ସାବଧାନ! ଯଦି ଆପଣ ଏହି ଔଷଧ ଖାଉଛନ୍ତି ତେବେ ଭବିଷ୍ୟତରେ ଅନ୍ୟ କୌଣସି ମେଡିସିନ କାମ କରିବ ନାହିଁ

Antibiotic resistance: ୨୦୧୯ ମସିହାରେ ଏକ ନିର୍ଦ୍ଦିଷ୍ଟ କାରଣରୁ ପ୍ରାୟ ୫ ନିୟୁତ ଲୋକଙ୍କର ମୃତ୍ୟୁ ହୋଇଥିଲା । ୨୦୨୦ ରେ କୋରୋନା କାରଣରୁ ମୃତ୍ୟୁର ଏହି ସଂଖ୍ୟା ପ୍ରାୟ ଦୁଇ ଗୁଣ ବଢି ଯାଇଥିଲା । ଯାହାପରେ ଏହି ମୃତ୍ୟୁ ଉପରେ ଏକ ଗବେଷଣା କରାଯାଇଥିଲା । ଏହି ଗବେଷଣାରେ ଏହା ଜଣାପଡିଛି ଯେ ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ସାମାନ୍ୟ ରୋଗରେ ମଧ୍ୟ ନିଜକୁ ନିଜେ ଆଣ୍ଟିବାୟୋଟିକ୍ କିଣି ଖାଉଛନ୍ତି । କିନ୍ତୁ ଯେତେବେଳେ ରୋଗ ବଢିଯାଏ ଓ ଡାକ୍ତର ସେମାନଙ୍କ ପାଇଁ ଔଷଧ ଦିଅନ୍ତି, ସେତେବେଳେ ରୋଗ ଭଲ ହୁଏ ନାହିଁ । ଏହାର କାରଣ ହେଉଛି ଶରୀରରେ ଆଣ୍ଟିବାୟୋଟିକ୍ ପ୍ରତିରୋଧରେ ପରିଣତ ହୋଇ ସରିଥାଏ । ସରଳ ଭାଷାରେ କହିଲେ ଶରୀର ଉପରେ ଆଣ୍ଟିବାୟୋଟିକ୍ ର ପ୍ରଭାବ ବନ୍ଦ ହୋଇଯାଏ କାରଣ 'ନିଜେ ନିଜର ଡାକ୍ତର' ହୋଇ ଆପଣ ଶରୀର ଉପରେ ଔଷଧର ପ୍ରଭାବ ସହିତ ଖେଳି ସାରିଥାନ୍ତି ।

ଲାନସେଟ୍ ହେଉଛି ବିଶ୍ୱର ଏକ ପ୍ରତିଷ୍ଠିତ ମେଡିକାଲ୍ ଜର୍ନାଲ୍ । ଏହା ଅନେକ ମେଡ଼ିସିନ ଉପରେ ଗବେଷଣା କରେ। ଏହା ଅନୁଯାୟୀ, ଅଧିକ ଆଣ୍ଟିବାୟୋଟିକ୍ ଖାଇବା ଦ୍ୱାରା ଶରୀର ଉପରେ ଏହାର ପ୍ରଭାବ କମିବା ଆରମ୍ଭ କରେ । ଏହି ରିପୋର୍ଟରେ ବିଶେଷ ଭାବରେ ଆଜିଥ୍ରୋମାଇସିନ୍ ଉଲ୍ଲେଖ କରାଯାଇଛି, ଯାହାକୁ ଟଫି ପରି ପ୍ରତ୍ୟେକ ପରିବାରରେ ଡାକ୍ତରୀ ପରାମର୍ଶ ବିନା ବ୍ୟବହୃତ ହେଉଥିଲା ।

କଥା କେବଳ ଏତିକିରେ ସରି ନାହିଁ । ଆପଣ ଭାବିବେ ଯେ ମେଡିକାଲ ଷ୍ଟୋରରେ ଉପଲବ୍ଧ ଔଷଧ ଠିକ୍, କାରଣ ଏହା ସରକାରଙ୍କ ଅନୁମୋଦନ ବିନା ବିକ୍ରି ହୁଏ ନାହିଁ । ଏହା ଭାବିବା ପୂରା ଭୁଲ୍, ଲାନସେଟ୍ ରିପୋର୍ଟରେ ଦର୍ଶାଯାଇଛି ଯେ ଭାରତରେ ଅଧିକାଂଶ ଆଣ୍ଟିବାୟୋଟିକ୍ କେନ୍ଦ୍ରୀୟ ଡ୍ରଗ୍ ରେଗୁଲେଟର ଅନୁମୋଦନ ବିନା ବିକ୍ରି ହେଉଛି । ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଭାରତରେ ଆଣ୍ଟିବାୟୋଟିକ୍ ସନ୍ତୁଳିତ ଢଙ୍ଗରେ ବ୍ୟବହୃତ ହୁଏ ନାହିଁ । ଅର୍ଥାତ୍ ଲୋକମାନେ ମେଡିକାଲ ଷ୍ଟୋରକୁ ଯାଇ ଆଣ୍ଟିବାୟୋଟିକ୍ କିଣନ୍ତି ।

ତଥ୍ୟ ଅନୁସାରେ ୨୦୦୦ ରୁ ୨୦୧୦ ମଧ୍ୟରେ ସାରା ବିଶ୍ୱରେ ଆଣ୍ଟିବାୟୋଟିକ୍ ବ୍ୟବହାର ୩୬ ପ୍ରତିଶତ ବୃଦ୍ଧି ପାଇଛି । ୨୦୧୯ ମସିହାରେ ମୋଟ ମେଡିସିନର ୭୭.୧ ପ୍ରତିଶତ ଆଣ୍ଟିବାୟୋଟିକ୍ ବିକ୍ରି ହୋଇଥିଲା । ଦୁନିଆରେ ବିକ୍ରି ହେଉଥିବା ସମସ୍ତ ଆଣ୍ଟିବାୟୋଟିକ୍ ମଧ୍ୟରୁ ୭୨.୧ ପ୍ରତିଶତକୁ ଅନୁମୋଦନ କରାଯାଇନାହିଁ । ବିଭିନ୍ନ ଡାକ୍ତରୀ ରିପୋର୍ଟ ପଢିବା ପରେ, ଏକ ସିଦ୍ଧାନ୍ତ ଆସେ ଯେ ଯଦି ଆପଣ ଏକ ମେଡିକାଲ୍ ଷ୍ଟୋରରୁ କୌଣସି ପ୍ରକାରର ଔଷଧ କିଣୁଛନ୍ତି କିମ୍ବା କାହାକୁ ପଚାରନ୍ତି କିମ୍ବା ସମାନ ରୋଗରେ ପୀଡିତ ଅନ୍ୟର ପ୍ରେସକ୍ରିପସନ୍ ଦେଖନ୍ତି, ତେବେ ଏହା ସମ୍ପୂର୍ଣ୍ଣ ଭୁଲ୍ । କୌଣସି ପ୍ରକାରର ରୋଗ ହେଲେ ପ୍ରଥମେ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ଏହା ସହିତ, ଡାକ୍ତର ଆପଣଙ୍କୁ କହିଥିବା ଅନୁସାରେ ମେଡ଼ିସିନ ଖାଆନ୍ତୁ ।

ଏହା ବି ପଢ଼ନ୍ତୁ: Vastu Tips: ଏହି ଦିଗକୁ ଗୋଡ ଲମ୍ବାଇ ଶୟନ କରୁଛନ୍ତି କି? ହୋଇଯିବେ ଦାଣ୍ଡର ଭିକାରି!