Road Accident Data Base: ଅଧିକାଂଶ ସଡକ ଦୁର୍ଘଟଣା ଅପରାହ୍ଣ ତିନିଟାରୁ ରାତି ୯ ଟା ମଧ୍ୟରେ ହୋଇଥାଏ। ଏଥି ସହିତ, ରାତି ୧୨ ଟାରୁ ସକାଳ ୬ଟା ପର୍ଯ୍ୟନ୍ତ ସମୟ ସବୁଠାରୁ ସୁରକ୍ଷିତ ବୋଲି ବିବେଚନା କରାଯାଇଛି। ଏହି ସମୟରେ ତାମିଲନାଡୁ ରାଜ୍ୟରେ ସନ୍ଧ୍ୟା ୬ ଟାରୁ ରାତି ୯ ଟା ମଧ୍ୟରେ ସର୍ବାଧିକ ସଡ଼କ ଦୁର୍ଘଟଣା ଘଟିଛି। ଏହି ଡାଟା ଭାରତୀୟ ପରିବହନ ମନ୍ତ୍ରାଳୟ ପକ୍ଷରୁ ଜାରି କରାଯାଇଛି।
Trending Photos
12
4
9
6 "Road Accident: ଘରୁ ବାହାରିବା ପୂର୍ବରୁ ଥରେ ଭାବିନିଅନ୍ତୁ, ରାସ୍ତାରେ ଏହି ସମୟରେ ଜଗି ରହୁଛି ମୃତ୍ୟୁ")
Road Accident: ଜାତୀୟ ରାଜଧାନୀ ଦିଲ୍ଲୀରେ ଘଟିଥିବା ଏକ ଭୟଙ୍କର ସଡ଼କ ଦୁର୍ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । କଞ୍ଝାଓ୍ୱାଲା ଘଟଣାରେ ଏବେ ଦେଶ ସାରା ଚର୍ଚ୍ଚା। କାର ଦୁର୍ଘଟଣାରେ ଜଣେ ଯୁବତୀ କାରରେ ଘୋଷାଡ଼ି ହୋଇ ପ୍ରାୟ ୧୦ କିଲୋମିଟର ପର୍ଯ୍ୟନ୍ତ ଯାଇଥିଲେ। ପରେ ତାଙ୍କର ମୃତ୍ୟୁ ହୋଇଯାଇଥିଲା। ଏହି ଲୋମଟାଙ୍କୁରା ଘଟଣାର ସିସିଟିଭି ଫୁଟେଜ ସାମ୍ନାକୁ ଆସିବାରେ ଲାଗିଛି। କଞ୍ଝାଓ୍ୱାଲା ଅଞ୍ଚଳରେ କାରଟି ୟୁ ଟର୍ଣ୍ଣ ନେଇଥିଲା। ଯେଉଁ ଗାଡ଼ି ତଳେ ଜଣେ ଯୁବତୀ ଲାଗିଥିବା ନେଇ ସ୍ପଷ୍ଟ ଦେଖାଯାଉଛି। ତେବେ ଏହି ଭିଡିଓ ଭାଇରାଲ ହେବା ପରେ ଏବେ ଦିଲ୍ଲୀରେ ହାହାକାର ସ୍ଥିତି ଦେଖାଦେଇଛି। ଏହି ଘଟଣାରେ ୫ ଜଣଙ୍କୁ ଗିରଫ କରାଯାଇଛି । ଏହା ସତରେ ଏକ ଦୁର୍ଘଟଣା ଥିଲା ନ ଷଡ଼ଯନ୍ତ୍ର ଏହାକୁ ନେଇ ଦିଲ୍ଲୀ ପୋଲିସ ଜୋରଦାର ଖୋଳତାଡ ଜାରି ରଖିଛି। ହେଲେ ଏହାକୁ ନେଇ ଆମେ ଏକ ଅପଡେଟ ଏଠାରେ ଦେବୁ । ଭାରତରେ ସଡ଼କ ଦୁର୍ଘଟଣା ପ୍ରାୟ ଖରାବେଳ ସମୟ ତିନିଟାରୁ ରାତି ୯ ଟା ମଧ୍ୟରେ ଘଟୁଛି। ପରିବହନ ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସଂଖ୍ୟା ଅନୁସାରେ ୨୦୨୧ ରେ ଏହି ସମୟରେ ପ୍ରାୟ ୪୦ ପ୍ରତିଶତ ସଡ଼କ ଦୁର୍ଘଟଣା ଘଟିଛି।
ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟର ଏକ ବିଜ୍ଞପ୍ତି ଅନୁସାରେ 'ଭାରତରେ ସଡକ ଦୁର୍ଘଟଣା -2021' (Indias Road Accident Report 2021) ରିପୋର୍ଟ ଅନୁଯାୟୀ ଅଧିକାଂଶ ସଡକ ଦୁର୍ଘଟଣା ଅପରାହ୍ଣ ତିନିଟାରୁ ରାତି ୯ ଟା ମଧ୍ୟରେ ହୋଇଥାଏ। ଏଥି ସହିତ, ରାତି ୧୨ ଟାରୁ ସକାଳ ୬ଟା ପର୍ଯ୍ୟନ୍ତ ସମୟ ସବୁଠାରୁ ସୁରକ୍ଷିତ ବୋଲି ବିବେଚନା କରାଯାଇଛି। ପରିସଂଖ୍ୟାନ ଅନୁଯାୟୀ, ୨୦୨୧ ମସିହାରେ ସମୁଦାୟ ୪ ଲକ୍ଷ ୧୨ ହଜାର ୪୩୨ ସଡକ ଦୁର୍ଘଟଣା ଘଟିଥିଲା। ଏଥିମଧ୍ୟରୁ ଅପରାହ୍ଣ ତିନିଟାରୁ ୯ଟା ମଧ୍ୟରେ ଏକ ଲକ୍ଷ ୫୮ ହଜାର ୬୪୬ ଦୁର୍ଘଟଣା ଘଟିଛି।
ତଥ୍ୟ କହୁଛି ଯେ, ଅପରାହ୍ଣ ୩ ଟାରୁ ରାତି ୯ଟା ମଧ୍ୟରେ ଘଟୁଥିବା ଦୁର୍ଘଟଣା ପ୍ରତିବର୍ଷ ସର୍ବାଧିକ ଦୁର୍ଘଟଣା ଘଟାଇଥାଏ । ୨୦୨୧ ମସିହାରେ, ରାତି ୬ଟାରୁ ରାତି ୯ଟା ମଧ୍ୟରେ ମୋଟ ୮୫ ହଜାର ୧୭୯ ଦୁର୍ଘଟଣା ଘଟିଥିଲା, ଯାହା ମୋଟ ମାମଲାର ୨୧ ପ୍ରତିଶତ ଅଟେ। ଅନ୍ୟପକ୍ଷରେ, ଅପରାହ୍ଣ ୩ ଟାରୁ ରାତି ୬ଟା ପର୍ଯ୍ୟନ୍ତ ୭୩ ହଜାର ୪୬୭ ଦୁର୍ଘଟଣା ଘଟିଛି, ଯାହା ମୋଟ ମାମଲାର ୧୮ ପ୍ରତିଶତ ଅଟେ। ୨୦୨୧ ମସିହାରେ ୪୯୯୬ ଟି ଏହିପରି ଦୁର୍ଘଟଣା ଘଟିଥିଲା, ଯାହାର ସମୟ ସ୍ଥିର ହୋଇପାରିନାହିଁ।
