Mahima Chaudhry Birthday:ଜାଣନ୍ତୁ କିପରି କ୍ୟାନସର ସହ ଲଢିଥିଲେ ଏ ଅଭିନେତ୍ରୀ

Bollywood Actress Mahima Chaudhary: ବଲିଉଡର ମୋଷ୍ଟ ବ୍ୟୁଟିଫୁଲ ଓ ଟାଲେଣ୍ଟେଡ ଅଭିନେତ୍ରୀ ହେଉଛନ୍ତି ମହିମା ଚୌଧୁରୀ (Mahima Choudhary)  । ଆଜି ତାଙ୍କର ଜନ୍ମଦିନ। ୫୦ ବର୍ଷରେ ପାଦ ଥାପିଛନ୍ତି ସେ। ଏ ଅବସରରେ ତାଙ୍କୁ ସେଲିବ୍ରେଟି ଓ ଫ୍ୟାନ୍ସଙ୍କ ଶୁଭେଚ୍ଛାର ସୁଅ ଛୁଟୁଛି। ୧୯୭୩ ମସିହା ସେପ୍ଟେମ୍ବର ୧୩ରେ ପଶ୍ଚିମବଙ୍ଗର ଦାର୍ଜିଲିଂରେ ଜନ୍ମଗ୍ରହଣ କରିଥିଲେ ସେ । ୯୦ ଦଶକର ଜଣାଶୁଣା ହିରୋଇନ ଥିଲେ ସେ। ପ୍ରଥମେ ମଡଲିଂ ଓ ପରେ ବଲିଉଡରେ ଏଣ୍ଟ୍ରି ମାରିଥିଲେ ସେ। ୧୯୯୭ ରେ ସେ ଫିଲ୍ମ (Pardes) ପରଦେଶରେ ଡେବ୍ୟୁ କରିଥିଲେ । ଏହା ପର୍ବରୁ ସେ ଅନେକ କମର୍ସିଆର ଆଡ ମଧ୍ୟ କରିଥିଲେ।  

ସେ ନିଜର ଦମଦାର ଅଭିନୟ ପାଇଁ ଫିଲ୍ମ ବେଷ୍ଟ ଫିମେଲ ଡେବ୍ୟୁ( Best Female Debut) ରେ ଫେୟାର ଆଓ୍ବାର୍ଡ (Filmfare Award for Best Female Debut) ରେ ସମ୍ମାନୀତ ହୋଇଥିଲେ। ପରେ ଆରମ୍ଭ ହୋଇଥିଲା ତାଙ୍କର ବଲିଉଡରେ ଲମ୍ବା ଯାତ୍ରା।  ୧୯୯୯ରେ ଦାଗ୍(Daag) ,୨୦୦୦ ଧଡକନ୍(Dhadkan) ,୨୦୦୦ ରେ କରୁକ୍ଷେତ୍ର (Kurukshetra ) ,୨୦୦୨ରେ ଦିଲ୍ ହେ ତୁମହାରା (Dil Hai Tumhaara), ୧୯୯୯ ଦିଲ୍ କ୍ୟା କରେ(Dil Kya Kare)  ଓ ୨୦୦୧ ଲାଜା(Lajja) ଭଳି ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ହୃହୟ ଜିତିଥିଲେ। 

ଏକଦା ଟେନିସ୍ ଖେଳାଳି ଲିଆଣ୍ଡର୍ ପେସ୍‌ଙ୍କ ସହ ମହିମାଙ୍କ ଆଫେୟାର ନେଇ ଚର୍ଚ୍ଚା ହେଉଥିଲା । ରିୟା ପିଲ୍ଲାଇଙ୍କ କାରଣରୁ ଉଭୟଙ୍କ ସମ୍ପର୍କ ଭାଙ୍ଗି ଯାଇଥିଲା। ରିୟାଙ୍କ ସହ ଲିଆଣ୍ଡରଙ୍କ ଘନିଷ୍ଠତା ବଢି ଯାଇଥିଲା । ଯେଉଁଥିପାଇଁ ମହିମା ତାଙ୍କ ସହ ସମ୍ପର୍କଙ୍କୁ ବେଶି ଦିନ ତିଷ୍ଠି ପାରି ନ ଥିଲା। ପରେ ୨୦୦୬ରେ ଖ୍ୟାତନାମା ବ୍ୟବସାୟୀ ବବି ମୁଖାର୍ଜୀଙ୍କୁ ବିବାହ କରିଥିଲେ । ତାଙ୍କର ଗୋଟିଏ ୧୧ ବର୍ଷରେ ଝିଅ ଏରିଆନା ରହିଛି । ହେଲେ ଏ ବିବାହ ସଫଳ ହୋଇ ନ ଥିଲା । ୨୦୧୩ରେ ଉଭୟ ଅଲଗା ହୋଇଯାଇଥିଲେ । 

୨୦୨୨ ରେ ମହିମା ବ୍ରେଷ୍ଟ କ୍ୟାନସର(breast cancer)ରେ ପୀଡିତ ହୋଇଥିଲେ।  ଚିକିତ୍ସା ପାଇଁ ସେ ଆମେରିକା ମଧ୍ୟ ଯାଇଥିଲେ। ଗତ କିଛି ଦିନ ପୂର୍ବରୁ ମହିମାଙ୍କୁ ଭେଟି ଥିଲେ ଅଭିନେତା ଅନୁପମ ଖେର୍(actor Anupam Kher) । ଅନୁପମ ନିଜ ଇନଷ୍ଚାରେ ମହିମାଙ୍କ ଚିକିତ୍ସା ସମୟର ଏକ ଭିଡିଓ ନିଜ ଇନଷ୍ଚାରେ ସେୟାର କରିଥିଲେ।  ତେବେ, ମହିମା ଚୌଧୁରୀ ଏବେ କ୍ୟାନସର ରୋଗକୁ ହାରାଇ ଏକ ସୁସ୍ଥ ଜୀବନ ବିତାଉଛନ୍ତି।  ସୁନ୍ଦର ହସ ତଥା ଭିନ୍ନ ଏକ ସ୍ୱରର ଅଧିକାରିଣୀ ହେଉଛନ୍ତି ମହିମା ଚୌଧୁରୀ।  ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିକୁ ଅନେକ ହିଟ୍ ଫିଲ୍ମ ଦେଇଛନ୍ତି। ସେ 'ପରଦେସ୍', 'ଧଡକନ୍', 'ଓମ୍ ଜୟ ଜଗଦୀଶ' ଭଳି ସଫଳ ଚଳଚ୍ଚିତ୍ରରେ ବହୁତ ଭଲ କାମ କରିଛନ୍ତି । ଉଲ୍ଲେଖନୀୟ କଥା ହେଉଛି, ମହିମା ଚୌଧୁରୀ ବଲିଉଡଠାରୁ ଦୂରେଇ ଯାଇଛନ୍ତି। ତେବେ ସେ ସୋସିଆଲ ମିଡିଆରେ ସକ୍ରିୟ ଅଛନ୍ତି । ତାଙ୍କୁ ଶେଷ ଥର ପାଇଁ 2016ରେ'ଡାର୍କ ଚକୋଲେଟ୍'ରେ ଦେଖିବାକୁ ମିଳିଥିଲା ​​।