National Teachers Award 2022: ଏକମାତ୍ର ଓଡ଼ିଆ ଶିକ୍ଷକଙ୍କ ସମେତ ଦେଶର ୪୬ ଜଣ ଶିକ୍ଷକଙ୍କୁ ଜାତୀୟ ପୁରସ୍କାର ପ୍ରଦାନ କରିବେ ରାଷ୍ଟ୍ରପତି

National Teachers Award 2022: ଆସନ୍ତାକାଲି ସେପ୍ଟେମ୍ୱର ୫,ଗୁରୁଦିବସ (Teachers Day 2022) । ଏହି ଅବସରରେ ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ (Droupadi Murmu) ମନୋନୀତ ଶିକ୍ଷକମାନଙ୍କୁ ଜାତୀୟ ପୁରସ୍କାରରେ ସମ୍ମାନିତ କରିବେ। ଏହି କାର୍ଯ୍ୟକ୍ରମ ନୂଆଦିଲ୍ଲୀ ସ୍ଥିତ ବିଜ୍ଞାନଭବନରେ ଦିନ ୧୧ ଟାରେ ଅନୁଷ୍ଠିତ ହେବ ବୋଲି କେନ୍ଦ୍ର ଶିକ୍ଷା ମନ୍ତ୍ରାଳୟ ତରଫରୁ ସୂଚନା ଦିଆଯାଇଛି । 

“ମହାମହିମ ରାଷ୍ଟ୍ରପତି ଶ୍ରୀମତି ଦ୍ରୌପଦୀ ମୁର୍ମୁ ସାରା ଦେଶରୁ ମନୋନୀତ ହୋଇଥିବା ଶ୍ରେଷ୍ଠ ଶିକ୍ଷକ/ଶିକ୍ଷୟତ୍ରୀ ମାନଙ୍କୁ ୨୦୨୨ ମସିହାର ରାଷ୍ଟ୍ରୀୟ ଶିକ୍ଷକ ସମ୍ମାନରେ ସମ୍ମାନୀତ କରିବେ । ଏନେଇ ମନ୍ତ୍ରାଳୟ ଟ୍ୱିଟ୍ କରିଛି । ଚଳିତ ବର୍ଷ ଦେଶର ବିଭିନ୍ନ ପ୍ରାନ୍ତରୁ ୪୬ ଜଣ ଶିକ୍ଷକ ସମ୍ମାନଜନକ ପୁରସ୍କାର ପାଇଁ ମନୋନୀତ ହୋଇଛନ୍ତି । ପ୍ରତ୍ୟେକ ପୁରସ୍କାରରେ ଯୋଗ୍ୟତା ସାର୍ଟିଫିକେଟ୍, ୫୦ ହଜାର ନଗଦ ଅର୍ଥ ରାଶି ଏବଂ ଗୋଟିଏ ରୌପ୍ୟ ପଦକ ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସନ୍ଧ୍ୟାରେ ସମ୍ମାନୀତ ଶିକ୍ଷକ/ଶିକ୍ଷୟତ୍ରୀ ମାନଙ୍କ ସହ ସାକ୍ଷାତ କରିବାର କାର୍ଯ୍ୟକ୍ରମ ରହିଛି । ଏହି ୪୬ ଜଣ ଶିକ୍ଷକଙ୍କ ମଧ୍ୟରେ ଓଡ଼ିଶାରୁ କେବଳ ଜଣେ ସ୍ଥାନ ପାଇଛନ୍ତି । 

ଦେଖନ୍ତୁ ପୂରା ଲିଷ୍ଟ:

