PCOD ଏବଂ PCOS ମଧ୍ୟରେ ପାର୍ଥକ୍ୟ କ’ଣ? କିପରି ଜାଣିବେ ଲକ୍ଷଣ...?

Difference Between PCOD and PCOS: ଅନେକ ରୋଗ ଅଛି ଯାହା ମହିଳାଙ୍କ ପାଇଁ ଚିନ୍ତାର ବିଷୟ ପାଲଟିଛି । ଅନେକ ମହିଳା ଏ ବିଷୟରେ ସମ୍ପୂର୍ଣ୍ଣ ଭାବରେ ଅବଗତ ନୁହଁନ୍ତି । ସେ ମଧ୍ୟରେ ରହିଛି PCOD ଏବଂ PCOS । ଅନେକ ମହିଳା ଅଛନ୍ତି ଯେଉଁମାନେ ଏହି ଦୁଇଟି ରୋଗ ମଧ୍ୟରେ ପାର୍ଥକ୍ୟ ଜାଣନ୍ତି ନାହିଁ । କେବଳ ସେତିକି ନୁହେଁ ଏହାସହ ସେମାନେ ନିଜ ଦେହରେ ଦେଖାଯାଉଥିବା ଲକ୍ଷଣକୁ ନିଜେ ଜାଣିବାରେ ବିଫଳ ହୋଇଥାନ୍ତି । ସଠିକ ସମୟରେ ଚିକିତ୍ସା ନକଲେ ତାହା ପରବର୍ତ୍ତି ସମୟରେ ଜଟିଳ ରୂପ ଧାରଣ କରିଥାଏ । ଆଜି ଆମେ PCOD ଏବଂ PCOS ସହିତ ଜଡିତ କିଛି ସୂଚନା ଦେବାକୁ ଯାଉଛୁ....

PCOD କ’ଣ?

PCODକୁ 'ପଲିସିଷ୍ଟିକ୍ ଓଭାରି ରୋଗ' କୁହାଯାଇଥାଏ । ମହିଳାମାନଙ୍କଠାରେ ଏହା ଏକ ସାଧାରଣ ଅବସ୍ଥା, ଯେଉଁଥିରେ ଡିମ୍ବାଣୁ ଅଣ୍ଡାକୁ ଅସମୟରେ ଛାଡିଦିଏ ଏବଂ ପରବର୍ତ୍ତି ସମୟରେ ତାହା ସିଷ୍ଟରେ ପରିଣତ ହୁଏ । ଓଜନ ବୃଦ୍ଧି, ଚାପ ଏବଂ ହରମୋନାଲ ପରିବର୍ତ୍ତନ ଏହାର କାରଣ ହୋଇପାରେ । PCOD କ୍ଷେତ୍ରରେ, ଡିମ୍ବାଣୁଗୁଡିକ ସେମାନଙ୍କର ସାଧାରଣ ଆକାରଠାରୁ ବଡ ହୋଇଯାଏ । ଡିମ୍ୱାଣୁ ଅତ୍ୟଧିକ ପରିମାଣର ଇଷ୍ଟ୍ରୋଜେନ୍ ମୁକ୍ତ କରିଥାଏ ଯାହା ମହିଳାମାନଙ୍କର ପ୍ରଜନନ ଉପରେ ପ୍ରଭାବ ପକାଇଥାଏ ।

PCOD କିପରି ଚିହ୍ନଟ କରିବେ?
ଏହାକୁ ଚିହ୍ନଟ କରିବା ପାଇଁ ଅନେକ ଲକ୍ଷଣ ଗୁଡିକ ଉପରେ ଧ୍ୟାନ ଦେବାକୁ ପଡିଥାଏ ।