ରିପୋର୍ଟ ଅନୁସାରେ, ଦେଶରେ ସର୍ବନିମ୍ନ ସଂଖ୍ୟକ ସଡ଼କ ଦୁର୍ଘଟଣା (Road Accident) ରାତି ୧୨ ଟାରୁ ସନ୍ଧ୍ୟା ୬ଟା ମଧ୍ୟରେ ଘଟିଛି। ରିପୋର୍ଟରେ ଦର୍ଶାଯାଇଛି ଯେ ତାମିଲନାଡୁ ରାଜ୍ୟରେ ସନ୍ଧ୍ୟା ୬ ଟାରୁ ରାତି ୯ ଟା ମଧ୍ୟରେ ସର୍ବାଧିକ ସଡ଼କ ଦୁର୍ଘଟଣା ଘଟିଛି। ସେଠାରେ ସମୁଦାୟ ୧୪ ହଜାର ୪୧୬ ଦୁର୍ଘଟଣା ପଞ୍ଜିକୃତ ହୋଇଥିଲା। ଏହା ପରେ ମଧ୍ୟପ୍ରଦେଶରେ ସମୁଦାୟ ଦଶହଜାର ୩୩୨ ଦୁର୍ଘଟଣା ଘଟିଥିଲା। ଏହା ପରେ କେରଳରେ ୭ ହଜାର ୩୫୦, କର୍ଣ୍ଣାଟକରେ ୭ ହଜାର ୨୬୦ ଏବଂ ଉତ୍ତରପ୍ରଦେଶରେ ୫ ହଜାର ୯୮୬ ଦୁର୍ଘଟଣା ପଞ୍ଜିକୃତ ହୋଇଛି। ଏହି ପାଞ୍ଚଟି ରାଜ୍ୟରେ ଅପରାହ୍ନ ୩ ଟାରୁ ରାତି ୯ଟା ମଧ୍ୟରେ ୮୨ ହଜାର ୮୭୯ ଦୁର୍ଘଟଣା ମାମଲା ପଞ୍ଜିକୃତ ହୋଇଛି, ଯାହାକି ଏହି ସମୟ ବ୍ୟବଧାନରେ ମୋଟ ଦୁର୍ଘଟଣାର ୫୨ ପ୍ରତିଶତରୁ ଅଧିକ ଅଟେ।
ଯଦି ଆମେ ଗତ ପାଞ୍ଚବର୍ଷର ପରିସଂଖ୍ୟାନକୁ ଦେଖିବା ତେବେ ବର୍ଷ ୨୦୧୭ ରୁ ୨୦୨୧ ମଧ୍ୟରେ ମସିହା ୨୦୧୭ରେ ସର୍ବାଧିକ ସଡ଼କ ଦୁର୍ଘଟଣା ପଞ୍ଜିକୃତ ହୋଇଥିଲା। ଏହାବାଦ୍ ୨୦୧୮ ମସିହାରେ, ତିନିଟାରୁ ରାତି ୯ଟା ମଧ୍ୟରେ ସର୍ବାଧିକ ଏକ ଲକ୍ଷ ୬୮ ହଜାର ୬୦୫ଦୁର୍ଘଟଣା ପଞ୍ଜିକୃତ ହୋଇଥିଲା । ୨୦୨୦ ରେ, ସର୍ବନିମ୍ନ ୧,୧୦ ଦୁର୍ଘଟଣା ପଞ୍ଜିକୃତ ହୋଇଥିଲା । ସେହିବର୍ଷ କୋରୋନା କାରଣରୁ ଦେଶରେ ଲକଡାଉନ ଥିଲା । ଯଦି ୨୦୨୦ କୁ ଛାଡ଼ି ଦିଆଯାଏ ତେବେ ୨୦୧୭ ରୁ ୨୦୨୧ ପର୍ଯ୍ୟନ୍ତ ଦେଶରେ ସନ୍ଧ୍ୟା ୬ଟାରୁ ୯ଟା ମଧ୍ୟରେ ୮୫ହଜାରରୁ ଅଧିକ ସଡକ ଦୁର୍ଘଟଣା ରେଜିଷ୍ଟ୍ରେସନ ହୋଇଛି।
Also Read: Kanjhawala Accident: ସୁଲତାନପୁରୀ କାରରେ ଘୋଷାଡ଼ି ହୋଇ ମୃତ୍ୟୁ ମାମଲା: ସାମ୍ନାକୁ ଆସିଲା ଭିଡ଼ିଓ
