Health Tips: ଶୀତଦିନେ ପରିସ୍ରା ଅଟକାଇବା ରଖିବାକୁ ଚେଷ୍ଟା କରୁଛନ୍ତି କି? ହୋଇପାରେ ଏହି ମାରାତ୍ମକ ରୋଗ

Health Tips: ଆପଣ ମଧ୍ୟ ଶୀତଦିନେ ବାରମ୍ବାର ପରିସ୍ରା ଲାଗିବା ପରି ଅନୁଭବ କରୁଛ, କିନ୍ତୁ ଅଳସୁଆମି ଯୋଗୁଁ ଯଦି ଆପଣ ଏହା ଅଟକାଇ ରଖନ୍ତି? କିମ୍ବା ଯେତେବେଳେ ଆପଣ ରାତିରେ ଶୋଇବା ସମୟରେ ପରିସ୍ରା ଲାଗିବା ଅନୁଭବ କରନ୍ତି, ଆପଣ ଏହାକୁ ସକାଳ ପର୍ଯ୍ୟନ୍ତ ଅଟକାଇ ରଖନ୍ତି? ତେବେ କହିରଖୁଛୁ ଯେ ଆପଣଙ୍କର ଏହି ଅଭ୍ୟାସ ଆପଣଙ୍କ ସ୍ୱାସ୍ଥ୍ୟ ଉପରେ କ୍ଷତି ପହଞ୍ଚାଇପାରେ।

ବାସ୍ତବରେ, ଦୀର୍ଘ ସମୟ ଧରି ପରିସ୍ରା ଅଟକାଇବା ଅନେକ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ। ଏହି ଆର୍ଟିକିଲରେ, ଆମେ ଆପଣଙ୍କୁ କିଛି ସ୍ୱାସ୍ଥ୍ୟ ସମସ୍ୟା ବିଷୟରେ କହୁଛୁ ଯାହା ଶୀତ ଦିନେ ଦୀର୍ଘ ସମୟ ପରିସ୍ରା ଅଟକାଇବା ଯୋଗୁଁ ହୋଇଥାଏ।

ଶୀତଦିନେ କାହିଁକି ବାରମ୍ବାର ପରିସ୍ରା ଲାଗିଥାଏ?
ଶୀତଦିନେ ପରିସ୍ରା ଅଟକାଇବା ଯୋଗୁଁ ସୃଷ୍ଟି ହୋଇଥିବା ସ୍ୱାସ୍ଥ୍ୟ ସମସ୍ୟା ଜାଣିବା ପୂର୍ବରୁ, ଆପଣଙ୍କୁ ଜାଣିବାକୁ ପଡିବ ଶୀତଦିନେ ବାରମ୍ବାର ପରିସ୍ରା ହେବାର କାରଣ। ପ୍ରକୃତରେ, ଶୀତରେ ଶରୀରର ସାଧାରଣ ତାପମାତ୍ରା ବଜାୟ ରଖିବା ପାଇଁ ରକ୍ତ ସଞ୍ଚାଳନ ବୃଦ୍ଧି ପାଇଥାଏ। ଏଭଳି ପରିସ୍ଥିତିରେ ଏହା କିଡନୀ ପରି ଆଭ୍ୟନ୍ତରୀଣ ଅଙ୍ଗ ଉପରେ ଚାପ ପକାଇଥାଏ ଏବଂ କିଡନୀ ଉପରେ ଚାପ ଯୋଗୁଁ ପରିସ୍ରା ନିର୍ଗମନ ହାର ମଧ୍ୟ ବଢ଼ିଥାଏ। ଏହା ବ୍ୟତୀତ ଶୀତଦିନେ କମ୍ ଝାଳ ବାହାରିଥାଏ, ତେଣୁ ଶରୀରରୁ ମଇଳା କେବଳ ପରିସ୍ରା ମାଧ୍ୟମରେ ବାହାରକୁ ବାହାରିଥାଏ। ତେଣୁ ଶୀତଦିନେ ଅଧିକ ପରିସ୍ରା ଲାଗିଥାଏ।

ଶୀତଦିନେ ପରିସ୍ରା ଅଟକାଇବା ହୋଇପାରେ ବିପଜ୍ଜନକ
ଶୀତଦିନେ ଅତ୍ୟଧିକ ପରିସ୍ରା ଲାଗିବା ସ୍ୱାଭାବିକ ଏବଂ ଯେତେବେଳେ ଆପଣ ଏହାକୁ ଅଟକାଇ ରଖନ୍ତି, ଏହା ନିଶ୍ଚିତ ଭାବରେ ଶରୀର ଉପରେ ପ୍ରତିକୂଳ ପ୍ରଭାବ ପକାଇଥାଏ। ଏହି କାରଣରୁ ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟା ଉପୁଜିପାରେଯ। ଆସନ୍ତୁ ଜାଣିବା ସେହି ସ୍ୱାସ୍ଥ୍ୟ ସମସ୍ୟାଗୁଡ଼ିକ ବିଷୟରେ, ଯାହା ଶୀତଦିନେ ପରିସ୍ରା ଅଟକାଇବା ଯୋଗୁଁ ହୋଇଥାଏ।

