ବିୟର ପିଉଥିବା ଲୋକମାନେ ସାବଧାନ! ସ୍ୱାସ୍ଥ୍ୟକୁ ପହଞ୍ଚାଇଥାଏ ଏହି ୮ଟି କ୍ଷତି

ନୂଆଦିଲ୍ଲୀ: Beer: ମଦ (Alcohol) ଭିତରୁ ବିୟର (Beer) ହେଉଛି ସବୁଠାରୁ ଲୋକପ୍ରିୟ ବିକଳ୍ପ ବୋଲି ଏହାକୁ ଅସ୍ୱୀକାର କରିହେବ ନାହିଁ । ଭାରତର ପ୍ରାୟ ୩୦ ପ୍ରତିଶତ ଲୋକ ବିୟର ପିଇବାକୁ ଭଲ ପାଆନ୍ତି । ଲୋକମାନେ ମଦ ଅପେକ୍ଷା ଅଧିକ ବିୟର ପିଅନ୍ତି । କେବଳ ୫ରୁ ୧୨ ପ୍ରତିଶତ ଅଲ୍କୋହଲ ହେବା କାରଣରୁ ବିୟର ଅନ୍ୟ ନିଶା ପାନୀୟ ଅପେକ୍ଷା କମ୍ କ୍ଷତିକାରକ ବୋଲି ମନେ କରାଯାଏ । ଅନେକ ଲୋକ ସାରା ଦିନର ଥକାପଣ ଓ ବିଶ୍ରାମ ନେବା ପାଇଁ ଥଣ୍ଡା ବିୟର (Chilled Beer)  ପିଇବାକୁ ପସନ୍ଦ କରନ୍ତି । ଅନେକ ଅଧ୍ୟୟନରୁ ଜଣାପଡିଛି ଯେ ବିୟର ପିଇବା ଦ୍ୱାରା ଆୟୁ ବଢ଼ି ଥାଏ, ଯନ୍ତ୍ରଣା କମିଯାଏ ଏବଂ ହୃଦରୋଗ ହେବାର ଆଶଙ୍କା ମଧ୍ୟ କମିଯାଏ । କିନ୍ତୁ ଏସବୁ ମଧ୍ୟରେ ଆମେ ଭୁଲିଯିବା ଉଚିତ୍ ନୁହେଁ ଯେ ଏଥିରେ ଅଳ୍ପ ମାତ୍ରାରେ ଅଲ୍କୋହଲ ଅଛି ଓ ଏହାର ଅତ୍ୟଧିକ ଏବଂ ନିୟମିତ ସେବନ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ସୃଷ୍ଟି କରିପାରେ । ଏହି ଆର୍ଟିକିଲରେ, ଆମେ ଆପଣଙ୍କୁ କହିବୁ ଯଦି ଆପଣ ପ୍ରତିଦିନ ରାତିରେ ବିୟର ପିଅନ୍ତି ତେବେ ଆପଣଙ୍କ ଶରୀରରେ କ’ଣ ହୁଏ ।

୧. ଏହା ସତ୍ୟ ଯେ ବିଅର (Beer) ରେ ଅଲ୍କୋହଲର ମାତ୍ରା କମ୍ ହୋଇଥାଏ ଓ ଏଥିରେ କ୍ୟାଲୋରୀର ମାତ୍ରା ଅଧିକ ଥାଏ । ଲୋକମାନେ ସାଧାରଣତଃ ଏକା ସମୟରେ ଏକରୁ ଅଧିକ ବୋତଲ ବିୟର ପିଇଥା’ନ୍ତି, ଯାହା ମୋଟ କ୍ୟାଲୋରୀ ଅଂଶକୁ ବଢ଼ାଇଦେଇଥାଏ । ବିୟରରେ ଅନ୍ୟ ପାନୀୟ ଅପେକ୍ଷା ଏକ ଭିନ୍ନ ପ୍ରକାରର କ୍ୟାଲୋରୀ ରହିଥାଏ, ଯାହା ଆପଣଙ୍କ ପେଟର ଚର୍ବିକୁ ବଢ଼ାଇବା ପାଇଁ କାମ କରିଥାଏ । ଏହି କଥାକୁ ଜାଣି ନିଅନ୍ତୁ ଯେ ଅଣ୍ଟା ଆଖପାଖରେ ଥିବା ଚର୍ବି ଅତ୍ୟନ୍ତ ବିପଜ୍ଜନକ ହୋଇଥାଏ । ତେଣୁ ଆପଣଙ୍କ ପାଇଁ ଏକ ଗ୍ଲାସ୍ ବିୟର ଯଥେଷ୍ଟ । ଏକ ଗ୍ଲାସ୍ ବିୟରରେ ପ୍ରାୟ ୧୫୦ କ୍ୟାଲୋରୀ ଥାଏ ଓ ଅଲ୍କୋହଲର ମାତ୍ରା ବଢ଼ିବା ଦ୍ୱାରା କ୍ୟାଲୋରୀ ବଢ଼ିଥାଏ । ଅନ୍ୟ ଏକ ଅନୁସନ୍ଧାନରେ କୁହାଯାଇଛି ଯେ, ପେଟର ଚର୍ବି ବୃଦ୍ଧି ପୁରୁଷଙ୍କ ପିତା ହେବାର କ୍ଷମତାକୁ ୧୦ ପ୍ରତିଶତ ହ୍ରାସ କରିଥାଏ ।

