Queen Elizabeth II: ବଂକିହାମ ପ୍ୟାଲେସରେ ପହଞ୍ଚିଲା ରାଣୀଙ୍କ ମରଶରୀର, ସୋମବାର ଶେଷକୃତ୍ୟ

Queen Elizabeth II: ନୂଆଦିଲ୍ଲୀ: ରାଣୀ ଏଲିଜାବେଥ୍ ଦ୍ୱିତୀୟଙ୍କ ମରଶରୀର ମଙ୍ଗଳବାର ଲଣ୍ଡନର ବକିଂହମ୍ ପ୍ୟାଲେସରେ ପହଞ୍ଚିଛି। ବ୍ରିଟେନର ସ୍ୱର୍ଗତ ରାଣୀ ଏଲିଜାବେଥଙ୍କ ମୃତଦେହ ମଙ୍ଗଳବାର ସନ୍ଧ୍ୟାରେ ସ୍କଟଲ୍ୟାଣ୍ଡରୁ ଆସି ଲଣ୍ଡନରେ ପହଞ୍ଚିଛି। ତାଙ୍କ ମୃତଦେହକୁ ଗତ ରାତିରେ ବକିଙ୍ଗହମ୍ ପ୍ୟାଲେସରେ ରଖାଯିବ। ରାଣୀଙ୍କ ମୃତଦେହକୁ ରାତାରାତି ବକିଂହାମ ପ୍ୟାଲେସର ଧନୁ କକ୍ଷରେ ରଖାଯିବ, ଯେଉଁଠାରେ ରୟାଲ ପରିବାରର ସଦସ୍ୟମାନେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବେ। ବୁଧବାର ଦିନ ଏକ ଅନ୍ତିମ ସଂସ୍କାର କରାଯିବ, ଯେଉଁଥିରେ ରାଣୀଙ୍କ ମୃତଦେହକୁ ବକିଂହାମ ପ୍ୟାଲେସରୁ ୱେଷ୍ଟମିନିଷ୍ଟର ଆବେ (ସଂସଦ ଭବନ ପରିସର)କୁ ନିଆଯିବ।

ରାଣୀଙ୍କ ମୃତଦେହ ବୁଧବାର ଠାରୁ ଚାରି ଦିନ ୱେଷ୍ଟମିନିଷ୍ଟର ହଲରେ ରଖାଯିବ । ପରେ ସୋମବାର ତାଙ୍କର ଶେଷକୃତ୍ୟ ସମାପନ କରାଯିବ। ବ୍ରିଟେନର କ୍ୱିନ୍ସ ଗାର୍ଡେନ୍, ଦ ମଲ୍, ହର୍ସ ଗାର୍ଡସ ଏବଂ ହର୍ସ ଗାର୍ଡ ଆର୍କ, ହ୍ୱାଇଟ ହଲ୍, ପାର୍ଲିଆମେଣ୍ଟ ଷ୍ଟ୍ରିଟ, ପାର୍ଲିଆମେଣ୍ଟ ସ୍କୋୟାର ଏବଂ ନ୍ୟୁ ପ୍ୟାଲେସ୍ ୟାର୍ଡ ସହିତ ରାଜଧାନୀର କିଛି ପ୍ରମୁଖ ସ୍ଥାନ ଦେଇ ଶ୍ମସାନ ଘାଟକୁ ନିଆଯିବ। ସେଠରେ ଅନ୍ତିମ ସଂସ୍କାର କରାଯିବ। ୧୯ ସେପ୍ଟେମ୍ବରରେ ୱେଷ୍ଟମିନିଷ୍ଟର ଆବେରେ ରାଣୀ ଏଲିଜାବେଥ ଦ୍ୱିତୀୟଙ୍କୁ ପୂର୍ଣ୍ଣ ରାଷ୍ଟ୍ରୀୟ ସମ୍ମାନ ସହ ଅନ୍ତିମ ସଂସ୍କାର ପ୍ରକ୍ରିୟା ସମାପନ କରାଯିବ।

