CEO Suchana Seth: ସ୍ୱାମୀର ପ୍ରଶ୍ନ 'କାହିଁ କଲୁ ଏମିତି', 'ଅଭିଯୁକ୍ତାଙ୍କ ଉତ୍ତର କିଛି ଭୁଲ୍ କରିନି'

CEO Suchana Seth: ବେଙ୍ଗାଲୁରୁର ଷ୍ଟାର୍ଟଅପ୍ କମ୍ପାନୀର ସିଇଓ ସୂଚନା ସେଠ୍ ତାଙ୍କ ୪ ବର୍ଷର ନିରୀହ ପୁଅକୁ କିପରି ହତ୍ୟା କରିଛନ୍ତି ତାହା ଶୁଣିବା ପରେ ଏପର୍ଯ୍ୟନ୍ତ କେହି ବିଶ୍ୱାସ କରିପାରୁ ନାହାଁନ୍ତି। ଶିଶୁଟିର ବାପା ଛାତିରେ ପଥର ରଖି ଶିଶୁ ପୁତ୍ରର ସମସ୍ତ ରୀତିନୀତି ଶେଷ କରିଥିଲେ । ବର୍ତ୍ତମାନ ଏହି ମାମଲାରେ ଆଉ ଏକ ନୂଆ କଥା ସାମ୍ନାକୁ ଆସିଛି। ଗୋଆ ପୋଲିସର ଅନୁସନ୍ଧାନରୁ ଜଣାପଡିଛି ଯେ ସୂଚନା ନିଜ ୪ ବର୍ଷର ଶିଶୁକୁ ଏକ ଯୋଜନାବଦ୍ଧ ଷଡଯନ୍ତ୍ରର ଏକ ଅଂଶ କରି ହତ୍ୟା କରିଛନ୍ତି। କେବଳ ଏତିକି ନୁହେଁ ପୁଅକୁ ହତ୍ୟା କରିବା ପୂର୍ବରୁ ସୂଚନା ତାଙ୍କ ସ୍ୱାମୀଙ୍କୁ ହ୍ୱାଟସ ଆପ ମେସେଜ ମଧ୍ୟ କରିଥିଲେ। ସୂଚନା ତାଙ୍କ ସ୍ୱାମୀଙ୍କୁ କହିଥିଲେ ଯେ, ଯଦି ସେ ନିଜ ପୁଅକୁ ଦେଖା କରିବାକୁ ଚାହୁଁଛନ୍ତି ତେବେ ବେଙ୍ଗାଲୁରୁର ଏକ ଶୂନଶାନ ସ୍ଥାନକୁ ଆସନ୍ତୁ। ସୂଚନା ଏହି ମେସେଜ ଟି ସେତେବେଳେ କରିଥିଲେ ଯେତେବେଳେ ସେ ଓ ତାଙ୍କ ପୁଅ ଗୋଆରେ ଥିଲେ। 

ସେପଟେ ପୋଲିସ ଅଧିକାରୀଙ୍କ କହିବା କଥା, ସୂଚନାଙ୍କ ସ୍ୱାମୀ ବେଙ୍ଗାଲୁରୁରେ ଏକ ନିର୍ଦ୍ଦିଷ୍ଟ ସ୍ଥାନରେ ପହଞ୍ଚିଥିଲେ କିନ୍ତୁ ସୂଚନା ସେଠ୍(Ceo Suchana Seth) ଓ ତାଙ୍କ ପୁଅ ସେଠାରେ ପହଞ୍ଚିନଥିଲେ। ଯେତେବେଳେ ତାଙ୍କ ପତ୍ନୀ ଏବଂ ପୁଅ ଆସି ନଥିଲେ, ସ୍ୱାମୀ ଭେଙ୍କଟ ରମଣ ଜାକର୍ତ୍ତା ଚାଲିଯାଇଥିଲେ। ପୋଲିସ ଅଧିକାରୀ ଆହୁରି ମଧ୍ୟ କହିଛନ୍ତି ଯେ ଶିଶୁର ପୋଷ୍ଟମର୍ଟମକୁ ଆଧାର ଅନୁସାରେ ଶିଶୁକୁ ଅତି କମରେ ୩୬ ଘଣ୍ଟା ପୂର୍ବରୁ ହତ୍ୟା କରାଯାଇଥିଲା। ସେପଟେ ସୂଚନାଙ୍କୁ ପୋଲିସ ହେପାଜତରେ ନେଇଥିବା ବେଳେ ଉଭୟ ସ୍ୱାମୀ ସ୍ତ୍ରୀଙ୍କ ବୟାନ ରେକର୍ଡ କରୁଛି ପୋଲିସ । ଖବର ଅନୁସାରେ, ସୂଚନାଙ୍କ ସ୍ୱାମୀ 'କାହିଁ ଏମିତି କଲୁ' ପ୍ରଶ୍ନ କରିବାରୁ ସୂଚନା କହିଥିଲେ ଯେ, ସେ କିଛି ଭୁଲ କରିନାହାଁନ୍ତି । 

