ଭୟାବହ ଗୁଳିକାଣ୍ତରେ ୨୨ ମୃତ, ଅନେକ ଗୁରୁତର: ସନ୍ଦିଗ୍ଧଙ୍କ ଫଟୋ ଜାରି କଲା ପୋଲିସ

Shooting in America: ଆମେରିକାରେ (America) ଏକ ଛାତିଥରା ଘଟଣା ସାମ୍ନନାକୁ ଆସିଛି । ଜଣେ ସନ୍ଦିଗ୍ଧ ବ୍ୟକ୍ତିଙ୍କ ଗୁଳି ଚାଳନାରେ ୨୨ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସମସ୍ତ ଆହତ ମାନଙ୍କୁ ଉଦ୍ଧାର କରି ନିକଟସ୍ଥ ମେଡି଼କାଲରେ ଭର୍ତ୍ତି କରାଯାଇଛି ।

ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ଆମେରିକାର ମେନେ ଅନ୍ତର୍ଗତ ଲିୱିଷ୍ଟନ୍‌ରେ (America Lewiston) ଘଟିଛି ଏହି ଅଭାବନୀୟ ଘଟଣା । ଜଣେ ସନ୍ଦିଗ୍ଧ ବ୍ୟକ୍ତିଙ୍କ ଆଖିବୁଜା ଗୁଳି ଚାଳନାରେ (Shooting) ୨୨ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୬୦ରୁ ଅଧିକ ଲୋକେ ଆହତ ହୋଇଛନ୍ତି । ସମସ୍ତ ଆହତଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟୁ ସଂଖ୍ୟା ଆଗକୁ ବଢିପାରେ ବୋଲି ଆଶା କରାଯାଉଛି । ତେବେ ଗୁଳିମାଡ଼ର କାରଣ ଜଣାପଡ଼ିନଥିବା ବେଳେ ପୋଲିସ ତଦନ୍ତ  ଆରମ୍ଭ କରିଛି । ସେପଟେ ପୋଲିସ ପକ୍ଷରୁ ଜନସାଧାରଣଙ୍କୁ ଘରୁ ନବାହାରିବା ପାଇଁ ଅପିଲ କରାଯିବା ସହ ସନ୍ଦିଗ୍ଧ ବ୍ୟକ୍ତିଙ୍କ ଫଟୋ ଜାରି କରାଯାଇଛି । ଯେଉଁଥିରେ ଅଭିଯୁକ୍ତ ହାତରେ ଏକ ସେମି ଅଟୋମେଟିକ୍ ରାଇଫଲ ଧରିଥିବା ଦେଖାଯାଇଛି ।

I am aware of and have been briefed on the active shooter situation in Lewiston. I urge all people in the area to follow the direction of State and local enforcement. I will to continue to monitor the situation and remain in close contact with public safety officials. https://t.co/rYV26URqUl

— Governor Janet Mills (@GovJanetMills) October 26, 2023

ତେବେ ଏଯାଏଁ ସନ୍ଦିଗ୍ଧଙ୍କ ପରିଚୟ ମିଳିପାରିନଥିବା ବେଳେ ଆକ୍ରମଣକାରୀ ରବର୍ଟ କାର୍ଡ ବୋଲି କୁହାଯାଉଛି । ସେ ପ୍ରାୟ ୨୦ ବର୍ଷ ପର୍ଯ୍ୟନ୍ତ ସେନାରେ ହାବିଲଦାର ଭାବରେ କାର୍ଯ୍ୟ କରିଥିଲା ।

US: At least 16 killed, over 50 wounded in mass shooting in Maine

Read @ANI Story | https://t.co/JMh7qAapBf#USShooting #UnitedStates #Maine #US pic.twitter.com/SWvEjfep7s

— ANI Digital (@ani_digital) October 26, 2023

ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ସ୍ଥାନୀୟ ବାସିନ୍ଦା ଘରୁ ବାହାରିବାକୁ ଭୟ କରୁଛନ୍ତି । ଅଭିଯୁକ୍ତ ଫେରାର ଥିବାରୁ ଲୋକମାନେ ଭୟରେ ରହିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ସହ ଅଭିଯୁକ୍ତକୁ ଖୋଜିବାଲେ ଲାଗିପଡ଼ିଛି ।

Also Read-Israel Hamas War: ୨୪ ଘଣ୍ଟାରେ ୭୦୦ ପାଲେଷ୍ଟାନୀୟଙ୍କ ମୃତ୍ୟୁ, ଦାୟି କିଏ ?