ସୂଚନାଯୋଗ୍ୟ ମହାରାଣୀଙ୍କ ପାର୍ଥିବ ଶରୀରକୁ ଯେଉଁ ବିମାନରେ ଅଣାଯାଇଥିଲା ସେହି ବିମାନକୁ ବ୍ରିଟେନରେ ମାନବୀୟ ସହାୟତାରେ ବ୍ୟବହାର କରାଯାଇଥିଲା। ମହାରାଣୀଙ୍କ ମରଶରୀରକୁ ଆଣିବା ପରେ ବିମାନଟି ଆରଏଏଫର ପଶ୍ଚିମ ଲଣ୍ଡନ ସ୍ଥିତ ନର୍ଥ ହଲ୍ଟ ବିମାନ ବନ୍ଦରରେ ଅବତରଣ କରିଥିଲା। ସେଠାରୁ ସଡ଼କ ମାର୍ଗରେ ମଧ୍ୟ ଲଣ୍ଡନସ୍ଥିତ ବକିଂହାମ ପ୍ୟାଲେସକୁ ନିଆଯାଇଥିଲା। ମହାରାଜା ଚାର୍ଲ୍ସ ତୃତୀୟ ଯିଏ ମଙ୍ଗଳବାର ଉତ୍ତର ଆୟର୍ଲାଣ୍ଡ ଗସ୍ତରେ ଥିଲେ। ମରଶରୀରକୁ ଗ୍ରହଣ କରିବା ପାଇଁ ସେ ତାଙ୍କ ପତ୍ନୀ କାମିଲାଙ୍କ ସହ ରାଜଭବନରେ ପହଞ୍ଚି ସାରିଛନ୍ତି।

ସୂଚନାଯୋଗ୍ୟ ସ୍କଟଲାଣ୍ଡର ବାଲମୋରାଲ କ୍ୟାସେଲରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ। ଶୁକ୍ରବାର ତାଙ୍କ ପାର୍ଥିବ ଶରୀରକୁ ଲଣ୍ଡନ ଅଣାଯାଇଛି। ମହାରଣୀ ଏଲିଜାବେଥ ଦ୍ୱିତୀୟ ବ୍ରିଟେନର ସବୁଠାରୁ ଲମ୍ବା ସମୟ ଧରି ଶାସକ ରହିଥିଲେ। ମୃତ୍ୟୁ ବେଳକୁ ତାଙ୍କୁ ୯୬ ବର୍ଷ ବୟସ ହୋଇଥିଲା। ରାଣୀ ଏଲିଜାବେଥ ଦ୍ୱତୀୟ ୧୯୫୨ରୁ ୨୦୨୨ ଯାଏ (୭୦ ବର୍ଷ ୨୧୪ ଦିନ) ଦେଶର ଶାସନ କ୍ଷମତା ସମ୍ଭାଳିଥିଲେ ।

କିଛି ଦିନ ହେଲା ବ୍ରିଟେନର ରାଣୀ ଏଲିଜାବେଥଙ୍କ ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା। ତାଙ୍କ ସ୍ୱାସ୍ଥ୍ୟକୁ ନେଇ ଡାକ୍ତରମାନେ ବହୁତ ଚିନ୍ତିତ ଥିଲେ। ୯୬ ବର୍ଷୀୟ ରାଣୀଙ୍କୁ ଭେଟିବା ପାଇଁ ବ୍ରିଟେନର ନବ ନିର୍ବାଚିତ ପ୍ରଧାନମନ୍ତ୍ରୀ ଲିଜ ଟ୍ରସ (Liz Truss), ସ୍କଟଲ୍ୟାଣ୍ଡର ଆବର୍ଡିନସାୟାରର ବାଲମୋରାଲ ଦୁର୍ଗର ବାସଭବନରେ ପହଞ୍ଚିଥିଲେ । ରାଣୀଙ୍କ ପୁଅ ପ୍ରିନ୍ସ ଚାର୍ଲ୍ସ ଓ ନାତି ପ୍ରିନ୍ସ ୱିଲିୟମ୍ ମଧ୍ୟ ସେଠାକୁ ଯାଇଥିଲେ । କିନ୍ତୁ ସନ୍ଧ୍ୟାରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ରାଣୀ ଏଲିଜାବେଥଙ୍କ ମୃତ୍ୟୁ ଖବର ପରେ ବ୍ରିଟେନରେ ଶୋକର ଛାୟା ଖେଳିଯାଇଛି । ଶୁକ୍ରବାର ରାଣୀଙ୍କ ପାର୍ଥୀବ ଶରୀରକୁ ଲଣ୍ଡନ ଅଣାଯିବ । ତେବେ ଆସନ୍ତା ୧୫ ଦିନ ବ୍ରିଟେନବାସୀଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ । 

