Vande Bharat Train: ବଢୁଛି ବନ୍ଦେ ଭାରତ ଟ୍ରେନ ଚାହିଦା, ନିଜ ମାର୍ଗରେ ଚଳାଇବାକୁ ଦାବି କଲେ ବିଜେପି ସହ ବିରୋଧୀ ସାଂସଦ

Vande Bharat Express: ଭାରତୀୟ ରେଳବାଇ ଦ୍ୱାରା ପରିଚାଳିତ ସେମି ହାଇ ସ୍ପୀଡ୍ ଟ୍ରେନ୍ ବନ୍ଦେ ଭାରତ ଏକ୍ସପ୍ରେସ ରେଳଯାତ୍ରୀଙ୍କ ପ୍ରଥମ ପସନ୍ଦ ହୋଇପାରିଛି। ବନ୍ଦେ ଭାରତ ଏକ୍ସପ୍ରେସ ଦେଶର ପ୍ରାୟ ୧୦ ରେଳ ମାର୍ଗରେ ପୂର୍ଣ୍ଣ କ୍ଷମତାରେ ସହ ଚଳାଚଳ କରୁଛି। ସେପଟେ ସାଂସଦଙ୍କ ମଧ୍ୟରେ ବନ୍ଦେ ଭାରତ ଏକ୍ସପ୍ରେସ ଚାଦିହା ବଢିବାରେ ଲାଗିଛି। ପ୍ରାୟ ୬୦ ଜଣ ସାଂସଦ ସେମାନଙ୍କ ସଂସଦୀୟ କ୍ଷେତ୍ରରେ ଏହି ଟ୍ରେନ୍ ଚଳାଇବାକୁ ଭାରତୀୟ ରେଳବାଇ ନିକଟରେ ଦାବି ଜଣାଇଛନ୍ତି। ଏହି ସାଂସଦଙ୍କ ମଧ୍ୟରୁ ୧୪ ଜଣ ବିରୋଧୀ ଦଳର ଅଛନ୍ତି।

ବନ୍ଦେ ଭାରତ ଏକ୍ସପ୍ରେସ ଚଳାଇବାକୁ ଯେଉଁ ସାଂସଦ ଦାବି କରିଛନ୍ତି ସେମାନଙ୍କ ମଧ୍ୟରୁ ଅଧିକାଂଶ ବିଜେପି ସାଂସଦ ଅଛନ୍ତି। ସେମାନଙ୍କ ମଧ୍ୟରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭୀସ୍ ମଧ୍ୟ ଅନ୍ତର୍ଭୂକ୍ତ ଅଛନ୍ତି। ରାଜ୍ୟରେ ସୋଲାପୁର-ମୁମ୍ବାଇ ମଧ୍ୟରେ ବନ୍ଦେ ଭାରତ ଟ୍ରେନ୍ ଚଳାଇବାକୁ ଦାବି କରିଛନ୍ତି ମହାରାଷ୍ଟ୍ର ଉପମୁଖ୍ୟମନ୍ତ୍ରୀ। କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଧାରୱାଡ ଠାରୁ ବାଙ୍ଗାଲୋର ପର୍ଯ୍ୟନ୍ତ ଏବଂ ଗ୍ୱାଲିଅର୍ ଠାରେ ବନ୍ଦେ ଭାରତ ଟ୍ରେନ୍ ଚଳାଇବାକୁ ଅନୁରୋଧ କରିଛନ୍ତି ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଦିଆ।

ବିରୋଧୀ ଦଳ ମଧ୍ୟରେ ସମାଜବାଦୀ ପାର୍ଟି, ଏନସିପି, ଡିଏମକେ ଏବଂ ଜେଡିୟୁ ସାଂସଦ ନିଜ ସଂସଦୀୟକ୍ଷେତ୍ର ପାଇଁ ବନ୍ଦେ ଭାରତ ଟ୍ରେନ୍ ଦାବି କରିଛନ୍ତି। ଅନ୍ୟପଟେ କଂଗ୍ରେସ, ସିପିଆଇ (ଏମ୍) ଏବଂ ଦୁଇ ଜଣ ୱାଇଏସଆର କଂଗ୍ରେସ ସାଂସଦ ମଧ୍ୟ ବନ୍ଦେ ଭାରତ ଏକ୍ସପ୍ରେସ ପାଇଁ ଦାବି କରିଛନ୍ତି। ସେହିପରି ଜଣେ ଅପନା ଦଳ ଏବଂ ଅନ୍ୟଜଣେ ଶିବସେନା ସାଂସଦ ମଧ୍ୟ ବନ୍ଦେ ଭାରତ ଟ୍ରେନ୍ ଦାବି ଉଠାଇଛନ୍ତି।

