Aghori Mantra Sadhana: ଅଘୋରୀଙ୍କ ଏପରି ସାଧନା ଯେ ଜଣେ ମୃତ ବ୍ୟକ୍ତି ବି ଜୀବିତ ହୋଇ କୁହନ୍ତି କଥା! ଜାଣନ୍ତୁ ପୂରା ରହସ୍ୟ

Aghori Mantra Sadhana: ଆମେ ପ୍ରାୟତଃ ସାଧୁମାନଙ୍କୁ କୁମ୍ବ ମେଲାରେ ତପସ୍ୟା କରୁଥିବାର ଦେଖିଛୁ । ଅନେକ ଥର ସାଧୁଙ୍କ ପୋଷାକ ଦେଖି ଆମେ ସେମାନଙ୍କୁ ପୂଜାରୀ ବା ଅଘୋରୀ ମନେ କରିଥାଉ । ଯେତେବେଳେ ଆମେ ଜଣେ ସାଧୁଙ୍କୁ ସରଳ ପୋଷାକରେ ଟିକା ପିନ୍ଧିଥିବାର ଦେଖୁ, ସେତେବେଳେ ଆମେ କହିଥାଉ ଯେ ସେ ଜଣେ ସାଧୁ ସନ୍ଥ ହୋଇଥିବେ । ଅଘୋରୀ ସାଧୁ (Aghori Sadhu) ଙ୍କ ବିଷୟରେ କୁହାଯାଇଛି ଯେ ସେମାନେ ନିଜ ଶରୀରକୁ ପଶୁ ଚର୍ମରେ ଆଚ୍ଛାଦନ କରନ୍ତି । କୁହାଯାଏ ଯେ ଅଘୋରୀ ମାନେ କେବଳ ପଶୁମାନଙ୍କର ମାଂସ ନୁହେଁ ମଣିଷ ମାଂସ ମଧ୍ୟ ଖାଆନ୍ତି । ସେମାନେ ମୃତଦେହର ମାଂସ ମଧ୍ୟ ସେବନ କରିଥା’ନ୍ତି । କିନ୍ତୁ ସେମାନଙ୍କ ବିଷୟରେ ବିଶେଷ କିଛି କେହି ଜାଣନ୍ତି ନାହିଁ, କିମ୍ବା ସେମାନେ ନିଜ ବିଷୟରେ କେବେବି କିଛି କୁହନ୍ତି ନାହିଁ । କିନ୍ତୁ ଆଜି ଆମେ ଆପଣଙ୍କୁ ସେମାନଙ୍କ ବିଷୟରେ କିଛି ରହସ୍ୟମୟ ସତ୍ୟ କହିବାକୁ ଯାହା ଆପଣଙ୍କୁ ଚକିତ କରିବ ।

ଜାଣନ୍ତୁ ଅଘୋରୀ କିଏ

ଅଘୋରୀ ବିଷୟରେ କିଛି ଜାଣିବା ପୂର୍ବରୁ, ଏହି ଲୋକମାନେ କିଏ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଅଘୋରୀର ଅର୍ଥ ହେଉଛି ଅ+ଘୋରୀ ଯଥା ଯେଉଁମାନେ ଭୟଙ୍କର ନୁହଁନ୍ତି, ଯେଉଁମାନେ ସିଧା କିମ୍ବା ସରଳ, ଯାହାଙ୍କ ମଧ୍ୟରେ କୌଣସି ଭେଦଭାବ ନାହିଁ । ଶାସ୍ତ୍ରରେ କୁହାଯାଇଛି ଯେ ସାଧୁ ହେବା ସହଜ କିନ୍ତୁ ଅଘୋରୀ ହେବା ଅତ୍ୟନ୍ତ କଷ୍ଟକର କାର୍ଯ୍ୟ । କାରଣ ସେମାନେ ବହୁତ ସରଳ, ସେମାନଙ୍କର କୌଣସି ନିୟମ ନାହିଁ, ସେମାନେ ସ୍ୱାଧୀନ ରୁହନ୍ତି, ସେମାନଙ୍କୁ କାହାର ଆବଶ୍ୟକତା ନାହିଁ । ଅଘୋରୀ ହେବାକୁ ହେଲେ ପ୍ରଥମେ ଆଧ୍ୟାତ୍ମିକ ସାଧନା କରିବା ଆବଶ୍ୟକ ହୋଇଥାଏ । ଯେତେବେଳେ ସେ ଏହି ଧ୍ୟାନ ପରେ ଆଖି ଖୋଲନ୍ତି, ସେତେବେଳେ ସେ ମୋହ ମାୟା ଛାଡି ହିମାଳୟକୁ ଯାଇ ସେଠାରେ ବହୁ ବର୍ଷ ଭ୍ରମଣ କରନ୍ତି । ଭ୍ରମଣ ପରେ ସେମାନେ ଶ୍ୱରଙ୍କ ଆଶୀର୍ବାଦ ପାଆନ୍ତି ଓ ସେମାନେ ଅଘୋରୀ ହୁଅନ୍ତି ।