ଲଣ୍ଡନରେ ରାଣୀ ଏଲିଜାବେଥ ଦ୍ୱିତୀୟଙ୍କ ଅନ୍ତ୍ୟେଷ୍ଟି ସମ୍ପନ୍ନ ହେବ । ଆସନ୍ତା ଦଶ ଦିନ ବ୍ରିଟେନରେ ରାଜନୈତିକ କାର୍ଯ୍ୟକଳାପ ବନ୍ଦ ରହିବ । ନୂଆ ରାଜାଙ୍କ ରାଜ୍ୟାଭିଷେକ ହେବ । ରାଣୀଙ୍କର ଚରି ସନ୍ତାନ ଅଛନ୍ତି, ସେମାନଙ୍କ ମଧ୍ୟରୁ ଯୁବରାଜ ଚାର୍ଲସ ସବୁଠାରୁ ବଡ। ତେଣୁ ପୁରାତନ ପ୍ରଥା ଅନୁସାରେ ୭୩ ବର୍ଷିୟ ଯୁବରାଜ ଚାର୍ଲସଙ୍କୁ ବ୍ରିଟେନର ପରବର୍ତ୍ତୀ ରାଜା ହେବେ । ଚାର୍ଲସଙ୍କ ପତ୍ନୀ କାମେଲାଙ୍କୁ ରାଣୀ ଉପାଧି ମିଳିବ ଏବଂ ସେ କୋହିନୂର ହୀରା ଖଚିତ ମୁକୁଟ ପିନ୍ଧିବେ। ତବେ ରାଜା ହେବା ପରେ ଚାର୍ଲସଙ୍କ ଆଗରେ ଏକ ବଡ ଆହ୍ୱାନ ରହିଛି । ବର୍ତ୍ତମାନ ସ୍କଟଲାଣ୍ଡ ସ୍ୱାଧିନତା ଦାବି କରୁଛି । ଆଉ ୟୁରୋପୀୟ ସଙ୍ଘରୁ ବାହାରିବା ପରେ ବ୍ରିଟେନ ଅନିଶ୍ଚିତା ଦେଇ ଗତି କରୁଛି। 

ଗତ ଫେବୃଆରୀରେ ରାଣୀ ଏଲିଜାବେଥ ଦ୍ୱିତୀୟ ନିଜ ଶାସନର ୭୦ ବର୍ଷ ପୂରଣ କରିଥିଲେ । ତାଙ୍କ ପିତା ସମ୍ରାଟ ଜର୍ଜ ଷଷ୍ଠଙ୍କ ମୃତ୍ୟୁ ପରେ ସେ ୬ ଫେବୃଆରୀ ୧୯୫୨ରେ ବ୍ରିଟିଶ ସିଂହାସନ ଆରୋହଣ କରିଥିଲେ । ୧୯୬୧ ମସିହାରେ ମହାରାଣୀ ତାଙ୍କ ସ୍ୱାମୀ ପ୍ରିନ୍ସ ଫିଲିପ୍ (ଡ୍ୟୁକ୍ ଅଫ୍ ଏଡିନବର୍ଗ) ଙ୍କ ସହ ଭାରତ ଗସ୍ତ କରିଥିଲେ । ଗତ ବର୍ଷ ଫିଲିପଙ୍କ ଦେହାନ୍ତ ହୋଇଥିଲା । ରାଣୀ ଏଲିଜାବେଥ ଦ୍ୱିତୀୟ ୯୬ ବର୍ଷ ବୟସରେ ସିଂହାସନରେ ଦୀର୍ଘତମ ରାଜତ୍ୱ ପାଇଁ ରେକର୍ଡ ରଖିଛନ୍ତି । ରାଣୀଙ୍କ ପରେ, ଏହି ରାଜ ପରିବାରର ପ୍ରାୟ ୨୨ ଜଣ ସଦସ୍ୟ ଏହି ବ୍ରିଟିନର ଉତ୍ତରାଧିକାରୀ ପାଇଁ ରେସରେ ଅଛନ୍ତି । ତେବେ, ନିୟମ ଅନୁଯାୟୀ ରାଜ ପରିବାରର ବରିଷ୍ଠ ସଦସ୍ୟଙ୍କ ହାତରେ କ୍ଷମତା ରହିଥାଏ, କିନ୍ତୁ ଏହି ବରିଷ୍ଠତା ଆଦେଶ ବୟସ ଅନୁଯାୟୀ ନୁହେଁ, ଉତ୍ତରାଧିକାରୀ ଦ୍ୱାରା ନିର୍ଣ୍ଣୟ କରାଯାଏ ।