Meitei extremist organisations: ୧୦ଟି ଉଗ୍ରବାଦୀ ସଂଗଠନକୁ ବ୍ୟାନ କଲେ ସରକାର

Meitei extremist organisations:  ନୂଆଦିଲ୍ଲୀ: ଦେଶରେ ଆତଙ୍କୀ କାର୍ଯ୍ୟକଳାପ, ବିଚ୍ଛିନତାବାଦୀ, ବିଦ୍ରୋହୀ, ଆତଙ୍କବାଦୀ ତଥା ହିଂସାତ୍ମକ କାର୍ଯ୍ୟକଳାପ ଉପରେ ରୋକ ଲଗାଇବା ପାଇଁ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରିଛି ଗୃହ ବିଭାଗ। ବେଆଇନ କାର୍ଯ୍ୟକଳାପ ପ୍ରତିରୋଧ ଆଇନ (UAPA) ଅଧିନରେ ମେଟେ ଉଗ୍ରବାଦୀ ସଂଗଠନକୁ ବେଆଇନ ସଂଗଠନ ବୋଲି ଘୋଷଣା କରିଛି। ମଣିପୁରରେ ସୁରକ୍ଷା ବାହିନୀ, ପୋଲିସ ଏବଂ ସାଧାରଣ ନାଗରିକଙ୍କ ଉପରେ ଆକ୍ରମଣ ତଥା ହତ୍ୟା କରିବା ଭଳି ସଂଗୀନ ଅଭିଯୋଗ ସହିତ ଭାରତର ସାର୍ବଭୌମତ୍ୱ ତଥା ଅଖଣ୍ଡତାକୁ ବିରୋଧ କରୁଥିବା କାର୍ଯ୍ୟକଳାପକୁ ଆଧାର କରି ସରକାର ଏହି ପଦକ୍ଷେପ ଗ୍ରହଣ କରିଛନ୍ତି। 

ବେଆଇନ କାର୍ଯ୍ୟକଳାପ (ପ୍ରତିରୋଧ) ଅଧିନିୟମ, 1967 (37ର 1967)ର ଧାରା 3ର ଉପ-ଧାରା (1) ଦ୍ୱାରା ଦିଆଯାଇଥିବା କ୍ଷମତାକୁ ବ୍ୟବହାର କରି କେନ୍ଦ୍ର ସରକାର ଏହିପରି ଭାବରେ ମେଟେ ଉଗ୍ରବାଦୀ ସଂଗଠନ ଘୋଷଣା କରିଛନ୍ତି। ସରକାର ଘୋଷଣା କରିଥିବା ବିଜ୍ଞପ୍ତି ଅନୁଯାୟୀ ପିପୁଲ୍ସ ଲିବରେସନ୍ ଆର୍ମି (PLA), ରିଭୋଲ୍ୟୁସାରୀ ପିପୁଲ୍ସ ଫ୍ରଣ୍ଟ (RPF), ୟୁନାଇଟେଡ୍ ନ୍ୟାସନାଲ ଲିବରେସନ୍ ଫ୍ରଣ୍ଟ (UNLF) ଏବଂ ଏହାର ସଶସ୍ତ୍ର ବାହିନୀ, ମଣିପୁର ପିପୁଲ୍ସ ଆର୍ମି (MPA), ପିପୁଲ୍ସ ରିଭୋଲ୍ୟୁସାରୀ ପାର୍ଟି ଅଫ୍ କାଙ୍ଗଲେପକ୍ (PREPAK) ଏବଂ ଏହାର ସଶସ୍ତ୍ର ବାହିନୀ, 'ରେଡ୍ ଆର୍ମି', କାଙ୍ଗଲିପକ୍ କମ୍ୟୁନିଷ୍ଟ ପାର୍ଟି (KCP) ଏବଂ ଏହାର ସଶସ୍ତ୍ର ବାହିନୀକୁ 'ରେଡ୍ ଆର୍ମି', କାଙ୍ଗଲେ ୟୋଲ୍ କାନବା ଲୁପ୍ (KYKL), ସମନ୍ୱୟ କମିଟି (CorCom) ଏବଂ  Alliance for Socialist Unity Kangleipak (ASUK)ସହିତ ସେମାନଙ୍କର ସମସ୍ତ ଦଳ, ଶାଖା ଦଳ ଏବଂ ସାମ୍ମୁଖ୍ୟ ସଂଗଠନକୁ ବ୍ୟାନ ବୋଲି ସରକାର ଦର୍ଶାଇଛନ୍ତି। ଏନେଇ ସୋମବାର MHA ଦ୍ୱାରା ଜାରି ବିଜ୍ଞପ୍ତିରେ ଦର୍ଶାଯାଇଛି। ତେବେ ଏହି ବେଆଇନ ବିଜ୍ଞପ୍ତି ଆଗାମୀ ୫ ବର୍ଷ ପର୍ଯ୍ୟନ୍ତ ଲାଗୁ ରହିବ। ଏହା ଆଜି ଠାରୁ ଅର୍ଥାତ ସୋମବାର, ୧୩ ନଭେମ୍ବର ୨୦୨୩ ଠାରୁ ଲାଗୁ କରିଛନ୍ତି ସରକାର। 

