Chandra Grahan 2023: କେବେ ଲାଗିବ ୨୦୨୩ର ପ୍ରଥମ ଚନ୍ଦ୍ର ଗ୍ରହଣ? କେଉଁ କେଉଁ ସ୍ଥାନରେ ଦେଖିବାକୁ ମିଳିବ, ଜାଣନ୍ତୁ ସୂତକ କାଳର ସମୟ

Chandra Grahan 2023: ୨୦୨୩ ମସିହାରେ ସମୁଦାୟ ୪ଟି ଚନ୍ଦ୍ର ଗ୍ରହଣ (Lunar Eclipse) ଓ ସୂର୍ଯ୍ୟ ପରାଗ (Solar Eclipse) ହେବ । ବୈଶାଖ ଆମାବସ୍ୟା (Vaishakh Amavasya) ଉପରେ ସୂର୍ଯ୍ୟ ପରାଗ (Surya Praga) ପରେ ଖୁବ୍ ଶୀଘ୍ର ଚନ୍ଦ୍ର ଗ୍ରହଣ (Chandra Grahan) ଲାଗିବ । ବର୍ଷର ପ୍ରଥମ ଚନ୍ଦ୍ର ଗ୍ରହଣ ବୈଶାଖ ପୂର୍ଣ୍ଣିମା (Vaishakh Purnima) ଅର୍ଥାତ୍ ବୁଦ୍ଧ ପୂର୍ଣ୍ଣିମା (Buddha Purnima) ରେ ଲାଗିବ । ବୈଜ୍ଞାନିକ ଭାବେ ଯେତେବେଳେ ଚନ୍ଦ୍ର ଓ ସୂର୍ଯ୍ୟ ମଧ୍ୟରେ ପୃଥିବୀ ଆସେ, ସେତେବେଳେ ଚନ୍ଦ୍ର ଗ୍ରହଣ ହୁଏ । 

ପୁରାଣ ଅନୁଯାୟୀ, ଯେତେବେଳେ ରାହୁ ଚନ୍ଦ୍ରକୁ ଗ୍ରାସ କରେ, ସେତେବେଳେ ଚନ୍ଦ୍ର ଗ୍ରହଣ ହୁଏ । ସୂର୍ଯ୍ୟ ପରାଗ ଓ ଚନ୍ଦ୍ର ଗ୍ରହଣ ପୂର୍ବରୁ ସୂତକ କାଳ (Sutak Kaal) ଆରମ୍ଭ ହୁଏ । ଚନ୍ଦ୍ର ଗ୍ରହଣ ପୂର୍ବରୁ ସୂତକ କାଳ ଅତ୍ୟନ୍ତ ଅଶୁଭ ବୋଲି ମନେ କରାଯାଏ । ଆସନ୍ତୁ ଜାଣିବା ଚନ୍ଦ୍ର ଗ୍ରହଣର ସମୟ, ସୂତକ କାଳ ଅବଧି କେବେ ଆରମ୍ଭ ହେବ ଓ ବର୍ଷର ପ୍ରଥମ ଚନ୍ଦ୍ରଗ୍ରହଣ କେଉଁ କେଉଁଠାରେ ଦେଖାଯିବ ।

ବର୍ଷର ପ୍ରଥମ ଚନ୍ଦ୍ର ଗ୍ରହଣ ୫ ମଇ ୨୦୨୩ ଶୁକ୍ରବାର ସନ୍ଧ୍ୟା ୦୮.୪୫ ମିନିଟରେ ଆରମ୍ଭ ହୋଇ ମଧ୍ୟରାତ୍ରୀ ୧.୦୦ ମିନିଟରେ ଶେଷ ହେବ । ଏହା ଉପଛାୟା ଚନ୍ଦ୍ର ଗ୍ରହଣ ହେବ । ଏହି ଦିନ ବୈଶାଖ ମାସର ପୂର୍ଣ୍ଣିମା ଲାଗିବ, ଯାହାକୁ ବୁଦ୍ଧ ପୂର୍ଣ୍ଣିମା ମଧ୍ୟ କୁହାଯାଏ । ଚନ୍ଦ୍ର ଗ୍ରହଣର ପରମଗ୍ରାସ୍ ସମୟ ରାତି ୧୦.୫୩ ମିନିଟରେ ଲାଗିବ । ଚନ୍ଦ୍ର ଗ୍ରହଣର ସୁତକ ଅବଧି ୯ ଘଣ୍ଟା ପୂର୍ବରୁ ଆରମ୍ଭ ହୋଇଯାଇଥାଏ । କିନ୍ତୁ ବର୍ଷର ପ୍ରଥମ ଚନ୍ଦ୍ର ଗ୍ରହଣ ଭାରତରେ ଦୃଶ୍ୟମାନ ହେବ ନାହିଁ । ତେଣୁ ଏହାର ସୂତକ ଅବଧି ଏଠାରେ ବୈଧ ହେବ ନାହିଁ ।

ଉପଛାୟାର ଅବଧି -୦୪ ଘଣ୍ଟା ୧୫ ମିନିଟ୍ ୩୪ ସେକେଣ୍ଡ୍ 

ଉପଛାୟା ଚନ୍ଦ୍ର ଗ୍ରହଣର ପରିମାଣ- ୦.୯୫

ବର୍ଷର ପ୍ରଥମ ଚନ୍ଦ୍ରଗ୍ରହଣ କେଉଁ କେଉଠାରେ ଦେଖାଯିବ?

