Shah Rukh Khan: ନୂଆ ସଂସଦ ଭବନ ଭିଡିଓରେ ବିଗ୍ ବି ନୁହେଁ ଶୁଭିଲା ଶାହାରୁଖଙ୍କ ସ୍ୱର, ଫ୍ୟାନ୍ସ କହିଲେ...

Shah Rukh Khan on New Parliament Building: ବଲିଉଡ ସୁପରଷ୍ଟାର ଶାହରୁଖ ଖାନ (Shah Rukh Khan )ତାଙ୍କର ଆଗାମୀ ଚଳଚ୍ଚିତ୍ର ସହିତ ବକ୍ସ ଅଫିସରେ ଧମାଲ ମଚାଇବା ପାଇଁ ପ୍ରସ୍ତୁତ ହେଉଛନ୍ତି। ଫିଲ୍ମ 'ପଠାନ' ପରେ ଶାହାରୁଖ ଖାନଙ୍କୁ 'ଜୱାନ' ଏବଂ 'ଡଙ୍କି'ରେ ଦେଖିବାକୁ ମିଳିବ। ଶାହରୁଖ ଖାନଙ୍କ ଏହି ଦୁଇଟି ଚଳଚ୍ଚିତ୍ର ଚଳିତ ବର୍ଷ ବଡ ପରଦାରେ ମୁକ୍ତିଲାଭ କରିବାକୁ ଯାଉଛି। କିନ୍ତୁ ବର୍ତ୍ତମାନ ଶାହାରୁକଙ୍କୁ ନେଇ ଚର୍ଚ୍ଚା ଜୋର ଧରିଛି । କାରଣ, ଶାହାରୁଖଙ୍କ ଏକ ଭିଡିଓ ସାମ୍ନାକୁ ଆସିବା ପରେ ତାଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।  ତେବେ, ଆସନ୍ତୁ ଜାଣିବା କାହିଁକି କିଙ୍ଗ ଖାନ ଆଜି ଚର୍ଚ୍ଚାରେ ଅଛନ୍ତି।

ଶାହାରୁଖ ଖାନ ନୂତନ ସଂସଦ ଗୃହ ବିଷୟରେ ଟ୍ୱିଟ କରିଛନ୍ତି : ନୂତନ ସଂସଦ ଗୃହର ଉଦଘାଟନ ପୂର୍ବରୁ ମଧ୍ୟ ଶାହାରୁଖ ଖାନ ସଂସଦ ଗୃହକୁ (new parliament house) ନେଇ ଏକ ଟୁଇଟ୍ କରିଛନ୍ତି। ଶାହରୁଖ ଖାନ ନୂତନ ସଂସଦ ଭବନର ଏକ ଭିଡିଓ ସେୟାର କରିଛନ୍ତି। ନୂତନ ସଂସଦ ଗୃହର ଏହି ଭିଡିଓରେ ଶାହାରୁଖ ଖାନଙ୍କ ସ୍ୱର ଶୁଣିବାକୁ ମିଳିଛି । ସେ ସେହି ଭିଡିଓରେ ନୂତନ କୋଠା ବିଷୟରେ କହୁଛନ୍ତି। ଶାହାରୁଖ ଖାନଙ୍କ ସ୍ୱର ପ୍ରଶଂସକଙ୍କ ହୃଦୟ ଜିତିଛି। ଏହି ଭିଡିଓ ସେୟାର କରିବାବେଳେ ଶାହାରୁଖ ଖାନ ମଧ୍ୟ ଏକ କ୍ୟାପସନ ଲେଖିଛନ୍ତି। ଯେଉଁଥିରେ କିଙ୍ଗ ଖାନ ନୂତନ ସଂସଦ ଭବନକୁ ପ୍ରଶଂସା କରିଛନ୍ତି। ଶାହାରୁଖ ଖାନଙ୍କ ଏହି ଭିଡିଓ ଉପରେ ମନ୍ତବ୍ୟ ଦେଇ ଅନେକ ଫ୍ୟାନ୍ସ କିଙ୍ଗ ଖାନଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଥିଲା। ତେବେ, ଆଜି ଆମେ ଆପଣଙ୍କୁ କହି ରଖୁଛୁ ଯେ, ଆଜି ଉଦଘାଟନ ହୋଇଛି ଦେଶର ନୂଆ ସଂସଦ ଗୃହ। 