ଏନେଇ ଗୃହମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ମଣିପୁରକୁ ଦେଶର ଅଲଗା କରିବା ଓ ମଣିପୁରକୁ ସ୍ୱତନ୍ତ୍ର ରାଷ୍ଟ୍ର ଗଠନରେ ଏହି  ସଂଗଠନ ଗୁଡ଼ିକ କାର୍ଯ୍ୟ କରି ଆସୁଥିଲେ। ତେବେ ବିଗତ କିଛି ବର୍ଷ ଧରି ଏଭଳି କାର୍ଯ୍ୟ କରୁଥିବା ନେଇ ଗୃହ ମନ୍ତ୍ରଣାଳୟ ପକ୍ଷରୁ କୁହାଯାଇଛି। 

କେନ୍ଦ୍ର ଆହୁରି ମଧ୍ୟ କହିଛି ଯେ ଦେଶରେ ସାର୍ବଭୌମତ୍ୱ ତଥା ଅଖଣ୍ଡତାକୁ କ୍ଷତି ପହଞ୍ଚାଇବା ଉଦ୍ଦେଶ୍ୟରେ ଏହି ସଂଗଠନଗୁଡ଼ିକ କାର୍ଯ୍ୟ କରିଆସୁଛନ୍ତି। ଏହି ଉଦ୍ଦେଶ୍ୟ ହାସଲ କରିବା ପାଇଁ ସଂଗଠନ ଗୁଡ଼ିକ ଆତଙ୍କୀ କାର୍ଯ୍ୟକଳାପ ତଥା ସଶସ୍ତ୍ର ସେନା ନିୟୋଜିତ କରିଛନ୍ତି ଏହି ସଂଗଠନ।  ଉପରୋକ୍ତ ଉଦ୍ଦେଶ୍ୟ ହାସଲ କରିବା ପାଇଁ ସଶସ୍ତ୍ର ଉପାୟରେ ନିୟୋଜିତ, ଆକ୍ରମଣ ଏବଂ ମଣିପୁରରେ ସୁରକ୍ଷା ବାହିନୀ, ପୋଲିସ ଏବଂ ସାଧାରଣ ନାଗରିକଙ୍କୁ ହତ୍ୟା କରିବା, ସେମାନଙ୍କ ସଂଗଠନ ପାଇଁ ପାଣ୍ଠି ସଂଗ୍ରହ ପାଇଁ ସାଧାରଣ ନାଗରିକଙ୍କୁ ଭୟଭୀତ କରିବା, ଚୋରି ଏବଂ ଲୁଟ୍ କରିବା, ଜନମତକୁ ପ୍ରଭାବିତ କରିବା ତଥା ସେମାନଙ୍କ ସହାୟତା ପାଇବା ପାଇଁ ବିଦେଶରେ ଉତ୍ସ ସହ ଯୋଗାଯୋଗ କରିବା, ସେମାନଙ୍କର ବିଚ୍ଛିନ୍ନତାବାଦୀ ଲକ୍ଷ୍ୟ ହାସଲ କରିବା ଉଦ୍ଦେଶ୍ୟରେ ଅସ୍ତ୍ରଶସ୍ତ୍ର ଏବଂ ତାଲିମ ଦ୍ୱାରା, ଅଭୟାରଣ୍ୟର ଉଦ୍ଦେଶ୍ୟରେ ପଡୋଶୀ ଦେଶରେ ଶିବିର ରକ୍ଷଣାବେକ୍ଷଣ, ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଆଦି କାରବାର କରୁଥିବା ନେଇ ବିଜ୍ଞପ୍ତିରେ କୁହାଯାଇଛି। 