ପୋଲିସ ଅଧିକାରୀ କହିଛନ୍ତି, ଯେ 'ଗତ ଶନିବାର ଦିନ ସୂଚନା ତାଙ୍କ ପୁଅ ସହିତ ଗୋଆରେ ପହଞ୍ଚିବା ପରେ କୋଠରୀରେ ତାଲା ପକାଇ ହତ୍ୟା କରିବା ଏବଂ ପୁଅର ଶବକୁ ଏକ ବ୍ୟାଗରେ ଭର୍ତ୍ତି କରିଥିବାରୁ ଆମେ ଏହାକୁ ଏକ ଯୋଜନାବଦ୍ଧ ହତ୍ୟା ବୋଲି କହୁଛୁ ବୋଲି ପୋଲିସ ଅଧିକାରୀ କହିଛନ୍ତି। ଗୋଆ ପୋଲିସ ଆହୁରି ମଧ୍ୟ କହିଛି ଯେ ଏହି ସୂଚନା ସୋମବାର ରାତି ପ୍ରାୟ ଗୋଟାଏ ସମୟରେ ମିଳିଥିଲା। ସୂଚନା ସେଠ୍ ସେବା ଆପାର୍ଟମେଣ୍ଟ ଛାଡି ପ୍ରାୟ ବିଳମ୍ବିତ ରାତିରେ ହୋଟେଲରୁ ବାହାରିଯାଇଥିଲେ। । ପୋଲିସର କହିବା କଥା, ଗୋଆର ଚୋରଲା ଘାଟରେ(Goa) ରାତି ୨ଟାରୁ ୬ଟା ପର୍ଯ୍ୟନ୍ତ ଟ୍ରାଫିକ ଜାମ୍ ହୋଇଥିଲା, କିନ୍ତୁ ଟ୍ୟାକ୍ସି ଅଟକି ନଥିଲା। ଯେତେବେଳେ ସେ ତାଙ୍କ ପୁଅର ମୃତଦେହକୁ କିପରି ଡିସପୋଜ କରିବାକୁ ଯୋଜନା କରିଥିଲେ ପୋଲିସ ପଚାରିଥିଲା, ଅଭିଯୁକ୍ତା ମହିଳା ସୂଚନା ସେଠ୍ କହିଥିଲେ ଯେ କୌଣସି ଯୋଜନା ସେ କରିନଥିଲେ। ମୁଁ ମୋ ପୁଅକୁ ଘରକୁ ନେବାକୁ ଚାହୁଁଥିଲି ବୋଲି ସେ କହିଥିଲେ। 

ଅନ୍ୟପଟେ ଅଭିଯୁକ୍ତା ସୂଚନାଙ୍କ ମାନସିକ ସ୍ଥିତି କିପରି ଅଛି ତାହା ଜାଣିବାକୁ ମଧ୍ୟ ପ୍ରୟାସ ଜାରି ରହିଛି। ପ୍ରକାଶ ଯେ, ମା’ଙ୍କ ମୃତ୍ୟୁ ପରଠାରୁ ସେ ତାଙ୍କ ପିତାଙ୍କ ସହ ଅନେକ ବର୍ଷ ଧରି କଥା ହୋଇନଥିଲେ। ସିଇଓ ସୂଚନା ସେଠଙ୍କୁ ଯୋଜନାବଦ୍ଧ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରିବାକୁ ପୋଲିସ ପାଖରେ ପର୍ଯ୍ୟାପ୍ତ ପ୍ରମାଣ ଅଛି ବୋଲି ପୋଲିସ କହିଛି।

Also Read: Odisha Weather: ଆଉ ୨ ଦିନ ଧରି କଲବଲ କରିବ ହାଡ଼ ଭଙ୍ଗା ଜାଡ, ୧୭ ରୁ ପାଣିପାଗରେ ପରିବର୍ତ୍ତନ