Vadodara Boat Capsized: ଭଦୋଦରାର ହରଣି ହ୍ରଦରେ ଏହି ଦୁର୍ଘଟଣା ଘଟିଛି। ସମସ୍ତ ଛାତ୍ରଛାତ୍ରୀ ଭଦୋଦରାସ୍ଥିତ ଏକ ବିଦ୍ୟାଳୟର ଥିଲେ। ଏହି ଡଙ୍ଗାରେ ଚାରିଜଣ ଶିକ୍ଷକ ମଧ୍ୟ ଥିଲେ। ଉଦ୍ଧାର କାର୍ଯ୍ୟ ଆରମ୍ଭ ହୋଇଛି।
Trending Photos
10
12
12
5 "Vadodara Boat Capsized")
Gujarat Boat Capsized: ଗୁଜୁରାଟର ଭଦୋଦରାଠାରେ ଏକ ବଡ଼ ଦୁର୍ଘଟଣା ଘଟିଛି। ହର୍ଣ୍ଣି ହ୍ରଦରେରେ ଏକ ଡଙ୍ଗା ଓଲଟି ପଡିଛି। ଏଥିରେ ୨୩ ଜଣ ଛାତ୍ରଛାତ୍ରୀ ଓ ଚାରିଜଣ ଶିକ୍ଷକ ଥିଲେ। ୧୬ ଜଣଙ୍କର ମୃତ୍ୟୁ ହୋଇଛି। ସମସ୍ତ ଛାତ୍ରଛାତ୍ରୀ ଭଦୋଦରାସ୍ଥିତ ଏକ ବିଦ୍ୟାଳୟର ଥିଲେ। ଉଦ୍ଧାର କାର୍ଯ୍ୟ ଆରମ୍ଭ ହୋଇଛି। ଖବର ଅନୁଯାୟୀ ଗୁରୁତର ଆହତ ନଅରୁ ଦଶ ଜଣ ଛାତ୍ରଛାତ୍ରୀଙ୍କୁ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ୧୦ ରୁ ଅଧିକ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚିଛି। କିଛି ଛାତ୍ରଛାତ୍ରୀ ଓ ଶିକ୍ଷକ ନିଖୋଜ ଥିବା ଜଣାପଡିଛି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଉଦ୍ଧାରକାରୀ ଦଳ ସେଠାରେ ପହଞ୍ଚିଥିଲେ।
ସିଏମ୍ ଭୁପେନ୍ଦ୍ର ପଟେଲ ଟ୍ୱିଟ୍ କରି କହିଛନ୍ତି, "ଭଦୋଦରା ର ହରଣି ହ୍ରଦରେ ପିଲାମାନେ ବୁଡ଼ିଯିବା ଖବର ଅତ୍ୟନ୍ତ ଦୁଃଖଦାୟକ। ମୁଁ ପ୍ରାଣ ହରାଇଥିବା ସେହି ପିଲାମାନଙ୍କର ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଛି। ଏହି ଦୁଃଖଦ ମୁହୂର୍ତ୍ତରେ ମୁଁ ଯନ୍ତ୍ରଣା ଅନୁଭବ କରୁଛି।" ଏହି ଦୁଃଖ ସହିବାକୁ ଭଗବାନ ସେମାନଙ୍କୁ ଶକ୍ତି ଦିଅନ୍ତୁ। ଡଙ୍ଗାରେ ଥିବା ଛାତ୍ରଛାତ୍ରୀ ଓ ଶିକ୍ଷକମାନଙ୍କ ପାଇଁ ଉଦ୍ଧାର କାର୍ଯ୍ୟ ଚାଲିଛି। ଦୁର୍ଘଟଣାରେ ପୀଡିତମାନଙ୍କୁ ତୁରନ୍ତ ରିଲିଫ ଏବଂ ଚିକିତ୍ସା ଯୋଗାଇବାକୁ ପ୍ରଶାସନ ନିର୍ଦ୍ଦେଶ ଦିଆଯାଇଛି।"
#WATCH | Gujarat: A boat carrying children capsized in Vadodara's Harni Motnath Lake. Rescue operations underway. pic.twitter.com/gC07EROBkh
— ANI (@ANI) January 18, 2024
ଖବର ଅନୁଯାୟୀ ଏହି ସମସ୍ତ ଛାତ୍ରଛାତ୍ରୀ ଭଦୋଦରା ନିଉ ସନରାଇଜ୍ ସ୍କୁଲର ଥିଲେ, ଯେଉଁମାନେ ଏଠାକୁ ଯାତ୍ରା ପାଇଁ ଆସିଥିଲେ। ଏହା ମଧ୍ୟ କୁହାଯାଉଛି ଯେ ଡଙ୍ଗାର କ୍ଷମତା ଅପେକ୍ଷା ଅଧିକ ଲୋକ ଚଢ଼ିଥିଲେ, ତେଣୁ ଏହି ଘଟଣା ଘଟିଛି। ଡଙ୍ଗାରେ ଥିବା ଛାତ୍ରଛାତ୍ରୀ ଓ ଶିକ୍ଷକମାନଙ୍କ ମଧ୍ୟରୁ କେହି ଲାଇଫ୍ ସପୋର୍ଟ ଜ୍ୟାକେଟ୍ ପିନ୍ଧି ନଥିଲେ।
#WATCH | Gujarat: Visuals from SSG Hospital in Vadodara after a boat carrying children capsized in Harni Motnath Lake. pic.twitter.com/xBWOmxVWZp
— ANI (@ANI) January 18, 2024
ସାତ ଏକରରୁ ଅଧିକ ପରିସରରେ ହରଣୀ ହ୍ରଦ ବ୍ୟାପିଛି। ଏହି ହ୍ରଦର ସୌନ୍ଦର୍ଯ୍ୟକରଣ ୨୦୧୯ ରେ କରାଯାଇଥିଲା। ଏହି ଘଟଣା ବିଷୟରେ ସୂଚନା ପାଇବା ପରେ ଛାତ୍ରଛାତ୍ରୀ ମାନଙ୍କ ପରିବାରରେ ଶୋକର ବାତାବରଣ ସୃଷ୍ଟି ହୋଇଛି।