ଅଘୋରୀଙ୍କ ସ୍ଥାନ 

ବାରାଣାସୀକୁ ଅଘୋରୀଙ୍କ ସ୍ଥାନ ଭାବରେ ମନେ କରାଯାଏ । କାରଣ ଏହା ଶିବ (Shiva) ଙ୍କର ଭୂମି ଓ ଅଘୋରୀ ମାନେ ଭଗବାନ ମହାଦେବଙ୍କର ଅନୁଗାମୀ ଅଟନ୍ତି । କାଶୀ ବ୍ୟତୀତ ଗୁଜୁରାଟର ଜୁନାଗଡର ଗିର୍ନାର ପର୍ବତ ମଧ୍ୟ ଏହି ତପସ୍ୟା ପାଇଁ ଏକ ଗୁରୁତ୍ୱପୂର୍ଣ୍ଣ ସ୍ଥାନ । ଜୁନାଗଡ ଅବଦୁତ ଭଗବାନ ଦତ୍ତାତ୍ରେୟଙ୍କ ତପସ୍ୟା ସ୍ଥଳୀ ଭାବରେ ମଧ୍ୟ ଜଣାଶୁଣା । ଅଘୋରୀ ମାନେ ଶିବ (Bhagwan Shiva) ଙ୍କୁ ପୂଜା କରନ୍ତି ଓ ତାଙ୍କ ଭକ୍ତିରେ ଲୀନ୍ ରୁହନ୍ତି । କାରଣ ଭଗବାନ ଶିବ (Lord Shiva) ନିଜେ ଅଘୋରୀ ସଂସ୍କୃତିର ଆରମ୍ଭ କରିଥିଲେ । ଅବଦୁତ ଭଗବାନ ଦତ୍ତାତ୍ରେୟଙ୍କୁ ମଧ୍ୟ ଅଘୋରୀଙ୍କ ଗୁରୁ ଭାବରେ ବିବେଚନା କରାଯାଏ । ଅବଦୁତ ଦତ୍ତାତ୍ରେୟଙ୍କୁ ମଧ୍ୟ ଭଗବାନ ଶିବଙ୍କର ଅବତାର ବୋଲି ମନେ କରାଯାଏ । ଅଘୋରୀ ସମ୍ପ୍ରଦାୟର ବିଶ୍ୱାସ ଅନୁଯାୟୀ, ଦତ୍ତାତ୍ରେୟ ଜୀ ବ୍ରହ୍ମା, ବିଷ୍ଣୁ ଏବଂ ଶିବଙ୍କର ଅଂଶ ଓ ମୋଟ ରୂପରେ ଅବତାରିତ ହୋଇଥିଲେ ।

ଅଘୋରୀଙ୍କ ରହସ୍ୟ

ଅଘୋରୀ ବିଷୟରେ ଏହା ପ୍ରସିଦ୍ଧ ଯେ, ଯଦି ଆପଣ ତାଙ୍କୁ ଭେଟିବାକୁ ଚାହାଁନ୍ତି, ତେବେ ଆପଣଙ୍କୁ ଶ୍ମଶାନକୁ ଯିବାକୁ ପଡିବ । କିନ୍ତୁ ଆପଣ କେବେ ଭାବିଛନ୍ତି କି ଅଘୋରୀ କାହିଁକି ଏପରି କରନ୍ତି? ସେମାନେ ଶ୍ମଶାନକୁ କାହିଁକି ବାସ କରନ୍ତି? ବାସ୍ତବରେ ଅଘୋରୀ ସେହିମାନଙ୍କୁ ଆପଣାନ୍ତି ଯାହାକୁ ଅନ୍ୟ ସମସ୍ତେ ପ୍ରତ୍ୟାଖ୍ୟାନ କରନ୍ତି । ଶ୍ମଶାନରେ ମୃତ ଶରୀର, ମାଟି, ଜୁଇ ପାଉଁଶ ମିଳିଥାଏ, ସମସ୍ତେ ଏହାକୁ ଘୃଣା କରନ୍ତି । କିନ୍ତୁ ଅଘୋରୀ ଏସବୁକୁ ଆପଣାନ୍ତି । ସାଧନା କରିବା ପୂର୍ବରୁ ସେମାନଙ୍କୁ ମୋହ ମାୟାକୁ ତ୍ୟାଗ କରିବାକୁ ପଡ଼ିଥାଏ । ଆମେ ସେହିମାନଙ୍କୁ ମଧ୍ୟ ଅଘୋରୀ କହିଥାଉ, ଯେଉଁମାନଙ୍କ ଭିତରୁ ଭଲ-ମନ୍ଦ, ସୁଗନ୍ଧ-ଦୁର୍ଗନ୍ଧ, ପ୍ରେମ-ଘୃଣା, ଈର୍ଷା-ମୋହ ଦୂର ହୋଇଯାଏ ।