୨. ଅନେକ ଗବେଷଣାରେ ଏହା ସାମ୍ନାକୁ ଆସିଛି ଯେ ବିୟର ପିଇବା ହୃଦୟ ପାଇଁ ଭଲ, କିନ୍ତୁ ଯଦି ଏହାର ବ୍ୟବହାର ସୀମା ଅତିକ୍ରମ କରେ, ତେବେ ଏହା ବିପରୀତ ପ୍ରଭାବ ଦେଖାଇବା ଆରମ୍ଭ କରେ । ଅତ୍ୟଧିକ ମାତ୍ରାରେ ବିୟରର ସେବନ ହୃଦୟ ମାଂସପେଶୀକୁ କ୍ଷତି ପହଞ୍ଚାଇଥାଏ, ଷ୍ଟ୍ରୋକ୍, ଉଚ୍ଚ ରକ୍ତଚାପ, ଟାଇପ୍-୨ ମଧୁମେହ ଏବଂ ଅନିୟମିତ ହୃଦସ୍ପନ୍ଦନର ଆଶଙ୍କା ବଢ଼ାଇଥାଏ । ନିୟମିତ ବିୟର ସେବନକାରୀଙ୍କ ଅପେକ୍ଷା ସପ୍ତାହରେ ଥରେ ଅଧିକ ମାତ୍ରାରେ ବିୟର ପିଇବା ଅଧିକ ବିପଜ୍ଜନକ ହୋଇଥାଏ । ଏହା ରକ୍ତଚାପ ସ୍ତରରେ ହଠାତ୍ ପରିବର୍ତ୍ତନର କାରଣ ମଧ୍ୟ ହୋଇଥାଏ ।

୩. ପୁରୁଷମାନଙ୍କ ପାଇଁ ପ୍ରତିଦିନ ଦୁଇଟି ପେଗ୍ ଓ ମହିଳାମାନଙ୍କ ପାଇଁ ଗୋଟିଏ ପେଗ୍ ମଧ୍ୟମ ପାନୀୟ ଭାବରେ ମନେ କରାଯାଏ । ଏହି ସୀମା ଅତିକ୍ରମ କରିବା କ୍ଷତିକାରକ ପ୍ରଭାବ ପକାଇପାରେ । ଅଧିକ ବିୟର ପିଇବା ଦ୍ୱାରା ଉଚ୍ଚ ରକ୍ତଚାପ ଓ କିଡନୀ ରୋଗ ହେବାର ଆଶଙ୍କା ରହିଥାଏ । ବାସ୍ତବରେ, ବିୟର ମୂତ୍ରବର୍ଦ୍ଧକ (Diuretic) ଓ ଆପଣଙ୍କ କିଡନୀରେ ଅତିରିକ୍ତ ଚାପ ସୃଷ୍ଟି କରିପାରେ । ଏହା ଡିହାଇଡ୍ରେସନ୍ ଓ ଶରୀରକୁ ଅସ୍ଥିର କରିପାରେ । ବିୟରକୁ ନିୟମିତ ସେବନ କରିବା ଦ୍ୱାରା କିଡନୀ ନଷ୍ଟ ହୋଇପାରେ, କିଡନୀରେ ପଥର କିମ୍ବା କିଡନୀ ଫେଲ ହେବାର ଆଶଙ୍କା ବଢ଼ିଥାଏ ।

୪. ଏକ ଅନୁସନ୍ଧାନରୁ ଜଣାପଡିଛି ଯେ ବିୟର ନିୟମିତ କିମ୍ବା ଅତ୍ୟଧିକ ସେବନ  ପୁରୁଷଙ୍କ ଯୌନ ହରମୋନ୍ ଉପରେ ଖରାପ ପ୍ରଭାବ ପକାଇଥାଏ । ଯେଉଁଥିପାଇଁ ପୁରୁଷମାନଙ୍କର ପିତା ହେବାର କ୍ଷମତା ୫୦ ପ୍ରତିଶତ କମିଯାଏ ।

ଅଧିକ ପଢ଼ନ୍ତୁ:-ପରମାଣୁ ଯୁଦ୍ଧ ହେଲେ ପୃଥିବୀର ସବୁକିଛି ହୋଇଯିବ ଧ୍ୱଂସ, କେବଳ ସୁରକ୍ଷିତ ରହିବ ଏହି ୫ଟି ସ୍ଥାନ!

