Entertainment News: ଇଚ୍ଛାରାମ ଫାଉଣ୍ଡେସନ ପ୍ରଯୋଜିତ ଦିବ୍ୟାଙ୍ଗମାନଙ୍କ ଉପରେ ଆଧାରିତ ଓଡ଼ିଆ ଚଳଚିତ୍ର “ସପନଟିଏ-ଏ ଡ୍ରିମ୍” ଆସନ୍ତା ନଭେମ୍ବର ୨୯ ତାରିଖରେ ଓଡିଶାର ସମସ୍ତ ମଲ୍ଟିପ୍ଳେକ୍ସ ସିନେମା ହଲ୍ରେ ମୁକ୍ତିଲାଭ କରିବ । ଆଇନଜୀବି ମିଲନ ଦାଶଙ୍କ ପ୍ରଯୋଜନା ଓ ନର୍ଦ୍ଦେଶନାରେ ନିର୍ମିତ ଏହି ଚଳଚିତ୍ର ଦିବ୍ୟାଙ୍ଗମାନଙ୍କ ସାମାଜିକ ସ୍ଥିତିରେ ସୁଧାର ଆଣିବା ଦିଗରେ ଏହି ଆବେଗପୂର୍ଣ୍ଣ ଚଳଚିତ୍ର ପ୍ରସ୍ତୁତ କରାଯାଇଛି । ସମାଜରେ ଦିବ୍ୟାଙ୍ଗମାନଙ୍କ ସଂଘର୍ଷକୁ ଏଥିରେ ଚିତ୍ରଣ କରାଯାଇଛି । ୨୯ତମ ରାଜ୍ୟ ଚଳଚ୍ଚିତ୍ର ପୁରସ୍କାରରେ ଶ୍ରେଷ୍ଠ ଶିଶୁ କଳାକାର ମାଗୁଣି ପାତ୍ର (ବବଲୁ) ପୁରସ୍କୃତ ହୋଇଥିଲେ । ରାଜଭବନରେ ପ୍ରଦର୍ଶିତ ଏହି ଚଳଚ୍ଚିତ୍ରର କାହାଣୀକୁ ଦେଖି ପୂର୍ବତନ ରାଜ୍ୟପାଳ ଏସ୍ସି ଜମିର୍ ଓ ଗଣେଶୀ ଲାଲ ପ୍ରଶଂସା କରିଥିଲେ । ବିଶେଷ କରି କୁନି ଦିବ୍ୟାଙ୍ଗ କଳାକାରଙ୍କ ଅଭିନୟ ବେଶ ଉଚ୍ଚ କୋଟିର ହୋଇଥିବା କହିଥିଲେ ।
ଚଳଚ୍ଚିତ୍ରର ସଂଗୀତ ସଂଯୋଜନା କରିଛନ୍ତି ଭବତୋଷ ମହାନ୍ତି ଓ ପ୍ରେମ ଆନନ୍ଦ। ଗୀତ ଓ ସଂଳାପ ଲେଖିଛନ୍ତି ମଣିମାଳା ଦାଶ । କୋରିୟଗ୍ରାଫି ବବି ଇସଲାମ୍ କରିଥିବା ବେଳେ କ୍ୟାମେରା ପରିଚାଳନା କରିଛନ୍ତି ସୁଶାନ୍ତ ବାହିନୀପତି । ସଂପାଦନା କରିଛନ୍ତି ଜେପି ମିଶ୍ର । ଏ-ହି ଚଳଚ୍ଚିତ୍ରରେ ଅଭିନେତା ହର ରଥ, ମନୋଜ ମିଶ୍ର, ଗୁଡୁ, ବିଶିଷ୍ଟ ଅଭିନେତ୍ରୀ ଇଷା ବେବର୍ତ୍ତା, ନମ୍ରତା ଦାଶ, ବିଜୟନୀ ମିଶ୍ର, ଧରିତ୍ରୀ ଖଣ୍ଡୁଆଳଙ୍କ ସହ ଅନେକ କଳାକାରଙ୍କ ନିଖୁଣ ଅଭିନୟ ଦେଖିବାକୁ ମିଳିବ । ଏହି ଚଳଚିତ୍ରଟି ଜୟପୁର ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ମନୋନୀତ ହୋଇଥିଲା ।
ଫିଲ୍ମଟି ବିଭିନ୍ନ ଓଡିଶା ନାୟିକ ପ୍ରଶିକ୍ଷଣ ସଂସ୍ଥା ସହ ଅନେକ ସ୍ଥାନରେ ପ୍ରଦର୍ଶିତ ହୋଇ ପ୍ରଶଂସା ସାଉଁଟିଛି । ସବୁଠୁ ବଡ଼ କଥା ହେଉଛି ଯେ ଓଡିଶାର ପୂର୍ବତନ ବିଚାରପତି ଓ ବଲିଉଡ୍ ଅଭିନେତା ଅମିତା ବଚ୍ଚନ ମଧ୍ୟ ଏହି ଚଳଚିତ୍ରକୁ ଦେଖିଥିଲେ । କାହାଣୀ ଓ କଳାକାରଙ୍କ ନିଖୁଣ ଅଭିନୟ ଉଚ୍ଚକୋଟିର ହୋଇଥିବା କହିଥିଲେ । ଏହି ଚଳଚିତ୍ରଟି ସବୁ ବର୍ଗର ଦର୍ଶକଙ୍କୁ ପସନ୍ଦ ଆସିବ ବୋଲି ପ୍ରଯୋଜକ ଶ୍ରୀମତୀ ଦାଶ ଆଶା ପ୍ରକଟ କରିଛନ୍ତି ।
7
 "Entertainment News: ୨୯ରେ ମୁକ୍ତି ଲାଭ କରିବ ଚଳଚ୍ଚିତ୍ର “ସପନଟିଏ-ଏ ଡ୍ରିମ୍”")