\ସରକାରୀ ତଥ୍ୟରୁ ଜଣାପଡିଛି ଯେ ବର୍ତ୍ତମାନ ଚାଲୁଥିବା ବନ୍ଦେ ଭାରତ ଟ୍ରେନ୍ ମଧ୍ୟରୁ ବିଳାଶପୁର-ନାଗପୁର ବନ୍ଦେ ଭାରତ ଏକ୍ସପ୍ରେସ ଏହି ଆର୍ଥିକ ବର୍ଷରେ ଜାନୁଆରୀ ପର୍ଯ୍ୟନ୍ତ ସର୍ବନିମ୍ନ ସ୍ଥାନ ପାଇଥିବା ବେଳେ, ମୁମ୍ବାଇ-ଗାନ୍ଧୀନଗର ମାର୍ଗରେ ଚଳାଚଳ କରୁଥିବା ଏହି ସେମି ହାଇ ସ୍ପୀଡ୍ ଟ୍ରେନ୍ ସର୍ବାଧିକ ଯାତ୍ରୀ ପରିବହନ କରିଥିଲେ। ତଥ୍ୟ ଦର୍ଶାଉଛି ଯେ ବିଳାଶପୁର-ନାଗପୁର ବନ୍ଦେ ଭରତ ଏକ୍ସପ୍ରେସ ଦଖଲ ହାର ୫୫% ରହିଥିବା ବେଳେ ମୁମ୍ବାଇ-ଗାନ୍ଧୀନଗର ମଧ୍ୟରେ ଚଳାଚଳ କରୁଥିବା ଟ୍ରେନ୍ ଦଖଲ ହାର ୧୨୬% ରହିଛି।

ରେଳଯାତ୍ରୀଙ୍କ ପାଇଁ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ଉନ୍ନତ ସୁବିଧା ଯୋଗାଉଛି। ଏହି ଟ୍ରେନ ଅନେକ ସୁରକ୍ଷା ବୈଶିଷ୍ଟ୍ୟ ସହ ଜଡ଼ିତ। ଯେପରିକି ସ୍ୱୟଂଚାଳିତ ପ୍ଲଗ୍ କବାଟ, ଟଚ୍-ଫ୍ରି ସ୍ଲାଇଡିଂ କବାଟ, ସିସିଟିଭି ବ୍ୟତୀତ କାର୍ଯ୍ୟନିର୍ବାହୀ ଶ୍ରେଣୀରେ ଘୂର୍ଣ୍ଣନ ସିଟ୍। ଟ୍ରେନ୍ ଘଣ୍ଟା ପ୍ରତି ୧୬୦ କିଲୋମିଟର ବେଗରେ ପହଞ୍ଚିବାକୁ ମାତ୍ର ୧୨୯ ସେକେଣ୍ଡ ସମୟ ନେଇଥାଏ। ଦେଶରେ ବର୍ତ୍ତମାନ ମୋଟ ୧୦ ବନ୍ଦେ ଭାରତ ଟ୍ରେନ୍ ସେବା ଯୋଗାଉଛି।  ସେଥିମଧ୍ୟରୁ ଚାରୋଟି ଟ୍ରେନ କେବଳ ମହାରାଷ୍ଟ୍ରରେ ଚଳାଚଳ କରୁଛି। ଦିଲ୍ଲୀ-ବାରାଣସୀ ବନ୍ଦେ ଭାରତ ଟ୍ରେନ୍ ଦେଶର ପ୍ରଥମ ସେମି ହାଇ ସ୍ପୀଡ୍ ଟ୍ରେନ୍ ଥିଲା। ଯାହା ୨୦୧୯ ଫେବୃଆରୀରେ ଏହାର ଯାତ୍ରା ଆରମ୍ଭ କରିଥିଲା।