Health Tips: ବାଥରୁମରେ ଫୋନ ବ୍ୟବହାର କରୁଛନ୍ତି କି? ଭୋଗିପାରନ୍ତି ଅନେକ ସମସ୍ୟା!

Health Tips: କିଛି ଲୋକେ ବାଥରୁମରେ ଗୀତ ଶୁଣିବାକୁ ପସନ୍ଦ କରନ୍ତି ତ ଆଉ କେତେକ ଲୋକେ ଖବର କାଗଜ ବା ମାଗାଜିନ୍ ପଢିବାକୁ ଭଲ ପାଇଥାଆନ୍ତି । ସେହିପରି ଅଧିକାଂଶ ଲୋକେ ବାଥରୁମରେ ଫୋନ ବ୍ୟବହାର କରୁଥିବା ମଧ୍ଯ ଦେଖିବାକୁ ମିଳିଥାଏ । କିଏ ଟଏଲେଟ ସିଟ୍ ରେ ବସି ଚାଟ କରେ ତ ଆଉ କିଏ ଫୋନ୍ ରେ କଥା ହୋଇଥାଆନ୍ତି, ସେହିପରି ଅଧିକାଂଶ ଲୋକେ ନିଜ ସୋସିଆଲ ମିଡ଼ିଆ ଆକାଉଣ୍ଟର ବ୍ୟବହାର କରିଥାଆନ୍ତି । କିନ୍ତୁ କ’ଣ ଆପଣ ଜାଣିଛନ୍ତି କି, ବାଥରୁମରେ ବସି ଫୋନ ବ୍ୟବହାର କରିବା ଆମ ସ୍ବାସ୍ଥ୍ୟ ପ୍ରତି ହାନୀକାରକ ହୋଇପାରେ ।

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ବାଥରୁମରେ ଫୋନ୍ ବ୍ୟବହାର କରିବା ସ୍ବାସ୍ଥ୍ୟ ପ୍ରତି ବିପଜ୍ଜନକ ହୋଇପାରେ। ଏହି ଅଭ୍ୟାସ ଯୋଗୁଁ ଆପଣଙ୍କୁ ଅନେକ ପ୍ରକାରର ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡି଼ପାରେ । ଅନୁସନ୍ଧାନରୁ ଜଣାପଡ଼ିଛି ଯେ, ପ୍ରତି ୧୦ ଜଣଙ୍କ ମଧ୍ୟରୁ ୬ ଜଣ ବାଥରୁମରେ ଯିବା ସମୟରେ ଫୋନର ବ୍ୟବହାର କରିଥାଆନ୍ତି । ଏମାନେ ମଧ୍ଯରୁ ଅଧିକାଂଶ ଯୁବକ ଅଟନ୍ତି । ଏକ ଅନୁସନ୍ଧାନରେ ଅଂଶଗ୍ରହଣ କରିଥିବା ଲୋକଙ୍କ ମଧ୍ଯରୁ ୬୧.୬% ଲୋକେ ଟଏଲେଟ୍ ସିଟ୍ ଉପରେ ବସିଥିବା ବେଳେ ନିଜର ସୋସିଆଲ ମିଡ଼ିଆ ଆକାଉଣ୍ଟକୁ ବ୍ୟବହାର କରିଥିଲେ । ସେହିପରି ୩୩.୯% ଲୋକେ ବାଥରୁମରେ କୌଣସି ଖବର ପଢୁଥିବା ବେଳେ ବଳକା ୨୪.୫% ଲୋକେ ଫୋନରେ କଥା ହୋଇଥିଲେ ।

ସ୍ୱାସ୍ଥ୍ୟ ବିଶେଷଜ୍ଞମାନେ ମତ ଅନୁଯାୟୀ, ଶୌଚାଳୟ ଏପରି ଏକ ସ୍ଥାନ, ଯେଉଁଠାରେ ଜୀବାଣୁ ଉପସ୍ଥିତ ରହିଥାଆନ୍ତି । ଶୌଚାଳୟ ବ୍ୟବହାର କରିବା ପରେ ହାତ ଧୋଇବା ଅତ୍ୟନ୍ତ ଜରୁରୀ, କିନ୍ତୁ ଯଦି ଆପଣ ବାଥରୁମକୁ ଫୋନ୍ ନେଇ ଯାଉଛନ୍ତି । ପରେ ଏହାକୁ ସଫା ନକରି ବ୍ୟବହାର କରୁଛନ୍ତି ତେବେ ଏହା ସଂକ୍ରମଣର କାରଣ ହୋଇପାରେ । ଏହା ପରେ, ଫୋନରୁ ଜୀବାଣୁ ଆପଣଙ୍କ ଶରୀରରେ ପ୍ରବେଶ କରିବା ଅତି ସହଜ ହୋଇଯାଏ । ଯେଉଁଥିପାଇଁ ଆପଣ ସହଜରେ କୌଣସି ରୋଗରେ ଆକ୍ରାନ୍ତ ହୋଇପାରନ୍ତି । ସେହିପରି ଫୋନ୍ ହେତୁ ଆମେ ବାଥରୁମରେ ଅଧିକ ସମୟ ବସିଥାଉ, ଯାହା ମାଂସପେଶୀକୁ ପ୍ରଭାବିତ କରିଥାଏ । ଏହି କାରଣରୁ ଆମର ମାଂସପେଶୀ କଠିନ ହୋଇଯାଏ । ଫଳରେ ଆଣ୍ଠୁରେ ଯନ୍ତ୍ରଣା ହୋଇଥାଏ ।

ସେହିପରି ବାଥରୁମରେ ବସି ଫୋନ୍ ବ୍ୟବହାର କରିବା ଦ୍ୱାରା ପାଇଲସ୍ ହେବାର ଆଶଙ୍କା ବଢ଼ିଯାଇଥାଏ, ଯାହାକୁ ସାଧାରଣ ଭାଷାରେ 'ପାଇଲସ୍' ମଧ୍ୟ କୁହାଯାଏ। ଯେତେବେଳେ ମଳଦ୍ୱାରରେ ଥିବା ଶିରା କ୍ଲଷ୍ଟର ଫୁଲିଯାଏ ସେତେବେଳେ ଏହି ସମସ୍ୟା ଦେଖାଦେଇଥାଏ । ସାଧାରଣତଃ ଏହା ରକ୍ଟମ୍ ର ଶିରାର 'ଭାରିକୋଜ୍ ଶିରା' ରୋଗ ଅଟେ । ରକ୍ତସ୍ରାବ ଭିତରେ କିମ୍ବା ମଳଦ୍ୱାର ବାହାରେ ହେମୋରୋଇଡ୍ ମଧ୍ୟ ହୋଇପାରେ ।

(Disclaimer: ଏଠାରେ ଦିଆଯାଇଥିବା ସୂଚନା ସାଧାରଣ ସୂଚନା ଉପରେ ଆଧାରିତ ଓ କେବଳ ଜାଣିବା ପାଇଁ ଦିଆଯାଉଛି। Zee Odisha News ଏହାକୁ ନିଶ୍ଚିତ କରେ ନାହିଁ। ଏହାକୁ କୌଣସି ସମାଧାନ ଭାବେ ନେବା ପୂର୍ବରୁ, ନିଶ୍ଚିତ ଭାବରେ ସମ୍ପୃକ୍ତ ବିଷୟର ଜ୍ଞାନଥିବା ଜଣେ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।)