Vice Presidential Election: ଉପରାଷ୍ଟ୍ରପତି ପଦ ପାଇଁ ମତଦାନ ୬ ଅଗଷ୍ଟରେ ଅନୁଷ୍ଠିତ ହେବ । ବିଜେପି ଜଗଦୀପ ଧନଖରଙ୍କୁ (Jagdeep Dhankhar) ନିଜର ପ୍ରାର୍ଥୀ କରିଛି । ଏଥି ସହିତ ବିରୋଧୀ ମାର୍ଗେଟ୍ ଆଲଭାଙ୍କୁ ପ୍ରାର୍ଥୀ (Margaret Alva) ଘୋଷଣା କରିଛନ୍ତି ।
Trending Photos
5
5
7
7 "ସାଙ୍କେତିକ ଫଟୋ")
Vice Presidential Election 2022: ଉପରାଷ୍ଟ୍ରପତି ନିର୍ବାଚନରେ ଅରବିନ୍ଦ କେଜ୍ରିୱାଲଙ୍କ (Arvind Kejriwal) ଆମ୍ ଆଦମୀ ପାର୍ଟି (AAP) ବିରୋଧୀ ଦଳର ପ୍ରାର୍ଥୀ ମାର୍ଗେଟ୍ ଆଲଭାଙ୍କୁ (Margaret Alva) ସମର୍ଥନ କରିବ । ପାର୍ଟି ବୈଠକ ପରେ ଆମ୍ ଆଦମୀ ପାର୍ଟି ସାଂସଦ ସଞ୍ଜୟ ସିଂ (Sanjay Singh) ଏହି ଘୋଷଣା କରିଛନ୍ତି । ଉପରାଷ୍ଟ୍ରପତି ନିର୍ବାଚନ ଉପରେ ଆଲୋଚନା ପାଇଁ ଆମ୍ ଆଦମୀ ପାର୍ଟି ଆଜି ଏକ ବୈଠକ ଡାକିଥିଲା ।
ଏହି ବୈଠକରେ ଦଳର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ, ମନୀଷ ସିସୋଦିଆ, ଆତିଶି, ଦୁର୍ଗେଶ ପଠକ, ଇମ୍ରାନ ହୁସେନ୍, ସଞ୍ଜୟ ସିଂ, ରାଖୀ ବିଡଲାନ୍ ଓ ରାଘବ ଚଢ଼ା ଉପସ୍ଥିତ ଥିଲେ । ସାମ୍ପ୍ରତିକ ସମୀକରଣ ଅନୁଯାୟୀ, ଉପରାଷ୍ଟ୍ରପତି ନିର୍ବାଚନରେ ଏନଡିଏର ପ୍ରାର୍ଥୀ ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ ଜଗଦୀପ ଧନଖରଙ୍କ ବିଜୟ ନିଶ୍ଚିତ ବୋଲି ବିବେଚନା କରାଯାଏ । ଉପରାଷ୍ଟ୍ରପତି ନିର୍ବାଚନରେ ଲୋକସଭା ଓ ରାଜ୍ୟସଭାର ସାଂସଦମାନେ ମତଦାନ କରିଥାନ୍ତି ।
ବୁଧୁବାର ଦିନ ବହୁଜନ ସମାଜବାଦୀ ପାର୍ଟି ସୁପ୍ରିମୋ ମାୟାବତୀ ମଧ୍ୟ ଉପରାଷ୍ଟ୍ରପତି ନିର୍ବାଚନକୁ ନେଇ ଏକ ବଡ଼ ଘୋଷଣା କରିଛନ୍ତି । ମାୟାବତୀ ରାଷ୍ଟ୍ରପତି ନିର୍ବାଚନ ସମୟରେ ନ୍ୟାସନାଲ ଡେମୋକ୍ରାଟିକ୍ ଆଲାଏନ୍ସର ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ ବୋଲି ଘୋଷଣା କରିଛନ୍ତି ।