ଅଘୋରୀ ମାନେ ଶ୍ମଶାନରେ ରୁହନ୍ତି । କାରଣ ସେମାନେ ମୃତ୍ୟୁ ଓ ବୈରାଗକୁ ବୁଝିବାକୁ ଚାହାଁନ୍ତି । ସେମାନେ ସର୍ବଦା ନିଜ ମନରେ ଇଚ୍ଛା ରଖନ୍ତି ଯେ, ମୃତ୍ୟୁ ପରେ ଆତ୍ମା ​​କୁଆଡେ ଯାଏ ଓ ଆତ୍ମା ​​ସହିତ କଥାବାର୍ତ୍ତା ହୋଇପାରିବ କି ନାହିଁ । ଏହି ସମସ୍ତ ପ୍ରଶ୍ନର ସମାଧାନ ଲକ୍ଷ୍ୟରେ ଅଘୋରୀ ଶ୍ମଶାନରେ ରୁହନ୍ତି । ସେମାନେ ବିଶ୍ୱାସ କରନ୍ତି ଯେ, ଶିବ ଶ୍ମଶାନରେ ରୁହନ୍ତି, ଶିବଙ୍କୁ ପୂଜା କରିବା ଦ୍ୱାରା ସେମାନଙ୍କୁ ମୋକ୍ଷ ମିଳିଥାଏ । ସେମାନେ ମୋକ୍ଷ ପାଇବା ପାଇଁ ଶ୍ମଶାନରେ ଭଗବାନ ଶିବଙ୍କୁ ପୂଜା କରନ୍ତି ।

ଅଧିକ ପଢ଼ନ୍ତୁ:-ଦିନିକିଆ ବିଶ୍ୱକପ ୨୦୨୩ ପାଇଁ ଚୟନକର୍ତ୍ତା ଓ ରାହୁଲ ଦ୍ରାବିଡଙ୍କୁ ଏହି ଖାସ୍ ଅନୁରୋଧ କଲେ ସୌରଭ ଗାଙ୍ଗୁଲି

ଅଧିକ ପଢ଼ନ୍ତୁ:-ମଙ୍ଗଳ ଗ୍ରହରେ ଦେଖିବାକୁ ମିଳିଲା ଭାଲୁ! NASAର ଏହି ଉପଗ୍ରହ ଉଠାଇଲା ଫଟୋ

ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆ ପାଇଁ ଆସିଲା ବହୁତ ବଡ଼ ଖୁସି ଖବର, ବିଶ୍ୱକପ ୨୦୨୩ରୁ ବାହାର ହେଲେ ବିରାଟ-ରୋହିତଙ୍କ ସବୁଠାରୁ ବଡ଼ ଶତ୍ରୁ

ଅଘୋରୀ ଶ୍ମଶାନରେ କରନ୍ତି ଭୟଙ୍କର ସାଧନା

ଅଘୋରୀ ଶ୍ମଶାନରେ ଶବ ସାଧନା କରନ୍ତି, ଯେଉଁଥିରେ ମୃତମାନେ ଜୀବନ୍ତ ହୋଇ କହିବା ଆରମ୍ଭ କରନ୍ତି । ଶିବ ସାଧନାରେ ଅଘୋରୀ ମାନେ ମୃତ ଶରୀର ଉପରେ ପାଦ ରଖି ଠିଆ ହୋଇ ସାଧନା କରନ୍ତି । ବାକି ସାଧନା ଶବ ସାଧନା ସହିତ ସମାନ । ଏହିପରି ସାଧନାରେ ମୃତମାନଙ୍କୁ ପ୍ରସାଦ ରୂପେ ମାଂସ ଓ ମଦ ଦିଆଯାଏ । ବର୍ତ୍ତମାନ ତୃତୀୟ ସାଧନା, ଯାହାକି ଶ୍ମଶାନ ସାଧନା, ଏଥିରେ ସାଧାରଣ ପରିବାର ସଦସ୍ୟଙ୍କୁ ମଧ୍ୟ ଅନ୍ତର୍ଭୁକ୍ତ କରାଯାଇପାରେ । ଏହି ସାଧନାରେ ମୃତ ଦେହ ସ୍ଥାନରେ ଏକ ସ୍ୱତନ୍ତ୍ର ପୂଜା କରାଯାଏ, ଯେଉଁଥିରେ ପ୍ରସାଦ ରୂପରେ ମଦ ବଦଳରେ ମାଂସ ଦିଆଯାଏ ।

(Disclaimer: ଏଠାରେ ଦିଆଯାଇଥିବା ସୂଚନା ସାଧାରଣ ମାନ୍ୟତା ଓ ସୂଚନା ଉପରେ ଆଧାରିତ । ZEE ODISHA NEWS ଏହାକୁ ନିଶ୍ଚିତ କରେ ନାହିଁ ।)