Baba Vanga Prediction 2022: ଭେଙ୍ଗା ବାବାଙ୍କ ଭବିଷ୍ୟବାଣୀ, ମାଡ଼ି ଆସିବ ବଡ଼ ବିପତ୍ତି, ଆସନ୍ତା ବର୍ଷ ଦେଶରେ ତାଣ୍ଡବ ରଚିବ ତାପମାତ୍ରା !

Baba Vanga Prediction 2022: ନେତ୍ରହୀନ ଭାଙ୍ଗେଲିଆ ପାଣ୍ଡେଭା ଗୁଷ୍ଟରୋଭା (Vangeliya Pandeva Gushterova) ଓରଫ ବାବା ଭେଙ୍ଗା  । ୨୦୨୨ ପାଇଁ ୬ଟି ଭବିଷ୍ୟବାଣୀ କରିଛନ୍ତି । ସେଥିମଧ୍ୟରୁ ୨ଟି ସତ ହୋଇସାରିଛି । ଆଗାମୀ ଦିନରେ ଅବଶିଷ୍ଟ ଭବିଷ୍ୟବାଣୀ ସତ ହୋଇପାରେ ବୋଲି ଏବେଠୁ ଚର୍ଚ୍ଚା ଆରମ୍ଭ ହୋଇଛି । ବାବା ଭେଙ୍ଗା  ୨୦୨୨ ପାଇଁ କରିଥିବା ଭବିଷ୍ୟବାଣୀ ସତ ହେବାରେ ଲାଗିଛି । ବାବା ଭେଙ୍ଗା କେତେକ ଏସୀୟ ଦେଶ ଏବଂ ଅଷ୍ଟ୍ରେଲିଆରେ ବନ୍ୟା ପରିସ୍ଥିତି ସୃଷ୍ଟି ହେବ ବୋଲି ପୂର୍ବାନୁମାନ କରିଥିଲେ । ଯାହା ସତ୍ୟ ବୋଲି ପ୍ରମାଣିତ ହୋଇଛି । କିଛି ଦିନ ପୂର୍ବରୁ ଅଷ୍ଟ୍ରେଲିଆରେ ବର୍ଷା ପରେ ବନ୍ୟା ପରି ପରିସ୍ଥିତି ସୃଷ୍ଟି ହୋଇଥିବାବେଳେ ବନ୍ୟା ଯୋଗୁଁ ପାକିସ୍ତାନର ଅବସ୍ଥା ବିଗିଡି ଯାଇଥିଲା। ଏବଂ ଏହି  ପ୍ରାକୃତିକ ବିପର୍ଯ୍ୟୟରେ ୧୦୦୦ରୁ ଅଧିକ ଲୋକେ ପ୍ରାଣ ହରାଇଥିଲେ। ଏହା ବ୍ୟତୀତ ବାବା ପୂର୍ବରୁ କହିଥିଲେ ଯେ,କେତେକ ସହରରେ ଜଳାଭାବ ବା ଜଳ ସମସ୍ୟା ଦେଖାଯିବ । ତାହା ମଧ୍ୟ ହୋଇଛି । ନିକଟ ଅତୀତରେ, ପର୍ତ୍ତୁଗାଲକୁ ଜଳ ଅଭାବ ସମସ୍ୟାର ସାମ୍ନା କରିବାକୁ ପଡୁଥିବାବେଳେ ଇଟାଲୀରେ ମରୁଡ଼ି ସମସ୍ୟା ସାମ୍ନାକୁ ଆସିଥିଲା।

