କୋର୍ଟ ଦେଲେ ବଡ ରାୟ : ସ୍ୱଳ୍ପ ଚର୍ମ କସା ବା ଉତ୍ତେଜକ ପୋଷାକ ପିନ୍ଧିବାକୁ ନେଇ ଆସିଲା ଆଶ୍ଚର୍ଯ୍ୟଜନକ ଖବର

Kerala Court on Sexual harassment : ଉତ୍ତର କେରଳର କୋଜିକୋଡେ ଜିଲ୍ଲା କୋର୍ଟର ଯୌନ ଉତ୍ପୀଡ଼ନ ମାମଲାରେ (Sexual harassment) ଦିଆଯାଇଥିବା ବୟାନକୁ ନେଇ ବର୍ତ୍ତମାନ ଚର୍ଚ୍ଚା ଆରମ୍ଭ ହୋଇଛି । କେରଳ କୋର୍ଟ (Kerala Court) ଅଭିଯୁକ୍ତଙ୍କୁ ଅଗ୍ରିମ ଜାମିନ ପ୍ରଦାନ କରି କହିଛନ୍ତି ଯେ ଯଦି ମହିଳା ଉତ୍ତେଜକ ପୋଷାକ ପରିଧାନ କରନ୍ତି ତେବେ ପ୍ରଥମ ଦ୍ରଷ୍ଟା ଅଭିଯୁକ୍ତଙ୍କ ବିରୋଧରେ  ଆଇପିସିର ଧାରା ୩୫୪ ଅନୁଯାୟୀ ଯୌନ ଉତ୍ପୀଡ଼ନ ମାମଲା ରୁଜୁ କରାଯାଇ ପାରିବ ନାହିଁ । କୋର୍ଟଙ୍କ ଏହି ନିଷ୍ପତ୍ତିକୁ ନେଇ ବିବାଦ ଆରମ୍ଭ ହୋଇଛି । ବିଚାରପତି ଏସ୍ କୃଷ୍ଣକୁମାର (S. Krishnakumar) ଆକ୍ଟିଭିଷ୍ଟ ତଥା ଲେଖକ ସିଭିକ୍ ଚନ୍ଦ୍ରନଙ୍କୁ ଅଗ୍ରୀମ ଜାମିନ ପ୍ରଦାନ କରିବା ସମୟରେ ଏହି ବୟାନ ଦେଇଛନ୍ତି । ଦୁଇ ବର୍ଷ ପୂର୍ବେ ଚନ୍ଦ୍ରନ ଜଣେ ଲେଖକଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଥିଲା ।

କୋର୍ଟଙ୍କ ଟିପ୍ପଣୀ ପରେ ମହିଳା ଆକ୍ଟିଭିଷ୍ଟ ଓ ପୂର୍ବତନ ବିଚାରପତିମାନେ ଏହାକୁ ବିରୋଧ କରିଛନ୍ତି । କେବଳ ଏତିକି ନୁହେଁ, ସେମାନଙ୍କ ପକ୍ଷରୁ ଏକ ଦାବି କରାଯାଇଛି ଯେ ହାଇକୋର୍ଟ ବର୍ତ୍ତମାନ ଏହି ମାମଲାରେ ହସ୍ତକ୍ଷେପ କରନ୍ତୁ । ଏହା ବ୍ୟତୀତ ପୀଡିତା ମଧ୍ୟ ହାଇକୋର୍ଟଙ୍କ ନିକଟକୁ ଯିବେ ବୋଲି କହିଛନ୍ତି । ଚନ୍ଦ୍ରନଙ୍କୁ ଜାମିନ ପ୍ରଦାନ କରିବା ସମୟରେ ଜଜ୍ କହିଛନ୍ତି ଯେ ଅଭିଯୁକ୍ତ ତାଙ୍କ ଆବେଦନ ସହିତ ପ୍ରଦାନ କରିଥିବା ଫଟୋଗ୍ରାଫରୁ ଜଣାପଡିଛି ଯେ ଅଭିଯୋଗକାରୀ ଏକ ପୋଷାକ ପିନ୍ଧିଥିଲେ ଯାହା ଉତ୍ତେଜକ ଥିଲା । ତେଣୁ ଧାରା ୩୫୪ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏହି ମାମଲା ରୁଜୁ କରାଯାଇ ପାରିବ ନାହିଁ । ଏଥି ସହିତ ପୀଡିତାଙ୍କ ନିକଟ ସମ୍ପର୍କୀୟ କହିଛନ୍ତି ଯେ ସୋସିଆଲ ମିଡିଆର କିଛି ଫଟୋ କୋର୍ଟରେ ଉପସ୍ଥାପିତ ହେବା ଆଶ୍ଚର୍ଯ୍ୟଜନକ ଅଟେ ।

ଏହି ମାମଲାରେ ଏଫ୍ଆଇଆର୍ ପଞ୍ଜିକରଣରେ କାହିଁକି ବିଳମ୍ବ ହୋଇଛି ସେନେଇ ଏହା ସାମ୍ନାକୁ ଆସିବା ଉଚିତ ବୋଲି କୋର୍ଟ କହିଛନ୍ତି । ଏହି ମାମଲାରେ FIR ଦୁଇ ବର୍ଷ ପରେ ପଞ୍ଜୀକୃତ ହୋଇଥିବାବେଳେ ଘଟଣାଟି ଫେବୃଆରୀ ୨୦୨୦ ବିଷୟରେ କୁହାଯାଉଛି । ଅଭିଯୋଗ ଦାଖଲ କରିଥିବା ମହିଳା କହିଛନ୍ତି ଯେ ଲେଖକଙ୍କ ସମ୍ମିଳନୀ ହୋଇଥିଲା  ସେହି ସମୟରେ ଘଟଣା ଘଟିଥିଲା । ତାଙ୍କ ଅଭିଯୋଗରେ ମହିଳା ଜଣକ କହିଛନ୍ତି ଯେ ଅଭିଯୁକ୍ତ ଲେଖକ ତାଙ୍କୁ ବାରମ୍ବାର କଲ୍ କରି ହଇରାଣ କରୁଥିଲେ । ଯେତେବେଳେ ଲେଖକ ସମସ୍ତ ସୀମା ଅତିକ୍ରମ କଲେ, ସେତେବେଳେ ସେ ଅଭିଯୋଗ କରିବାକୁ ନିଷ୍ପତ୍ତି ନେଲେ ।

କୋର୍ଟ ଅଭିଯୁକ୍ତଙ୍କ ବୟସ ଓ ତାଙ୍କ ଶାରୀରିକ ଅବସ୍ଥାକୁ ମଧ୍ୟ ଦର୍ଶାଇଛନ୍ତି । ଅଦାଲତ କହିଛନ୍ତି, “ଯଦିଓ ଏହା ଅନୁମାନ କରାଯାଏ ଯେ ସେଠାରେ ଶାରୀରିକ ସମ୍ପର୍କ ଅଛି, ତଥାପି ଏହା ବିଶ୍ୱାସ କରିବା କଷ୍ଟସାଧ୍ୟ ଯେ ୭୪ ବର୍ଷ ବୟସ୍କ ଓ ଶାରୀରିକ ଅକ୍ଷମତା ଥିବା ଜଣେ ବ୍ୟକ୍ତି କାହାକୁ ଜବରଦସ୍ତ ନିଜ କୋଳରେ ବସାଇ ତାଙ୍କ ପ୍ରାଇଭେଟ ପାର୍ଟକୁ ଦବାଇ ପାରିବେ । ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କୁ ଜାମିନ ପ୍ରଦାନ କରାଯିବା ଉଚିତ ।”