ରାଷ୍ଟ୍ରପତି ନିର୍ବାଚନରେ ବିରୋଧୀ ଦଳକୁ ଝଟକା ଦେଇ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଭୋଟ୍ ଦେଇଥିବା ଝାଡଖଣ୍ଡ ମୁଖୀ ମୋର୍ଚ୍ଚା ଉପରାଷ୍ଟ୍ରପତି ନିର୍ବାଚନରେ ବିରୋଧୀ ପ୍ରାର୍ଥୀ ମାର୍ଗରେଟ୍ ଆଲଭାଙ୍କୁ ସମର୍ଥନ ଦେବାକୁ ମଧ୍ୟ ଆଜି ଘୋଷଣା କରିଛି । ଦଳ ଏହାର ବିଧାୟକ ଓ ସାଂସଦମାନଙ୍କୁ ବିରୋଧୀ ପ୍ରାର୍ଥୀ ମାର୍ଗରେଟ୍ ଆଲଭାଙ୍କୁ ଭୋଟ୍ ଦେବାକୁ କହିଛି । ଉପରାଷ୍ଟ୍ରପତି ନିର୍ବାଚନରେ ଆଲଭା ଓ ଏନଡିଏ ପ୍ରାର୍ଥୀ ଜଗଦୀପ ଧନଖରଙ୍କ ମଧ୍ୟରେ ଲଢ଼େଇ ହେବ ।
ଜେଏମଏମ ସଭାପତି ଶିବୁ ସୋରେନଙ୍କ ତରଫରୁ ସାଂସଦମାନଙ୍କୁ ଦିଆଯାଇଥିବା ଆଦେଶରେ କୁହାଯାଇଛି ଯେ ଆସନ୍ତା ଉପରାଷ୍ଟ୍ରପତି ନିର୍ବାଚନରେ ବିରୋଧୀଦଳ ତରଫରୁ ମାର୍ଗରେଟ୍ ଆଲଭା ଉପରାଷ୍ଟ୍ରପତି ପ୍ରାର୍ଥୀ ଅଟନ୍ତି । ବହୁ ବିଚାର ବିମର୍ଶ ପରେ ଉପରାଷ୍ଟ୍ରପତି ନିର୍ବାଚନରେ ମାର୍ଗରେଟ୍ ଆଲଭାଙ୍କ ସପକ୍ଷରେ ଭୋଟ୍ ଦେବାକୁ ନିଷ୍ପତ୍ତି ନିଆଯାଇଛି । ଆପଣ ସମସ୍ତ ସାଂସଦଙ୍କୁ ଅଗଷ୍ଟ ୬ ରେ ହେବାକୁ ଥିବା ଉପରାଷ୍ଟ୍ରପତି ନିର୍ବାଚନରେ ମାର୍ଗରେଟ୍ ଆଲଭାଙ୍କ ସପକ୍ଷରେ ଭୋଟ୍ ଦେବାକୁ ନିର୍ଦ୍ଦେଶ ଦିଆଯାଉଛି ।
ସୂଚନାଯୋଗ୍ୟ, ଜଗଦୀପ ଧନଖରଙ୍କୁ ଉପରାଷ୍ଟ୍ରପତି ନିର୍ବାଚନ ପାଇଁ ବିଜେପି ନେତୃତ୍ୱାଧୀନ ଏନଡିଏ ତରଫରୁ ପ୍ରାର୍ଥୀ କରାଯାଇଛି । ଜଗଦୀପ ଧନଖର ପଶ୍ଚିମବଙ୍ଗ ରାଜ୍ୟପାଳ ଥିଲେ । ଅନ୍ୟପକ୍ଷରେ, ମାର୍ଗେଟ୍ ଅଲଭା ବିରୋଧୀ ଦଳର ମିଳିତ ପ୍ରାର୍ଥୀ ଭାବରେ ମନୋନୀତ ହୋଇଛନ୍ତି । ତେବେ ଏନଡିଏ ପ୍ରାର୍ଥୀଙ୍କ ବିଜୟ ନିଶ୍ଚିତ ବୋଲି ମନେ କରାଯାଉଛି ।
ଏହା ବି ପଢ଼ନ୍ତୁ: କେରଳ-ହରିୟାଣାଠାରୁ ଛୋଟ ତାଇୱାନ, କ’ଣ ପାଇଁ ମୁହାଁମୁହିଁ ଆମେରିକା-ଚୀନ୍?
ଏହା ବି ପଢ଼ନ୍ତୁ: କ’ଣ ଏହି 'ଆର୍ଟ ଅଫ୍ ୱାର୍'? ଯାହା ଦ୍ୱାରା ଯୁଦ୍ଧ ନକରି ତାଇୱାନ ଜିତିବାକୁ ଚାହୁଁଛି ଚୀନ୍
