋଷର ପାସପୋର୍ଟ ପ୍ରଦାନ କରାଯାଇଛି । ୟୁକ୍ରେନ ଉପରେ ଆକ୍ରମଣର ତିନି ମାସ ପରେ ମେ'ରେ ଜାପୋରିଜିଆ ଓ ଖେରସନ ଅଞ୍ଚଳର ବାସିନ୍ଦାଙ୍କ ପାଇଁ ଏକ ତ୍ୱରିତ ପ୍ରକ୍ରିୟା ମଧ୍ୟ ଆରମ୍ଭ ହୋଇଥିଲା । ପ୍ରାୟ ଏକ ମାସ ପୂର୍ବରୁ ଏହି ଅଞ୍ଚଳର ଲୋକଙ୍କୁ ଋଷର ପାସପୋର୍ଟ ଦିଆଯାଇଛି ।

ଏହି ମଧ୍ୟରେ ୟୁକ୍ରେନର ଦ୍ୱିତୀୟ ବୃହତ୍ତମ ସହର ଖାର୍କିଭରେ ଋଷର ଲଗାତର ବୋମା ବର୍ଷଣ ଜାରି ରହିଛି । ଯେଉଁଠାରେ ସୋମବାର ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ୩୧ ଜଣ ଆହତ ହୋଇଛନ୍ତି । ଏହାପୂର୍ବରୁ ଋଷର ସୈନ୍ୟମାନେ ତିନୋଟି କ୍ଷେପଣାସ୍ତ୍ର ସହିତ ଖାର୍କିଭରେ ଥିବା ଅନେକ ଗୁରୁତ୍ୱପୂର୍ଣ୍ଣ କେନ୍ଦ୍ରକୁ ଟାର୍ଗେଟ କରିଥିଲେ ଯାହାକୁ ୟୁକ୍ରେନ କର୍ତ୍ତୃପକ୍ଷ ଆତଙ୍କବାଦୀ ଘଟଣା ବୋଲି ବର୍ଣ୍ଣନା କରିଛନ୍ତି ।

ଏହା ବି ପଢ଼ନ୍ତୁ:-ଦକ୍ଷିଣ ଆଫ୍ରିକା ଟିମ୍ ଭାରତରେ ଆୟୋଜିତ ହେବାକୁ ଥିବା ବିଶ୍ୱକପରୁ ହେବ ବାହାର! ଜାଣନ୍ତୁ ଏହାର କାରଣ

ଏହା ବି ପଢ଼ନ୍ତୁ:-ଆହୁରି ଭୀଷଣ ହେବ ୟୁକ୍ରେନ-ଋଷ ଯୁଦ୍ଧ! ଇରାନ ଓ ଆମେରିକାର ଏହି ପଦକ୍ଷେପରୁ ବଢ଼ିଲା ଟେନସନ୍

ଏହା ବି ପଢ଼ନ୍ତୁ:-'ଶ୍ରୀଲଙ୍କା ପରି ପରିସ୍ଥିତି ଭାରତରେ ମଧ୍ୟ ହୋଇପାରେ', ମୁକେଶ ଅମ୍ବାନୀ-ଅଜୟ ଦେବଗନଙ୍କ ନାମ ନେଇ ବଲିଉଡ ଅଭିନେତା କଲେ ଟ୍ୱିଟ୍

ଖାର୍କିଭ ଗଭର୍ଣ୍ଣର ଓଲେହ ସିନିହୋବୋବ ସୋସିଆଲ ମିଡିଆ ଟେଲିଗ୍ରାମରେ କହିଛନ୍ତି ଯେ, ଅନେକ ରକେଟ ଲଞ୍ଚର ଉପରେ ଆକ୍ରମଣ କରାଯାଇଥିଲା ଓ ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକଙ୍କ ମଧ୍ୟରେ ୪ରୁ ୧୬ ବର୍ଷ ବୟସର ପିଲାମାନେ ମଧ୍ୟ ଥିଲେ । ସିନିହୋବୋବ କହିଛନ୍ତି ଯେ ଖାର୍କିଭର ଏକ ସପିଂ ସେଣ୍ଟର ଓ ଘରକୁ ଟାର୍ଗେଟ କରାଯାଇଛି । ଏହି ଆକ୍ରମଣରେ ଅନେକ ଗାଡି ମଧ୍ୟ କ୍ଷତିଗ୍ରସ୍ତ ହୋଇଛି । ଋଷର ସୈନ୍ୟମାନେ ମଧ୍ୟ ୟୁକ୍ରେନର ପୂର୍ବ ଭାଗ ଉପରେ ଆକ୍ରମଣ ଜାରି ରଖିଛନ୍ତି । ଲୁହାନସ୍କ ଗଭର୍ଣ୍ଣର ସରାଇ ହୈଦଇ କହିଛନ୍ତି ଯେ ଡୋନେଟସ୍କ ଅଞ୍ଚଳ ସୀମାବର୍ତ୍ତୀ ବସ୍ତି ଉପରେ ଏହି ଆକ୍ରମଣ କରାଯାଇଛି ।