Rashid Khan: ପ୍ରସିଦ୍ଧ ଶାସ୍ତ୍ରୀୟ ଗାୟକ ରସିଦ ଖାନଙ୍କର ଦେହାନ୍ତ, ପ୍ରୋଷ୍ଟେଟ କ୍ୟାନସରରେ ଥିଲେ ପୀଡିତ

Singer Rashid Khan Passed Away: ପ୍ରସିଦ୍ଧ ଶାସ୍ତ୍ରୀୟ ଗାୟକ ଉସ୍ତାଦ୍ ରସିଦ ଖାନଙ୍କର ଦୀର୍ଘ ଦିନର ଅସୁସ୍ଥତା ପରେ ଦେହାନ୍ତ ହୋଇଛି। ସେ ପ୍ରୋଷ୍ଟେଟ କ୍ୟାନସର ରୋଗରେ ପୀଡିତ ଥିଲେ। ସେ ଦୀର୍ଘ ସମୟ ଧରି ଚିକିତ୍ସିତ ହେଉଥିଲେ। ନଭେମ୍ବରରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେ ୫୫ ବର୍ଷ ବୟସରେ କୋଲକାତାର ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଖବର ଅନୁଯାୟୀ, ତାଙ୍କୁ ଅନେକ ଦିନ ଧରି ଅକ୍ସିଜେନ ସପୋର୍ଟରେ ରଖାଯାଇଥିଲା। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଉସ୍ତାଦ୍ ରସିଦ ଖାନଙ୍କ ଦେହାନ୍ତକୁ ସମବେଦନା ଜଣାଇବା ସହ ଏହା ସମଗ୍ର ଦେଶ ପାଇଁ କ୍ଷତି ବୋଲି କହିଛନ୍ତି।

ଶାସ୍ତ୍ରୀୟ ସଙ୍ଗୀତ ବ୍ୟତୀତ ଉସ୍ତାଦ୍ ରସିଦ୍ ଖାନ୍ ମଧ୍ୟ ଭାରତୀୟ ଚଳଚ୍ଚିତ୍ର ଶିଳ୍ପକୁ ଅନେକ ହିଟ୍ ଗୀତ ଦେଇଥିଲେ। ଏଥିମଧ୍ୟରେ ଜବ୍ ୱିଇ ମିଟ୍ ଚଳଚ୍ଚିତ୍ରର 'ଆଓଗେ ଜବ୍ ତୁମ୍ ସଜନା' ଗୀତ ମଧ୍ୟ ଅନ୍ତର୍ଭୁକ୍ତ। ଏହା ବ୍ୟତୀତ, ତୁଜେ ୟାଦ୍ କରତେ କରତେ, ତୁ ବନଜା ଗଲି ବନାରସକି ଆଦି ତାଙ୍କର ପ୍ରସିଦ୍ଧ ଗୀତ ଥିଲା।

ପଦ୍ମ ଭୂଷଣ ସମେତ ପାଇଥିଲା ଏହି ପୁରସ୍କାର
ଉସ୍ତାଦ୍ ରସିଦ ଖାନଙ୍କୁ ପଦ୍ମ ଭୂଷଣ, ପଦ୍ମଶ୍ରୀ, ବଙ୍ଗା ଭୂଷଣ, ସଂଗୀତ ନାଟକ ଏକାଡେମୀ ପୁରସ୍କାର, ଗ୍ଲୋବାଲ ଇଣ୍ଡିଆନ ମ୍ୟୁଜିକ୍ ଏକାଡେମୀ ପୁରସ୍କାର ଏବଂ ମିର୍ଚି ସଂଗୀତ ପୁରସ୍କାର ପ୍ରଦାନ କରାଯାଇଥିଲା।

ଉସ୍ତାଦ୍ ରସିଦ୍ ଖାନ୍ ୧୯୮୦ ମସିହାରେ ୧୪ ବର୍ଷ ବୟସରେ ଶାସ୍ତ୍ରୀୟ ଏକାଡେମୀରେ ଯୋଗ ଦେଇଥିଲେ। ସେ ୧୯୯୪ ପର୍ଯ୍ୟନ୍ତ ଏକାଡେମୀ ସହିତ ଜଡିତ ରହିଲେ। କହିରଖୁଛୁ ଯେ ସେ ଯେଉଁ ଶାସ୍ତ୍ରୀୟ ଗୀତ ଗାଉଥିଲେ, ତାହା ଗ୍ୱାଲିଅର ଶାସ୍ତ୍ରୀୟ ଗୀତ ଶୌଳୀ ସହିତ ଜଡିତ ବୋଲି ବିବେଚନା କରାଯାଏ। ସୁଗମ ସଂଗୀତ ସହିତ ଶୁଦ୍ଧ ହିନ୍ଦୁସ୍ତାନୀ ସଂଗୀତର ଶୈଳୀକୁ ମିଶ୍ରଣ କରିବାରେ ସେ ଉସ୍ତାଦ୍ ଥିଲେ।