ଲାଲୁଙ୍କ ସ୍ୱାସ୍ଥ୍ୟାବସ୍ଥା ଗମ୍ଭୀର, ବଡ଼ ପୁଅ ଦେଲେ ଚିନ୍ତାଜନକ ତଥ୍ୟ

Lalu Prasad Health Condition: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟ ଅବସ୍ଥା ଗମ୍ଭୀର ଅଛି। ସେ ବର୍ତ୍ତମାନ ଦିଲ୍ଲୀ AIIMSରେ ଚିକିତ୍ସିତ ହେଉଛନ୍ତି। ପୂର୍ବ ପରି ଲାଲୁଙ୍କ ସ୍ୱାସ୍ଥ୍ୟାବସ୍ଥାରେ କୌଣସି ପରିବର୍ତ୍ତନ ହୋଇ ନାହିଁ ବୋଲି ଗୁରୁବାର ତାଙ୍କ ବଡ ପୁଅ ତେଜ ପ୍ରତାପ ଯାଦବ କହିଛନ୍ତି। ତାଙ୍କ ପିତା ଧୀରେ ଧୀରେ ସୁସ୍ଥ ହୋଇଯିବେ ବୋଲି ତେଜ ପ୍ରତାପ ଆଶାବ୍ୟକ୍ତ କରିଛନ୍ତି।

ତେଜ ପ୍ରତାପ ଯାଦବ କହିଛନ୍ତି; 'ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟାବସ୍ଥା ଧୀରେ ଧୀରେ ଉନ୍ନତି ହେବ। ବର୍ତ୍ତମାନ ସୁଦ୍ଧା ତାଙ୍କ ଅବସ୍ଥା ପୂର୍ବ ପରି ସମାନ ରହିଛି। ଡାକ୍ତରଙ୍କ ପୁରା ଟିମ୍ କଠିନ ପରିଶ୍ରମ କରୁଛନ୍ତି। ଆମେ ତାଙ୍କ ପାଇଁ ପ୍ରାର୍ଥନା କରୁଛୁ ଯାହା ଦ୍ୱାରା ସେ ଶୀଘ୍ର ଭଲ ହୋଇଯିବେ। ତାଙ୍କର ଆତ୍ମବିଶ୍ୱାସ ବହୁତ ଅଧିକ। ତାଙ୍କ ହାତ ଏବଂ ଗୋଡର ଦୁଇଟି ଆଙ୍ଗୁଠି ଭାଙ୍ଗି ଯାଇଥିଲା। ସେ ଅଣ୍ଟାରେ ମଧ୍ୟ ଆଘାତ ପାଇଥିଲେ। ହାଡ ଭଲ ହେବା ପାଇଁ ସମୟ ଲାଗେ। ସେ ନିଜେ ଖାଇବାକୁ ସକ୍ଷମ ନୁହଁନ୍ତି।' 

Also Read: IT cell ମୁଖ୍ୟଙ୍କୁ ବିଦା କଲା BJP, ଜାଣନ୍ତୁ କେଉଁ କାଣ୍ତ କରିଥିଲେ Arun Yadav

ସେ ପୁଣି କହିଛନ୍ତି ଯେ, ତାଙ୍କ ଅବସ୍ଥା ସ୍ଥିର ହେବା ପରେ ଲାଲୁ ଯାଦବଙ୍କୁ ଉନ୍ନତ ଚିକିତ୍ସା ପାଇଁ ସିଙ୍ଗାପୁରକୁ ନିଆଯିବ। ଏହି ସପ୍ତାହ ଆରମ୍ଭରେ ଆରଜେଡି ସୁପ୍ରିମୋ ତାଙ୍କ ଘରେ ପଡ଼ିଯାଇଥିଲେ। ଫଳରେ ତାଙ୍କ କାନ୍ଧର ହାଡ ଭାଙ୍ଗି ଯାଇଥିଲା ଏବଂ ଗୋଡ ଓ ହାତରେ ଆଘାତ ଲାଗିଥିଲା। ସ୍ଥାନୀୟ ଡାକ୍ତରଖାନାର ଆଇସିୟୁରେ ଭର୍ତ୍ତି ହେବା ପରେ ଏୟାର ଆମ୍ବୁଲାନ୍ସ ଯୋଗେ ଦିଲ୍ଲୀର AIIMSକୁ ନିଆଯାଇଥିଲା।

ଗୁରୁବାର ସକାଳେ ଲାଲୁଙ୍କ ସାନପୁଅ ତେଜସ୍ୱୀ ଯାଦବ କହିଛନ୍ତି ଯେ, ତାଙ୍କ ପିତାଙ୍କ ସ୍ୱାସ୍ଥ୍ୟରେ ଉନ୍ନତି ଆସୁଛି। ଶୁଭେଚ୍ଛୁ ଏବଂ ସମର୍ଥକମାନଙ୍କୁ ସେ ଧନ୍ୟବାଦ ଜଣାଇଛନ୍ତି। ବିହାରର ୭୪ ବର୍ଷୀୟ ପୂର୍ବତନ ମୁଖ୍ୟମନ୍ତ୍ରୀଙ୍କ ସହିତ ଡାକ୍ତରଙ୍କ ଏକ ଟିମ୍ ଏବଂ ତାଙ୍କ ବଡ଼ ଝିଅ ମିସା ଭାରତୀ, ରାଜ୍ୟସଭା ସାଂସଦ ତଥା ଏମବିବିଏସ୍ ଡାକ୍ତର ଅଛନ୍ତି। ବୁଧବାର ଲାଲୁଙ୍କ ପତ୍ନୀ ରାବଡି ଦେବୀ ଏବଂ ସାନ ପୁଅ ତେଜସ୍ୱୀ ଯାଦବ, ଦିଲ୍ଲୀରେ ପହଞ୍ଚି ସମସ୍ତ ବ୍ୟବସ୍ଥାର ତଦାରଖ କରିଥିଲେ।