ମୁଖ୍ୟମନ୍ତ୍ରୀଙ୍କ ଆସନରେ ବସିଲେନି ଆତିଶୀ, ପ୍ରଶ୍ନ ଉଠାଇଲା ବିଜେପି, ଉତ୍ତର ରଖିଲା ଆପ୍

ନୂଆଦିଲ୍ଲୀ: ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପାଇଁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଥିବା ଚେୟାରକୁ ଖାଲି ଛାଡିଥିଲେ ବର୍ତ୍ତମାନର ମୁଖ୍ୟମନ୍ତ୍ରୀ ଆତିଶୀ । ଯାହାକୁ ନେଇ ବିଜେପି AAP ବିରୋଧରେ ଅନେକ ଅଭିଯୋଗ କରିଥିଲା। ଶପଥ ଗ୍ରହଣ କରିବା ପରେ ଆତିଶୀ ମୁଖ୍ୟମନ୍ତ୍ରୀଙ୍କ ଚେୟାରରେ ବସିବା କଥା କିନ୍ତୁ ନବସିବା କାରଣରୁ ବାବା ସାହେବଙ୍କ ଦ୍ୱାରା ପ୍ରସ୍ତୁତ ସମ୍ବିଧାନର ପରିହାସ ବୋଲି ବିଜେପି କହିଛି । ବର୍ତ୍ତମାନ ଆପ୍ ନେତା ସଞ୍ଜୟ ସିଂ ଏହି ଅଭିଯୋଗ ଉପରେ ମନ୍ତବ୍ୟ ରଖିଛନ୍ତି ।

हमें गर्व है की @AtishiAAP के नेता देश के ईमानदार नेतृत्वकर्ता @ArvindKejriwal हैं।
आतिशी अपने बग़ल में उनकी कुर्सी लगाती हैं।
लेकिन मोदी जी अपने बग़ल में अपने मालिक अडानी की कुर्सी लगाते हैं, देश को अडानी के हाथों नीलाम करते हैं। https://t.co/ha6dZhiJxP

— Sanjay Singh AAP (@SanjayAzadSln) September 23, 2024

ବିଜେପିର ଅଭିଯୋଗ ରହିଥିଲା ଯେ, ମୁଖ୍ୟମନ୍ତ୍ରୀ ପଦକୁ ଅପମାନିତ କରାଯାଇଛି । ତେବେ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସଂଜୟ ସିଂ ଏକ୍ସ ମାଧ୍ୟମରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି ଯେ, ଆମେ ଗର୍ବିତ ଯେ, ଆତିଶୀଙ୍କ ନେତା ଅରବିନ୍ଦ କେଜ୍ରିୱାଲ ହେଉଛନ୍ତି ଦେଶର ଜଣେ ସଚ୍ଚୋଟ ନେତା। ଆତିଶୀ କେଜ୍ରିୱାଲଙ୍କ ପରି ଜଣେ ସଚ୍ଚୋଟ ନେତାଙ୍କୁ ତାଙ୍କ ପାଖରେ ରଖିଛନ୍ତି। କିନ୍ତୁ ମୋଦୀ ଜୀ ଆଦାନୀଙ୍କ ଚେୟାର ତାଙ୍କ ପାଖରେ ରଖି ଦେଶକୁ ନିଲାମ କରନ୍ତି।

दिल्ली में ये ड्रामा बंद होना चाहिए। आज आतिशी मार्लेना ने अपनी मुख्यमंत्री की कुर्सी के बगल में एक खाली कुर्सी रखकर पदभार संभाला।

यानी आतिशी दिल्ली सरकार की मनमोहन सिंह हैं और असली मुख्यमंत्री अरविंद केजरीवाल, जिसे सुप्रीम कोर्ट ने फाइल साइन करना तो दूर, दिल्ली सचिवालय जाने से… pic.twitter.com/HKy2xPpu0u

