ସିଏମ ଯୋଗୀଙ୍କୁ ହତ୍ୟା ଧମକ; ବିସ୍ଫୋରଣ କରି ଉଡାଇ ଦେବାକୁ ମିଳିଲା ଚିଠି

Death threat to UP CM Yogi Adityanath: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ (Yogi Adityanath) ମୃତ୍ୟୁ ଧମକ ଦିଆଯାଇଛି । ସିଏମ ଯୋଗୀଙ୍କୁ ବୋମା ପକାଇ ଉଡାଇ ଦେବାକୁ ଧମକ ଦିଆଯାଇଛି । ଲକ୍ଷ୍ନୌର ଆଲାମବାଗ ଅଞ୍ଚଳରେ ରହୁଥିବା ଦେବେନ୍ଦ୍ର ତିୱାରୀଙ୍କ (Devendra Tiwari) ଘରେ ଏକ ବ୍ୟାଗରେ ଧମକପୂର୍ଣ୍ଣ ଚିଠି ମିଳିଛି, ଯେଉଁଥିରେ ସିଏମ୍ ଯୋଗୀ ଓ ଦେବେନ୍ଦ୍ର ତିୱାରୀଙ୍କୁ ବୋମା ପକାଇ ଉଡାଇ ଦେବାକୁ ଧମକ ଦିଆଯାଇଛି ।

ବେଆଇନ କଂସେଇ ଖାନା ବିରୋଧରେ ଦେବେନ୍ଦ୍ର କୋର୍ଟରେ ଏକ PIL ଦାୟର କରିଛନ୍ତି । ଦେବେନ୍ଦ୍ରଙ୍କ ଘରେ ମିଳିଥିବା ଏହି ଚିଠିରେ କୁହାଯାଇଛି ଯେ ବାକି ଲୋକଙ୍କ ବେକ କଟା ଯାଇଛି, ତୁମ ଦୁଇଜଣଙ୍କୁ (ସିଏମ ଯୋଗୀ ଓ ଦେବେନ୍ଦ୍ର) ବୋମା ପକାଇ ଉଡାଇବୁ । ଚିଠିରେ ଲେଖାଯାଇଛି ଯେ ବେଆଇନ କଂସେଇ ଖାନା ବିରୋଧରେ PIL କାରଣରୁ ମୁସଲମାନମାନଙ୍କୁ ପେଟରେ ଲାତ ପଡିଛି । ଏହା ବ୍ୟତୀତ ଏହା ଲେଖାଯାଇଛି ଯେ ଆପଣ ଲୋକମାନେ ଓୱାଇସି ଓ ମୌଲାନା ମଦାନୀଙ୍କୁ ତୁମେ କନ୍ଦାଇଛ, ତେଣୁ ଆମେ ସେମାନଙ୍କ ଲୁହର ପ୍ରତିଶୋଧ ନେବୁ । ପୋଲିସ ଏହାକୁ ନେଇ ଏକ ଏଫଆଇଆର ପଞ୍ଜିକରଣ କରି ତଦନ୍ତ ଆରମ୍ଭ କରିଛି ।

ସିଏମ ଯୋଗୀଙ୍କୁ ଏହା ପୂର୍ବରୁ ମଧ୍ୟ ବୋମା ଆକ୍ରମଣର ଧମକ ପାଇଥିଲେ । ପୋଲିସ୍ କଣ୍ଟ୍ରୋଲ୍ ରୁମ୍ ୧୧୨ ର ହ୍ୱାଟସ୍ ଆପରେ ପଠାଯାଇଥିବା ମେସେଜ ମାଧ୍ୟମରେ ଏହି ଧମକ ଦିଆଯାଇଥିଲା । ଧମକ ଦେଇଥିବା ବ୍ୟକ୍ତି ତାଙ୍କ ନାମ ସହିଦ ବୋଲି କହିଥିଲେ ଓ ଯୋଗୀଙ୍କୁ ତିନି ଦିନ ମଧ୍ୟରେ ବୋମା ବିସ୍ଫୋରଣରେ ଉଡାଇଦେବେ ବୋଲି କହିଥିଲେ । ଏହା ପରେ ପୋଲିସ ସୁଶାନ୍ତ ଗଲ୍ଫ ସିଟି କୋଟୱାଲିରେ ଏଫ୍ଆଇଆର୍ ଦାଖଲ କରିଥିଲା । ପୋଲିସ ପ୍ରଶାସନ ଓ ଗୁପ୍ତଚର ଏଜେନ୍ସି ଏହି ଘଟଣାର ତଦନ୍ତ କରୁଛନ୍ତି ।

କଣ୍ଟ୍ରୋଲ୍ ରୁମ୍ UP-୧୧୨ ର ଅପରେସନ୍ କମାଣ୍ଡର ସୁଭାଷ କୁମାର ଏକ ଏଫ୍ଆଇଆର୍ ଦାଖଲ କରିଛନ୍ତି ଯେ ଅଗଷ୍ଟ ୨ ତାରିଖ ସନ୍ଧ୍ୟାରେ ହ୍ୱାଟସ୍ ଆପ୍ ନମ୍ବର ଅପରେସନ୍ ଇଣ୍ଟରନେଟ୍ ମିଡିଆରେ ଏକ ମେସେଜ ଆସିଛି ଯେ ସିଏମ୍ ଯୋଗୀଙ୍କୁ ତିନି ଦିନ ମଧ୍ୟରେ ବୋମା ପକାଇ ଉଡାଇ ଦିଆଯିବ । ସୁଭାଷ ଏହି ସୂଚନା ଅବଜରଭେସନ ଅଧିକାରୀ ଅଙ୍କିତା ଦୁବେଙ୍କୁ ଦେଇଛନ୍ତି । ପୋଲିସ ମଧ୍ୟ ମେସେଜର ସ୍କ୍ରିନ ସଟ ଗୁପ୍ତଚର ସଂସ୍ଥାକୁ ଦେଇଛି ।

ଏହା ବି ପଢ଼ନ୍ତୁ: ସଲମାନ ରୁଶଦୀଙ୍କୁ ଛୁରୀ ମାରିଥିବା ବ୍ୟକ୍ତି ଜଣକ କିଏ? ଜାଣନ୍ତୁ ଆକ୍ରମଣ ପଛରେ ଉଦ୍ଦେଶ୍ୟ

ଏହା ବି ପଢ଼ନ୍ତୁ: ହିନ୍ଦୁମାନଙ୍କୁ ହତ୍ୟା କରିବା ମାମଲାରେ ପତ୍ନୀଙ୍କ ସମେତ ୪ ଜଣ ସରକାରୀ କର୍ମଚାରୀ ବରଖାସ୍ତ