ଭାରତରେ ପ୍ରଥମ ଥର ସୈନ୍ୟଭ୍ୟାସ କରିବ ପାକିସ୍ତାନ ସେନା; ଏହା ରହିଛି କାରଣ

Counter terror Drill: ଅକ୍ଟୋବରରେ ସାଂଘାଇ ସହଯୋଗ ସଂଗଠନ (Shanghai Cooperation Organization) ଅଧୀନରେ ଭାରତ ଦ୍ୱାରା ଆୟୋଜିତ ହେବାକୁ ଥିବା ଆତଙ୍କବାଦ ବିରୋଧୀ ଅଭ୍ୟାସରେ ପାକିସ୍ତାନ (Pakistan) ଅଂଶଗ୍ରହଣ କରିବ । ଶନିବାର ଏକ ଗଣମାଧ୍ୟମ ରିପୋର୍ଟରେ ଏହି ସୂଚନା ଦିଆଯାଇଛି । 'ଦି ଏକ୍ସପ୍ରେସ ଟ୍ରିବ୍ୟୁନ' ଖବରକାଗଜର ରିପୋର୍ଟ ଅନୁଯାୟୀ ପାକିସ୍ତାନୀ ଓ ଭାରତୀୟ ସୈନ୍ୟ ମାନେ ଏକତ୍ର ଆତଙ୍କବାଦ ବିରୋଧୀ ଅଭ୍ୟାସରେ ଭାଗ ନେଇଛନ୍ତି, କିନ୍ତୁ ପାକିସ୍ତାନ ପ୍ରଥମ ଥର ପାଇଁ ଭାରତରେ ଏପରି ସୈନ୍ୟଭ୍ୟାସରେ ଭାଗ ନେବ ।

ଶୁକ୍ରବାର ଦିନ ପାକିସ୍ତାନ ବୈଦେଶିକ କାର୍ଯ୍ୟାଳୟର ମୁଖପାତ୍ର ଅସୀମ ଇଫ୍ଟିଖର ଖବରକାଗଜରୁ କହିଛନ୍ତି ଯେ ଏସସିଓର ଆଞ୍ଚଳିକ ଆତଙ୍କବାଦ ବିରୋଧୀ ଢାଞ୍ଚା (RATS) ଅଧୀନରେ ଚଳିତ ବର୍ଷ ଅକ୍ଟୋବରରେ ଆୟୋଜିତ ହେବାକୁ ଥିବା ଆନ୍ତର୍ଜାତୀୟ ଆତଙ୍କବାଦ ବିରୋଧୀ ଅଭ୍ୟାସରେ ପାକିସ୍ତାନ ଅଂଶଗ୍ରହଣ କରିବ । ମୁଖପାତ୍ର କହିଛନ୍ତି, 'ଏହି ଅଭ୍ୟାସ ଅକ୍ଟୋବରରେ ଭାରତର ମାନେସରରେ ଅନୁଷ୍ଠିତ ହେବ ଓ ପାକିସ୍ତାନ ସଦସ୍ୟ ହୋଇଥିବାରୁ ଆମେ ଏଥିରେ ଅଂଶଗ୍ରହଣ କରିବୁ । କାଜାଖସ୍ତାନ, କିର୍ଗିଜସ୍ଥାନ, ତାଜିକିସ୍ତାନ ଓ ଉଜବେକିସ୍ତାନ ମଧ୍ୟ ଏଥିରେ ଅଂଶଗ୍ରହଣ କରିବେ ।

ଏହି ଅଭ୍ୟାସ ଏପରି ଏକ ସମୟରେ ହେବ, ଯେତେବେଳେ ଜୁଲାଇ ୨୯ ରେ ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟି, ଋଷର ବୈଦେଶିକ ମନ୍ତ୍ରୀ ସରୋଜ ଲାଭ୍ରୋଭ, ତାଙ୍କ ପାକିସ୍ତାନୀ ପ୍ରତିପକ୍ଷ ବିଲାୱାଲ ଭୁଟ୍ଟୋଙ୍କ ଉପସ୍ଥିତିରେ ଭାରତୀୟ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ପରୋକ୍ଷ ଭାବରେ ପାକିସ୍ତାନ ପ୍ରସଙ୍ଗରେ ମନ୍ତବ୍ୟ ଦେଇ କହିଥିଲେ ଯେ ସମସ୍ତ ପ୍ରକାର ଆତଙ୍କବାଦ ପ୍ରତି ଶୂନ୍ୟ ସହନଶୀଳତା ନୀତି ରହିବା ଉଚିତ ।

SCO ହେଉଛି ଏକ ଆଠ ସଦସ୍ୟ ବିଶିଷ୍ଟ ଅର୍ଥନୈତିକ ଓ ସୁରକ୍ଷା ସଂଗଠନ, ଯାହା ଉତ୍ତର ଆଟଲାଣ୍ଟିକ୍ ଚୁକ୍ତି ସଂଗଠନ (ନାଟୋ) ର ପ୍ରତିକ୍ରିୟା ଭାବରେ ବିବେଚନା କରାଯାଏ ।ସାମ୍ପ୍ରତିକ ବର୍ଷଗୁଡିକରେ ଏହା ଏକ ପ୍ରମୁଖ ଆନ୍ତ ଆଞ୍ଚଳିକ ଆନ୍ତର୍ଜାତୀୟ ସଂଗଠନ ଭାବରେ ଉଭା ହୋଇଛି । ୨୦୧୭ ରେ ଭାରତ ଓ ପାକିସ୍ଥାନ ଏହାର ସ୍ଥାୟୀ ସଦସ୍ୟ ହୋଇଥିଲେ । ଋଷ, ଚୀନ୍, କିର୍ଗିଜ୍ ରିପବ୍ଲିକ୍, କାଜାଖସ୍ତାନ, ତାଜିକିସ୍ତାନ ଓ ଉଜବେକିସ୍ତାନର ରାଷ୍ଟ୍ରପତିମାନେ ୨୦୦୧ ରେ ସାଂଘାଇରେ ଏକ ସମ୍ମିଳନୀରେ ଏସସିଓ ପ୍ରତିଷ୍ଠା କରିଥିଲେ ।

ଉଲ୍ଲେଖନୀୟ କଥା ହେଉଛି, ଆଗାମୀ SCO ଶିଖର ସମ୍ମିଳନୀ ୧୫-୧୬ ସେପ୍ଟେମ୍ବରରେ ସମରଖଣ୍ଡରେ ଅନୁଷ୍ଠିତ ହେବ । ଏହି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଚୀନ୍ ରାଷ୍ଟ୍ରପତି ସି ଜିନପିଙ୍ଗ, ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଓ ଦଳର ଅନ୍ୟ ନେତାମାନେ ଯୋଗଦେବେ ବୋଲି ଆଶା କରାଯାଉଛି ।

ଏହା ବି ପଢ଼ନ୍ତୁ: ବିଜେପିକୁ ଆଉ ଏକ ବଡ଼ ଝଟକା ଦେବେ ନୀତିଶ, ଏହି ୩ ସାଂସଦକୁ ନିଜ ଗୋଷ୍ଠୀରେ କରିବେ ସାମିଲ

ଏହା ବି ପଢ଼ନ୍ତୁ: ସ୍ୱାଧୀନତା ଦିବସକୁ ସ୍ୱତନ୍ତ୍ର କରିବା ପାଇଁ ଆର୍ଟିଷ୍ଟ ନିଜ ଆଖି ଭିତରେ ତିଆରି କଲେ ଜାତୀୟ ପତାକା