— Amit Malviya (@amitmalviya) September 23, 2024

କେଜ୍ରିୱାଲଙ୍କ ଇସ୍ତଫା ପରେ ଆତିଶୀ ବର୍ତ୍ତମାନ ଦିଲ୍ଲୀର ମୁଖ୍ୟମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ସେ ଦାୟିତ୍ୱ ମଧ୍ୟ ଗ୍ରହଣ କରିଛନ୍ତି। କିନ୍ତୁ ସେ କେଜ୍ରିୱାଲଙ୍କ ଚେୟାରରେ ବସି ନଥିଲେ। ଏହା ଉପରେ ମନ୍ତବ୍ୟ ଦେଇ ସେ କହିଥିଲେ ଯେ, ଏହି ଚେୟାର ଅରବିନ୍ଦ କେଜ୍ରିୱାଲଙ୍କର, ସେ ନିଶ୍ଚିତ ଯେ, ଫେବୃଆରୀରେ ହେବାକୁ ଥିବା ନିର୍ବାଚନରେ ​​ତାଙ୍କୁ ବିଜୟ କରି ଦିଲ୍ଲୀର ଲୋକମାନେ ଅରବିନ୍ଦ କେଜ୍ରିୱାଲଙ୍କୁ ପୁଣିଥରେ ମୁଖ୍ୟମନ୍ତ୍ରୀ କରିବେ। ତେଣୁ ସେ ପର୍ଯ୍ୟନ୍ତ ସେ ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପାଖ ଚେୟାରରେ ବସିବେ।

ମୁଖ୍ୟମନ୍ତ୍ରୀଙ୍କ ଦାୟିତ୍ୱ ଗ୍ରହଣ କରିବା ପରେ ମଧ୍ୟ ଆତିଶୀ ମୁଖ୍ୟମନ୍ତ୍ରୀଙ୍କ ଆସନରେ ବସି ନଥିଲେ, ତେଣୁ ଅନେକ ବିଜେପି ନେତା ଏ ବିଷୟକୁ ନେଇ ପ୍ରଶ୍ନ ଉଠାଇବା ଆରମ୍ଭ କରିଛନ୍ତି ।ଏଥିରେ ବିଜେପି ନେତା ଅମିତ ମାଲବ୍ୟ ମଧ୍ୟ ଆତିଶୀଙ୍କୁ ଟାର୍ଗେଟ କରି ଆତିଶୀ ସରକାରଙ୍କୁ ମନମୋହନ ସରକାର ସହ ତୁଳନା କରିଥିଲେ। ସେ କହିଛନ୍ତି ଯେ, ବର୍ତ୍ତମାନ ପ୍ରକୃତ ମୁଖ୍ୟମନ୍ତ୍ରୀ ହେଉଛନ୍ତି ଅରବିନ୍ଦ କେଜ୍ରିୱାଲ, ଯିଏ ସୁପ୍ରିମକୋର୍ଟଙ୍କ ଦ୍ୱାରା ଦିଲ୍ଲୀ ସଚିବାଳୟକୁ ଯିବାକୁ ବାରଣ ହୋଇଛନ୍ତି, ଏହି ନାଟକ ଦିଲ୍ଲୀରେ ବନ୍ଦ ହେବା ଉଚିତ୍ ବୋଲି ସେ କହିଛନ୍ତି । କେବଳ ବିଜେପି ନୁହେଁ କଂଗ୍ରେସ ମଧ୍ୟ ଏହି ପ୍ରସଙ୍ଗରେ ପ୍ରଶ୍ନ ଉଠାଇଛି।

Also Read- ଲୋକଙ୍କ ସମସ୍ୟା ଶୁଣିଲେ ମୁଖ୍ୟମନ୍ତ୍ରୀ ମୋହନ ମାଝୀ

Also Read- Narayanpur Encounter: ସୁରକ୍ଷା ବାହିନୀକୁ ବଡ଼ ସଫଳତା, ୩ ନକ୍ସଲ ନିହତ