Jack Ma: ଚୀନ ଫେରିଲେ କୋଟିପତି ବ୍ୟବସାୟୀ ଜ୍ୟାକ ମା, ଦୀର୍ଘ ଦିନ ଧରି ଥିଲେ ନିଖୋଜ

Jack Ma Returns To China:  ବର୍ଷାଧିକ କାଳ ବିଦେଶରେ ରହିବା ପରେ ଚୀନ ଫେରିଛନ୍ତି କୋଟିପତି ବ୍ୟବସାୟୀ ତଥା ଆଲିବାବା ପ୍ରତିଷ୍ଠାତା ଜ୍ୟାକ୍ ମା। ଏହି ଖବର ପ୍ରଦାନ କରିଛି ଚୀନୀ ଗଣମାଧ୍ୟମ ସାଉଥ ଚାଇନା ମର୍ଣ୍ଣିଂ ପୋଷ୍ଟ। ବିଦେଶରେ ବର୍ଷାଧିକ କାଳ ଅବସ୍ଥାନ କରିବା ପରେ ଜ୍ୟାକ୍ ମା ଚୀନ ଫେରିଥିବା କୁହାଯାଉଛି। ଆଲିବାବା ପ୍ରତିଷ୍ଠାତା ଚୀନ ପ୍ରତ୍ୟାବର୍ତ୍ତନ କରିବା ପରେ ତାଙ୍କୁ ବେଶ ଶାନ୍ତ ଅବସ୍ଥାରେ ଦେଖିବାକୁ ମିଳିଥିଲା। ଜଣେ ଜଣାଶୁଣା ଚୀନୀ ଉଦ୍ୟୋଗୀ ଭାବେ ଜଣାଶୁଣା ଜ୍ୟାକ ମା, ଗତ ୨୦୨୧ ବର୍ଷରେ ଚୀନ ଛାଡିଥିଲେ। ସ୍ୱଦେଶ ଛାଡ଼ିବା ପରେ ଏହି ଚୀନୀ ବ୍ୟବସାୟୀଙ୍କୁ ଜାପାନ, ଅଷ୍ଟ୍ରେଲିଆ ଏବଂ ଥାଇଲ୍ୟାଣ୍ଡ ଆଦି ଦେଶରେ ଦେଖିବାକୁ ମିଳିଥିବା। ଯାହାର ଫଟୋ ମଧ୍ୟ ଭାଇରାଲ ହୋଇଥିଲା।

ଏହି ଜଣାଶୁଣା ଚୀନୀ ବ୍ୟବସାୟୀ (Chinese Entrepreneur Jack Ma) ଜଣଙ୍କ ଥରେ ଦେଶର ନିୟାମକ ବ୍ୟବସ୍ଥାକୁ ସମାଲୋଚନା କରି ୨୦୨୦ ଶେଷରେ ସର୍ବସାଧାରଣଙ୍କ ଦୃଷ୍ଟି ଆକର୍ଷଣ କରିଥିଲେ। ଯାହା ପରେ ଚୀନ ସରକାରଙ୍କ (Chinese Govt) ଦ୍ୱାରା ବ୍ୟାପାକ କଟକଣା ଲଗାଯାଇଥିଲା। ବିଗତ କିଛି ମାସ ମଧ୍ୟରେ ଚୀନ୍ କର୍ତ୍ତୃପକ୍ଷ କହିଛନ୍ତି ଯେ ସେମାନେ ଏହି କଟକଣାକୁ ସମାପ୍ତ କରିଛନ୍ତି ଏବଂ ଘରୋଇ କ୍ଷେତ୍ରକୁ ସମର୍ଥନ କରିବାର ଉପାୟ ଖୋଜିବେ। ଚୀନ୍ ଉଦ୍ୟୋଗୀ କହିଛନ୍ତି ଯେ ଆଲିବାବ ପ୍ରତିଷ୍ଠାତାଙ୍କ ବିଦେଶରେ ରହିବାକୁ ନିଷ୍ପତ୍ତି ଆତ୍ମବିଶ୍ୱାସରେ ବାଧା ସୃଷ୍ଟି କରୁଛି।

Also Read: ଚୀନ ସରକାରଙ୍କୁ ନାରାଜ କରିବା ପଡିଲା ମହଙ୍ଗା; ଗାଏବ ହୋଇଗଲେ Chinese Billionaire Jack Ma

ଜ୍ୟାକ ମା ଚୀନ ଫେରିଥିବା (China Return of Jack Ma) ନେଇ ସାଉଥ ଚାଇନା ମର୍ଣ୍ଣିଂ ପୋଷ୍ଟ (South China Morning Post) ପକ୍ଷରୁ ଖବର ପ୍ରକାଶିତ ହେବା ପରେ ଆଲିବାବ କମ୍ପାନୀ ସେୟାର (Ali Baba Group Share) ୪ ପ୍ରତିଶତ ବଢିଛି। ହେଲେ ଆଲିବାବ ପ୍ରତିଷ୍ଠାତା (Ali Baba Founder) କେବେ ସ୍ୱଦେଶ ଫେରିଛନ୍ତି ସେ ନେଇ ଏହି ଚୀନୀ ଗଣମାଧ୍ୟମ (Chinese Media) ପକ୍ଷରୁ କୌଣସି ତଥ୍ୟ ପ୍ରକାଶ କରାଯାଇନାହିଁ। ହେଲେ ରିପୋର୍ଟ ଅନୁସାରେ ହାଙ୍ଗଝୁ ସହରରେ (Hangzhou City) ପ୍ରତିଷ୍ଠିତ ଏକ ବିଦ୍ୟାଳୟ ପରିଦର୍ଶନ କରିଥିଲେ ଜ୍ୟାକ ମା। ଯେଉଁଠି ଆଲିବାବା ଏବଂ ଆର୍ଥିକ ପ୍ରଯୁକ୍ତିବିଦ୍ୟା ସଂସ୍ଥା ଆଣ୍ଟ ସଂସ୍ଥାର ମୁଖ୍ୟାଳୟ ରହିଛି। ଏହା ମଧ୍ୟ କୁହାଯାଉଛି ଯେ ହଂକଂ (Hong Kong) ଠାରେ କିଛି ସମୟ ରହିବା ପରେ ସେ ଚୀନ୍ ଫେରିଛନ୍ତି।

ଜ୍ୟାକ ମା ଚୀନ ଫେରିବା ନେଇ ତାଙ୍କ କମ୍ପାନୀ ଆଲିବାବା (Ali Baba Group) ପକ୍ଷରୁ କୌଣସି ପ୍ରତିକ୍ରିୟା ରଖାଯାଇନାହିଁ। ୟୁଙ୍ଗୁ ଶିକ୍ଷା ନାମକ ଏକ ବିଦ୍ୟାଳୟ ସୋମବାର ଏହାର ଉଇ ଚାଟ ଆକାଉଣ୍ଟ ମାଧ୍ୟମରେ କହିଛି ଯେ ଜ୍ୟାକ ମା ଏହାର ପରିସର ପରିଦର୍ଶନ କରି ଏକ ଫଟୋ ପୋଷ୍ଟ କରିବା ସହିତ ଆଲିବାବା ପ୍ରତିଷ୍ଠାତାଙ୍କ ଏକ ଭିଡିଓ ମଧ୍ୟ ପୋଷ୍ଟ କରିଛି।