What a magnificent new home for the people who uphold our Constitution, represent every citizen of this great Nation and protect the diversity of her one People @narendramodi ji.
A new Parliament building for a New India but with the age old dream of Glory for India. Jai Hind!… pic.twitter.com/FjXFZwYk2T

— Shah Rukh Khan (@iamsrk) May 27, 2023

ଅମିତାଭ ବଚ୍ଚନ ମଧ୍ୟ ଟ୍ୱିଟ କରିଛନ୍ତି:
ବଲିଉଡ ଅଭିନେତା ଶାହରୁଖ ଖାନଙ୍କ ବ୍ୟତୀତ ଅମିତାଭ ବଚ୍ଚନ ମଧ୍ୟ ନୂତନ ସଂସଦ ଗୃହ ବିଷୟରେ ଟ୍ୱିଟ କରିଛନ୍ତି। ଏହି ଟ୍ୱିଟରେ ଅମିତାଭ ବଚ୍ଚନ ନୂତନ ସଂସଦ ଗୃହର ପ୍ରଶଂସା କରିଛନ୍ତି। 

ସୂଚନା ଅନୁସାରେ, ଦେଶର ନୂଆ ସଂସଦ ଭବନ ଆଜି ଉଦଘାଟିତ ହୋଇଛି। ଏହି ଉଦଘାଟନୀ ଉତ୍ସବରେ ସାମିଲ ହୋଇଥିଲେ ପ୍ରଧାନମନ୍ତ୍ରୀଙ୍କ ସହ ବଡ ବଡ ନେତା । ବୈଦିକ ରୀତିନୀତି ନୂଆ ସଂସଦ ଭବନର ପୂଜାର୍ଚ୍ଚନା ମଧ୍ୟ କରାଯାଇଛି। ୭୦ ଜଣ ସୁରକ୍ଷା କର୍ମୀଙ୍କୁ ସଂସଦ ଭବନ ଚାରିପଟେ ମୁତୟନ କରାଯାଇଛି । ନୂଆ ସଂସଦ ଭବନ ନିର୍ମାଣ ପାଇଁ ୯୭୧ କୋଟି ଟଙ୍କା ଖର୍ଚ୍ଚ ହୋଇଛି । ନୂଆ ସଂସଦ ଭବନରେ ଲୋକସଭା ହଲର କ୍ଷମତା ୮୮୮ ରହିଥିବାବେଳେ ରାଜ୍ୟସଭା ହଲର କ୍ଷମତା ରହିଛି ୩୦୦ । ୬୫ ହଜାର ବର୍ଗମିଟରରେ ତିଆରି ହୋଇଛି ନୂଆ ସଂସଦ ଭବନ । ଏଠାରେ ଲୋକସଭା ହଲରେ ବସିପାରିବ ଯୁଗ୍ମ ଅଧିବେଶନ । ସଂସଦୀୟ ଗୃହରେ ଭାରତୀୟ କଳା ଓ ସଂସ୍କୃତିର ଝଲକ ଅତ୍ୟାଧୁନିକ ଯୋଗାଯୋଗ ସୁବିଧା ଓ ସେବା ରହିଛି । ଅଡିଓ-ଭିଜୁଆଲ ଟେକ୍ନୋଲୋଜିର ସୁବିଧା ରହିଛି ଅତ୍ୟାଧୁନିକ ପାଠାଗାର ବ୍ୟବସ୍ଥା ରହିଛି ।