ଶିକ୍ଷକମାନଙ୍କୁ ଜାତୀୟ ପୁରସ୍କାରର ଦେବାର ଉଦ୍ଦେଶ୍ୟ ହେଉଛି “ଦେଶର କେତେକ ଶ୍ରେଷ୍ଠ ଶିକ୍ଷକଙ୍କ ଅନନ୍ୟ ଅବଦାନକୁ ଖୁସିରେ ପାଳନ କରିବା ଏବଂ ସମ୍ମାନିତ କରିବା, ଯେଉଁମାନେ ସେମାନଙ୍କର ପ୍ରତିବଦ୍ଧତା ଏବଂ ପରିଶ୍ରମ ଦ୍ୱାରା କେବଳ ବିଦ୍ୟାଳୟ ଶିକ୍ଷାର ଗୁଣବତ୍ତା ଉନ୍ନତି କରିନାହାଁନ୍ତି ବରଂ ସେମାନଙ୍କ ଛାତ୍ରମାନଙ୍କ ଜୀବନକୁ ମଧ୍ୟ ସମୃଦ୍ଧ କରିଥିଲେ, ଯାହା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ କୁହାଯାଇଛି ।

ଶିକ୍ଷକମାନଙ୍କୁ ଜାତୀୟ ପୁରସ୍କାର ପ୍ରାଥମିକ ଏବଂ ମାଧ୍ୟମିକ ବିଦ୍ୟାଳୟରେ କାର୍ଯ୍ୟ କରୁଥିବା ଯୋଗ୍ୟ ଶିକ୍ଷକମାନଙ୍କୁ ସର୍ବସାଧାରଣ ମାନ୍ୟତା ପ୍ରଦାନ କରେ । ଏହି ପୁରସ୍କାର ପାଇଁ ଚଳିତ ବର୍ଷ ଦେଶର ୪୫ ଜଣ ଶିକ୍ଷକଙ୍କୁ କଠିନ ଏବଂ ସ୍ୱଚ୍ଛ ଅନଲାଇନ୍ ପ୍ରକ୍ରିୟା ମାଧ୍ୟମରେ ତିନୋଟି ପର୍ଯ୍ୟାୟ ଦେଇ ଚୟନ କରାଯାଇଛି। ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶିକ୍ଷକ ଦିବସ ଅବସରରେ ଦିଲ୍ଲୀର ବିଜ୍ଞାନ ଭବନରେ୪୬ ଶିକ୍ଷକ/ଶିକ୍ଷୟତ୍ରୀଙ୍କୁ ଏହି ଜାତୀୟ ପୁରସ୍କାର ପ୍ରଦାନ କରିବେ। ଜାତୀୟ ପୁରସ୍କାର ପାଇଁ ମନୋନୀତ ହୋଇଥିବା ୪୬ ଜଣ ଶିକ୍ଷକଙ୍କ ମଧ୍ୟରେ ଦୁଇଜଣ ଶିକ୍ଷକଙ୍କ ମଧ୍ୟରୁ ଜଣେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ ର ହୋଇଥିବାବେଳେ  ଅନ୍ୟ ଜଣେ ଉତ୍ତରପ୍ରଦେଶର ଜଣେ ଭିନ୍ନକ୍ଷମ ଶିକ୍ଷକମାନଙ୍କ ପାଇଁ ସ୍ୱତନ୍ତ୍ର ବର୍ଗ ଅଧୀନରେ ପୁରସ୍କୃତ ହେବେ ।

ଏହା ବି ପଢ଼ନ୍ତୁ: Coconut water: ପଇଡ଼ ପାଣି କେବଳ ଲାଭ ନୁହେଁ ବରଂ ଶରୀରର କ୍ଷତି ମଧ୍ୟ କରିଥାଏ, ଜାଣନ୍ତୁ କିପରି

ଏହା ବି ପଢ଼ନ୍ତୁ: Heart Attack: ଜିମରେ ବ୍ୟାୟାମ କରିବା ସମୟରେ ଏହି ଜିନିଷଗୁଡ଼ିକୁ ଧ୍ୟାନ ଦିଅନ୍ତୁ, ହେବ ନାହିଁ ହାର୍ଟଆଟାକ