ବାବା ଭେଙ୍ଗା ଭବିଷ୍ୟବାଣୀ କରିଛନ୍ତି ଯେ, ୨୦୨୨ ମସିହାରେ ଭାରତରେ ଦୁର୍ଭିକ୍ଷ ପରି ପରିସ୍ଥିତି ସୃଷ୍ଟି ହେବା । ବିଶ୍ବର କିଛି ଦେଶରେ ତାପମାତ୍ରା ହ୍ରାସ ପାଇବା ସହ ଏହା ବୃଦ୍ଧି ପାଇବ।  ଏହା କୁହାଯାଉଛି ଯେ ଏହା ଭାରତ ଉପରେ ଗଭୀର ପ୍ରଭାବ ପକାଇବ ଏବଂ ଏଠାରେ ଫସଲ ନଷ୍ଟ ହେତୁ ଅନାହାର ଭଳି ପରିସ୍ଥିତି ହୋଇପାରେ। ୨୦୨୨ ମସିହାରେ କୋରୋନା ପରେ ବାବା ଭେଙ୍ଗା ଏକ ନୂତନ ମାରାତ୍ମକ ଜୀବାଣୁ ପୂର୍ବାନୁମାନ କରିଥିଲେ। ଏହା ସାଇବରିଆରୁ ଆରମ୍ଭ ହୋଇପାରେ ବୋଲି ଅନୁମାନ କରାଯାଉଛି। ଏହା ବ୍ୟତୀତ ବାବା ଭେଙ୍ଗା ଏକ ବିଦେଶୀ ଆକ୍ରମଣ, ପଙ୍ଗପାଳ ଆକ୍ରମଣ ଏବଂ ଭର୍ଚୁଆଲ୍ ବାସ୍ତବତା ବୃଦ୍ଧି ହେତୁ ଦୁର୍ଭିକ୍ଷ ପରି ପରିସ୍ଥିତି ମଧ୍ୟ ପୂର୍ବାନୁମାନ କରିଛନ୍ତି ।

ଏହାବି ପଢନ୍ତୁ :  ପାକିସ୍ତାନ ଉପରେ ବର୍ଷିଲା ଆମେରିକା, ବାଇଡେନ କହିଲେ ପାକିସ୍ତାନ ଗୋଟିଏ ଖତରନାକ ରାଷ୍ଟ୍ର

ବୁଲଗେରିଆର ଭବିଷ୍ୟବକ୍ତା ବାବା ଭେଙ୍ଗା ଋଷ ଓ ପୁଟିନଙ୍କୁ ନେଇ କରିଥିବା ଭବିଷ୍ୟବାଣୀ ସତ ହେବା ପରେ ସେ ଅଧିକ ଚର୍ଚ୍ଚାକୁ ଆସିଥିଲେ। ବାବା ଭାଙ୍ଗାଙ୍କ ଭବିଷ୍ୟବାଣୀ ଅନୁସାରେ, ରୁଷ ରାଷ୍ଟ୍ରପତି ବ୍ଲାଦିମିର ପୁଟିନ୍‌ ଦୁନିଆର ସବୁଠାରୁ ବଡ ଶକ୍ତିଶାଳି ମଣିଷ ଓ ରୁଷ ଦୁନିଆ ଉପରେ ରାଜ୍‌ କରିବ। ଭବିଷ୍ୟବାଣୀରେ ବାବା ଭେଙ୍ଗା କହିଛନ୍ତି, ସବୁ ବରଫ ଭଳି ତରଳି ଯିବ, କିନ୍ତୁ କେବଳ ଗୋଟିଏ ଜିନିଷ ରହିଯିବ, ତାହ ହେଲା ପୁଟିନ୍‌ଙ୍କ ଗୌରବ, ରୁଷର ଗୌରବ। ସେ କହିଥିଲେ, ବହୁତ ଅଧିକ ଲୋକ ଶିକାର ହେବେ, କିନ୍ତୁ ଋଷକୁ କେହି ରୋକି ପାରିବେନି। ତାଙ୍କ ଦ୍ବାରା ସବୁକିଛି ରାସ୍ତାକୁ ହଟେଇ ଦିଆଯିବ ଓ ତାକୁ କେହି ରୋକି ପାରିବେନି, ବଂର ଦୁନିଆର ମାଲିକ ବା ‘ଲର୍ଡ ଅଫ୍ ଓ୍ବାର୍ଲ୍ଡ’ ହୋଇଯିବ। ବାବା ଭେଙ୍ଗାଙ୍କ ଜନ୍ମ ବୁଲଗେରିଆରେ ୧୯୧୧ ରେ ହୋଇଥିଲା ଓ ତାଙ୍କ ଭିତରେ ଭବିଷ୍ୟତକୁ ଦେଖିବାର ଶକ୍ତି ଥିଲା। ସେ ଦେଖି ପାରୁନଥିଲେ,  କେବଳ ମାତ୍ର ୧୨ ବର୍ଷ ବୟସରେ ଏକ ଦୁର୍ଘଟଣାରେ ସେ ନିଜର ଆଖିକୁ ହରାଇଥିଲେ। ସେ ଆଖିରେ ଦେଖିପାରୁନଥିଲେ, କିନ୍ତୁ ତାଙ୍କ ପାଖରେ ଭବିଷ୍ୟତକୁ ଦେଖିବାର ଶକ୍ତି ଥିଲା।