ଅଧିକ ପଢ଼ନ୍ତୁ:-ନୀତିଶ କୁମାରଙ୍କୁ ପୁଣି ଲାଗିଲା ଜୋରଦାର ଝଟକା! ଏଠାରେ ବିଜେପିରେ ଯୋଗ ଦେଲା ଜେଡିୟୁର ପୂରା ୟୁନିଟ

ଅଧିକ ପଢ଼ନ୍ତୁ:-କୁକୁର କାମୁଡିବା ସଙ୍ଗେ ସଙ୍ଗେ ଏହିପରି କରନ୍ତୁ ପ୍ରାଥମିକ ଚିକିତ୍ସା

୫. ବିୟରର ନିୟମିତ ସେବନ ଯକୃତ ଉପରେ ବହୁତ ପ୍ରଭାବ ପକାଇଥାଏ । କାରଣ ଏଥିରେ ମିଳୁଥିବା ଅଲ୍କୋହଲ୍ ଯକୃତକୁ କ୍ଷତି ପହଞ୍ଚାଏ ଓ ଯଦି ଏହା ଘଟେ, ତେବେ ଜାଣି ନିଅନ୍ତୁ ଯେ ଆପଣଙ୍କର ହଜମ ଶକ୍ତି ସଂପୂର୍ଣ୍ଣ ନଷ୍ଟ ହୋଇଯିବ ।

 ୬. ପ୍ରତିଦିନ ବିୟର ଖାଇବା ଦ୍ୱାରା ଶରୀରରେ କିଛି ଭିଟାମିନ୍ ଓ ମିନେରାଲ୍ସର ଅଭାବ ଦେଖାଦେଇଥାଏ । ଏପରି ପରିସ୍ଥିତିରେ ଯେତେବେଳେ ଏହି ପୋଷକ ତତ୍ତ୍ୱ ପୂରଣ ନହୁଏ, ଏହା ଆପଣଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ଅଲ୍କୋହଲକୁ ମେଟାବୋଲିଜ କରିବା ପାଇଁ ଆମ ଶରୀରକୁ ଅତିରିକ୍ତ ପୋଷକ ତତ୍ତ୍ୱ ଆବଶ୍ୟକ କରେ, ଯେପରିକି କିଛି ବି ଭିଟାମିନ୍ । 

୭. ଲଗାତର ବିୟର ପିଇବା ଦ୍ୱାରା ମସ୍ତିଷ୍କର ସମସ୍ତ କୋଷ ନଷ୍ଟ ହୋଇଯାଏ, ଯାହା ଦ୍ୱାରା ସେମାନେ ନିଜ ମନକୁ କୌଣସି ଜିନିଷ ଉପରେ ଧ୍ୟାନ ଦେବାରେ ଅସମର୍ଥ ହୁଅନ୍ତି ଏବଂ ସ୍ମୃତି ଶକ୍ତି କମିଯାଏ ।

୮. ମଦ ଓ ରାତିର ଭଲ ନିଦ ମଧ୍ୟରେ ବିରୋଧାଭାସ ରହିଥାଏ । କେତେକ ଅଧ୍ୟୟନରୁ ଜଣାପଡିଛି ଯେ ବିୟର ପିଇବା ଦ୍ୱାରା ବ୍ୟକ୍ତିଙ୍କୁ ଶୀଘ୍ର ନିଦ ଆସିବାରେ ସାହାଯ୍ୟ କରିଥାଏ, କିନ୍ତୁ ଏହା ବେଶି ଦିନ ରହି ନଥାଏ । ସନ୍ଧ୍ୟାରେ ବିୟର ପିଇବା ଦ୍ୱାରା ଆପଣ ଦିନରେ ଏକାଗ୍ରତା ସହିତ କାମ କରିବାରେ ସକ୍ଷମ ହେବେ ନାହିଁ, ସେହିପରି ଆପଣ କ୍ଳାନ୍ତ ଅନୁଭବ କରିବେ । ଏପରି ପରିସ୍ଥିତିରେ ମଦ ଆପଣଙ୍କ ଶୋଇବା ଓ ମୁଡ ପାଇଁ କ୍ଷତିକାରକ ।