ଏହି ଯୁକ୍ତିଯୁକ୍ତକୁ ଦର୍ଶାଇ ଗୃହ ମନ୍ତ୍ରଣାଳୟ ପକ୍ଷରୁ ଆହୁରି ମଧ୍ୟ କୁହାଯାଇଛି ଯେ ଏପରି କାର୍ଯ୍ୟାନୁଷ୍ଠାନ ନେବା ଅତ୍ୟନ୍ତ ଜରୁରୀ ରହିଥିଲା। ଯଦି ଏପରି ପଦକ୍ଷେପ ନିଆ ନଯାଏ ତେବେ ସେମାନେ ଏହାର ସୁଯୋଗ ଉଠାଇବେ। ଦେଶ ମଧ୍ୟରେ ବିଦ୍ରୋହ ସୃଷ୍ଟି କରିପାରନ୍ତି। ବିଚ୍ଛିନତାବାଦୀ, ବିଦ୍ରୋହୀ, ଆତଙ୍କବାଦୀ ତଥା ହିଂସାତ୍ମକ କାର୍ଯ୍ୟକଳାପ ଉପରେ ରୋକ ଲଗାଇବା ପାଇଁ ଏହି ନିଷ୍ପତ୍ତି ଅତ୍ୟନ୍ତ ଜରୁରୀ ରହିଥିଲା। ସାଧାରଣ ନାଗରିକଙ୍କ ହତ୍ୟା ଏବଂ ପୋଲିସ ଏବଂ ସୁରକ୍ଷା ବଳ କର୍ମଚାରୀଙ୍କୁ ଟାର୍ଗେଟ କରିବା, ବିଦେଶରୁ ବେଆଇନ ଅସ୍ତ୍ରଶସ୍ତ୍ର ଏବଂ ଗୁଳି କିଣିବା, ସେମାନଙ୍କର ବେଆଇନ କାର୍ଯ୍ୟକଳାପ ପାଇଁ ଜନସାଧାରଣଙ୍କଠାରୁ ବିପୁଳ ଅର୍ଥ ସଂଗ୍ରହ କରିବା ଭଳି କାର୍ଯ୍ୟାନୁଷ୍ଠାନ ଗ୍ରହଣ କରି ଆସୁଛନ୍ତି।  

ଗୃହ ମନ୍ତ୍ରଣାଳୟ ପକ୍ଷରୁ ଆହୁରି ମଧ୍ୟ କୁହାଯାଇଛି କି ଗତ ମେ ୩ ତାରିଖ ଠାରୁ ଆଜି ପର୍ଯ୍ୟନ୍ତ ଅତି କମରେ ୧୭୮ ଜଣଙ୍କୁ ହତ୍ୟା କରାଯାଇଥିବା ବେଳେ ଜୀବନ ବଞ୍ଚାଇବା ଲକ୍ଷ୍ୟରେ ୫୦ ହଜାର ଲୋକ ସ୍ଥାନାନ୍ତର ହୋଇଛନ୍ତି।