ମୂତ୍ରାଶୟ ଦୁର୍ବଳ ହେବା
ପରିସ୍ରା ଅଟକାଇବା ଦ୍ୱାରା ଆପଣଙ୍କ ବ୍ଲାଡର ଦୁର୍ବଳ ହୋଇପାରେ ଓ ଆପଣ ନିଜର ପରିସ୍ରା ଉପରେ ନିୟନ୍ତ୍ରଣ ହରାଇପାରନ୍ତି। ଏପରି ପରିସ୍ଥିତିରେ, ଆପଣ ପରିସ୍ରାକୁ ନିୟନ୍ତ୍ରଣ କରିବାରେ ସକ୍ଷମ ନହେବା, ପରିସ୍ରା କରିବା ପରେ ତୁରନ୍ତ ପରିସ୍ରା ଲାଗିବା ପରି ଅନୁଭବ କରିବା କିମ୍ବା ରହି ରହି ପରିସ୍ରା ହେବା ଭଳି ସମସ୍ୟାର ସମ୍ମୁଖୀନ ହୋଇପାରନ୍ତି।

କିଡନୀ ସମସ୍ୟା
ଦୀର୍ଘ ସମୟ ପର୍ଯ୍ୟନ୍ତ ପରିସ୍ରା ଧରି ରଖିବା ମଧ୍ୟ କିଡନୀ ଉପରେ ଅତିରିକ୍ତ ଚାପ ପକାଇଥାଏ। କାରଣ ଶାରୀରିକ ସ୍ଥିତି ଏବଂ କାର୍ଯ୍ୟକଳାପ ଉପରେ ନିର୍ଭର କରି କିଡନୀ ପରିସ୍ରା ନିର୍ଗତ କରେ। କିନ୍ତୁ ଯେତେବେଳେ ସେହି ପରିସ୍ରାକୁ ଦୀର୍ଘ ସମୟ ଧରି ରଖାଯାଏ, ଏହା କିଡନୀ କାର୍ଯ୍ୟ ଉପରେ ପ୍ରତିକୂଳ ପ୍ରଭାବ ପକାଇଥାଏ ଏବଂ ଏହା କ୍ଷତି କରିପାରେଯ କେବଳ ଏତିକି ନୁହେଁ, ପରିସ୍ରା ଅଟକାଇବା କାରଣରୁ କିଡିନୀରେ ପଥର ହେବାର ଆଶଙ୍କା ମଧ୍ୟ ବଢ଼ିଯାଏ।

(ଆମେ ଆଶା କରୁଛୁ ଯେ ଏହି ସ୍ୱାସ୍ଥ୍ୟ ସମ୍ବନ୍ଧୀୟ ଆର୍ଟିକିଲ୍ ଆପଣଙ୍କ ପାଇଁ ଉପଯୋଗୀ ପ୍ରମାଣିତ ହେବ ଓ ଯଦି ଆପଣ ଏହି ଆର୍ଟିକିଲକୁ ପସନ୍ଦ କରନ୍ତି ତେବେ ଏହାକୁ ଆପଣଙ୍କର ବନ୍ଧୁ ଓ ପରିଚିତମାନଙ୍କ ସହିତ ସେୟାର କରିବାକୁ ଭୁଲନ୍ତୁ ନାହିଁ। ଏହା ସମେତ ଯଦି ଆପଣଙ୍କର ସ୍ୱାସ୍ଥ୍ୟ ସମ୍ବନ୍ଧୀୟ କୌଣସି ସମସ୍ୟା କିମ୍ବା ପ୍ରଶ୍ନ ମଧ୍ୟ ଅଛି, ତେବେ ଆପଣ ଆମକୁ କମେଣ୍ଟ ମାଧ୍ୟମରେ କହିପାରିବେ, ଆମେ ବିଶେଷଜ୍ଞଙ୍କ ଠାରୁ ଆପଣଙ୍କ ସମସ୍ୟା ବିଷୟରେ ସୂଚନା ନେଇ ଆପଣଙ୍କୁ ପ୍ରଦାନ କରିବୁ।)