- ଅସମୟରେ କିମ୍ୱା ବିଳମ୍ୱରେ ଋତୁସ୍ରାବ । ଯେଉଁ ମହିଳାଙ୍କର ଋତୁସ୍ରାବ ସମୟ ପୂର୍ବରୁ କିମ୍ବା ଦୀର୍ଘ ବ୍ୟବଧାନରେ ହୁଏ ସେମାନେ ନିଶ୍ଚିତ ଭାବରେ ଡାକ୍ତରଙ୍କ ସହିତ ପରାମର୍ଶ କରିବା ଆବଶ୍ୟକ ।
- ମୁହଁ, ପେଟ ଏବଂ ପିଠି ପରି ଶରୀରର ଅନେକ ସ୍ଥାନରେ କେଶ ବୃଦ୍ଧି ଏହାର ଲକ୍ଷଣ ହୋଇପାରେ ।
- ଅନିୟମିତ ଓଜନ ବୃଦ୍ଧି ଘଟିବା କିମ୍ବା ହ୍ରାସ ହେବା ମଧ୍ୟ PCOD ର ଏକ ଲକ୍ଷଣ ।
- ଚର୍ମରେ ବ୍ରଣ ହେବା ଏବଂ ତେଲିଆ ଦେଖାଯିବା ମଧ୍ୟ ଏହାର ଏକ ଲକ୍ଷଣ ହୋଇପାରେ ।
-  ଅଳ୍ପ କାମ କରିବା ଦ୍ୱାରା ଅଧିକ ଥକ୍କା ଅନୁଭବ କରିବା ମଧ୍ୟ ଏହାର ଲକ୍ଷଣ ହୋଇପାରେ ।

PCOS କ’ଣ?

PCOS, ପଲିସିଷ୍ଟିକ୍ ଓଭାରି ସିଣ୍ଡ୍ରୋମ୍ ଭାବରେ ସମସ୍ତେ ଜାଣନ୍ତି । ଏହା ଏପରି ଏକ ରୋଗ ଯାହା PCOD ଅପେକ୍ଷା ଅଧିକ ଗମ୍ଭୀର ଏବଂ ବିପଜ୍ଜନକ । ଏହା ଏପରି ଏକ ଅବସ୍ଥା ଯେଉଁଥିରେ ଉଚ୍ଚ ମେଟାବୋଲିକ୍ ଏବଂ ହରମୋନ୍ ଅସନ୍ତୁଳନ ଥାଏ । ଏହା ଗର୍ଭଧାରଣ ଉପରେ ଅନେକ ପ୍ରଭାବ ପକାଇପାରେ ।

PCOS କିପରି ଚିହ୍ନଟ କରିବେ?

PCOD ଏବଂ PCOS ର ଲକ୍ଷଣଗୁଡ଼ିକ ପ୍ରାୟତଃ ସମାନ, ଯେଉଁ କାରଣରୁ ଲୋକମାନେ ସେମାନଙ୍କ ମଧ୍ୟରେ ଥିବା ପାର୍ଥକ୍ୟ ଜାଣିବାରେ ସକ୍ଷମ ହୋଇପାରନ୍ତି ନାହିଁ ।। ଏହି ଲକ୍ଷଣଗୁଡିକ PCOS ସମୟରେ ଦେଖାଯାଇପାରେ-

- ଅନିୟମିତ ଅବଧିରେ ଋତୁସ୍ରାବ । ଅତ୍ୟଧିକ କିମ୍ବା କମ୍ ରକ୍ତସ୍ରାବ PCOS ର ଲକ୍ଷଣ ହୋଇପାରେ ।
- ଚର୍ମରେ କଳା ଦାଗ ହେବା ମଧ୍ୟ ଏହାର ଲକ୍ଷଣ ହୋଇପାରେ ।
- PCOS ସମୟରେ ବନ୍ଧ୍ୟାକରଣ ସମସ୍ୟା ହେବାର ସମ୍ଭାବନା ବଢିପାରେ ।

Disclaimer: ଏଠାରେ ଦିଆଯାଇଥିବା ସମସ୍ତ ତଥ୍ୟ ସୂଚନା ଆଧାରରେ ପ୍ରକାଶିତ । ଏହା ଜୀ ଓଡ଼ିଶା ନ୍ୟୁଜର ନିଜସ୍ୱ ମତ ନୁହେଁ । ଅଧିକ ସୂଚନା ପାଇଁ ଆପଣ ବିଶେଷଜ୍ଞଙ୍କ ସହ ପରାମର୍ଶ କରନ୍ତୁ କିମ୍ୱା 9668167270 ନମ୍ୱରରେ ହ୍ୱାଟସଆପ କରନ୍ତୁ ।

Also Read- ରାମ ମନ୍ଦିର ପ୍ରାଣ ପ୍ରତିଷ୍ଠା ପୂର୍ବରୁ ଏହି ସ୍ଥାନରେ ଗରୁଡ ଏବଂ ଜଟାୟୁଙ୍କ ଭିଡ

Also Read- ୨୦ ପୋଲିସ ଅଧିକାରୀଙ୍କୁ ମିଳିବ ସମ୍ମାନଜନକ ରାଜ୍ୟପାଳ ପଦକ