ଏହା ହେଉଛି ଏକ ଉପଛାୟା ଚନ୍ଦ୍ର ଗ୍ରହଣ, ଅର୍ଥାତ୍ ପୃଥିବୀର ଛାୟା କେବଳ ଗୋଟିଏ ପାର୍ଶ୍ୱରେ ଥିବାରୁ ଏହି ଚନ୍ଦ୍ର ଗ୍ରହଣ ସବୁ ସ୍ଥାନରେ ଦେଖାଯିବ ନାହିଁ । ବର୍ଷର ପ୍ରଥମ ଚନ୍ଦ୍ର ଗ୍ରହଣର ପ୍ରଭାବ ୟୁରୋପ, ଏସିଆ, ଅଷ୍ଟ୍ରେଲିଆ, ଆଫ୍ରିକା, ଆଣ୍ଟାର୍କଟିକା, ପ୍ରଶାନ୍ତ ଆଟଲାଣ୍ଟିକ୍ ଏବଂ ଭାରତ ମହାସାଗରରେ ରହିବ ।

ଅଧିକ ପଢ଼ନ୍ତୁ-୧୨ ବର୍ଷ ପରେ ସୂର୍ଯ୍ୟ-ଗୁରୁଙ୍କ ଅଦ୍ଭୁତ ସଂଯୋଗ; ଖୋଲିଯିବ ଏସବୁ ରାଶିଙ୍କ ଭାଗ୍ୟ, ମିଳିବ ବଡ଼ ପଦ ଓ ବର୍ଷିବ ଟଙ୍କା!

ଅଧିକ ପଢ଼ନ୍ତୁ-ପୁରୁଣା ପେନସନ ନେବା ପାଇଁ ଜାରି ହେଲା ଫର୍ମ, ଯଦି ଏହି ତାରିଖ ପର୍ଯ୍ୟନ୍ତ ନ ଭରିବେ ତ ମିଳିବନି ପେନସନର ଲାଭ

ଅଧିକ ପଢ଼ନ୍ତୁ-ବୁଧଙ୍କ ରାଶିରେ ଗୋଚର କରିବେ ଶୁକ୍ର ଗ୍ରହ, ଏହି ୩ଟି ରାଶି ଉପରେ ବର୍ଷିବ ବିପୁଳ ଧନ!

ଯେତେବେଳେ ଚନ୍ଦ୍ର ଉପରେ ପୃଥିବୀର ଛାୟା ନ ପଡ଼ି ଉପଛାୟା ପଡ଼େ, ଏହାକୁ ଏକ ଉପଛାୟା ଚନ୍ଦ୍ର ଗ୍ରହଣ କୁହାଯାଏ । ପ୍ରକୃତରେ ଗ୍ରହଣ ଲାଗିବା ପୂର୍ବରୁ ଚନ୍ଦ୍ର ପୃଥିବୀର ଉପଛାୟାରେ ପ୍ରବେଶ କରନ୍ତି, ଯାହାକୁ ଚନ୍ଦ୍ର ମାଲିନ୍ୟ କୁହାଯାଏ । ଏହା ପରେ ଚନ୍ଦ୍ର ପୃଥିବୀର ପ୍ରକୃତ ଛାଇ ଭୁଭାରେ ପ୍ରବେଶ କରେ, କିନ୍ତୁ ଅନେକ ଥର ଚନ୍ଦ୍ର ଛାଇରେ ପ୍ରବେଶ କରି କୋଣରୁ ବାହାରିଥାଏ । ଏପରି ପରିସ୍ଥିତିରେ ଉପଛାୟା ସମୟରେ ଚନ୍ଦ୍ରର ଆଲୋକରେ ସାମାନ୍ୟ ଅନ୍ଧକାର ଦେଖାଯାଏ, ଚନ୍ଦ୍ରର ରଙ୍ଗ ଦୁର୍ବଳ ହୋଇଯାଏ । ଏହି ଉପଛାୟା ଚନ୍ଦ୍ର ଗ୍ରହଣ କରେ ।

(Disclaimer: ଏଠାରେ ଦିଆଯାଇଥିବା ସୂଚନା ଜ୍ୟୋତିଷ ଶାସ୍ତ୍ର ଓ ସାଧାରଣ ଅନୁମାନ ଉପରେ ଆଧାରିତ । କେବଳ ସୂଚନା ପାଇଁ ଦିଆଯାଇଛି । ZEE ODISHA NEWS ଏହା ନିଶ୍ଚିତ କରେ ନାହିଁ । କୌଣସି ଉପାୟ କରିବା ପୂର୍ବରୁ ସମ୍ପୃକ୍ତ ବିଷୟର ବିଶେଷଜ୍ଞଙ୍କ ସହିତ ପରାମର୍ଶ କରି ନିଶ୍ଚିତ ହୁଅନ୍ତୁ ।)