ବାବା ମହାକାଳଙ୍କୁ ଦର୍ଶନ କଲେ ଅଭିନେତା ରାଜକୁମାରଙ୍କ ସହ ପତ୍ନୀ ଚିତ୍ରଲେଖା

Rajkumar rao visited baba mahakal Temple:- ଲୋକପ୍ରିୟ ଅଭିନେତା ରାଜକୁମାର ରାଓ ଆଜି ତାଙ୍କ ପତ୍ନୀ ଚିତ୍ରଲେଖାଙ୍କ ସହିତ ବାବା ମହାକାଳଙ୍କ ଦରବାରରେ ପହଞ୍ଚି ପୂଜାର୍ଚ୍ଚନା କରିଛନ୍ତି । ମନ୍ଦିର ପରିସରରେ ଅତ୍ୟନ୍ତ ଭକ୍ତିଭାବନାର ସହିତ ନଜର ଆସିଥିଲେ ଉଭୟେ ପତି ପତ୍ନୀ । ପ୍ରାୟ ୨ ଘଣ୍ଟା ଧରି ରାଜକୁମାର ଓ ଚିତ୍ରଲେଖା ଉଭୟେ ମନ୍ଦିର ପ୍ରାଙ୍ଗଣରେ ବାବାଙ୍କ ପୂଜାରେ ନିଜକୁ ସମର୍ପଣ କରିଥିଲେ ।

ବାବା ମହାକାଳ ମନ୍ଦିରର ପୁରୋହିତ ପଣ୍ଡିତ ଯଶ ଗୁରୁଙ୍କ କହିବାନୁଯାୟୀ, ରାଜକୁମାର ଓ ପତ୍ନୀ ଚିତ୍ରଲେଖାଙ୍କର ପୂର୍ବରୁ ଇଚ୍ଛା ରହିଥିଲା ଏଠାରେ ପହଞ୍ଚି ବାବାଙ୍କ ଦର୍ଶନ ସହିତ ବିଶେଷ ପୂଜାର୍ଚ୍ଚନା କରିବା ପାଇଁ । ବାବାଙ୍କୁ ଦର୍ଶନ କରି ଉଭୟେ ଖୁବ ଖୁସି ପ୍ରକଟ କରିଛନ୍ତି । 

ରାଜକୁମାରଙ୍କର ସ୍ତ୍ରୀ -୨ ଫିଲ୍ମର ସୁଟିଂ ଖୁବଶୀଘ୍ର ଆରମ୍ଭ ହେବାକୁ ଯାଉଛି । ସିନେମାର ସୁଟିଂ ଆରମ୍ଭ ହେବା ପୂର୍ବରୁ ରାଜକୁମାର ବାବାଙ୍କ ଦର୍ଶନ କରି ଆଶୀର୍ବାଦ ନେଇଛନ୍ତି । ଏଥିସହିତ ରାଜକୁମାର କହିଛନ୍ତି ଯେ, ସେ ନିୟମିତ ଭାବରେ ବାବା ମହାକାଳଙ୍କ ମନ୍ଦିରକୁ ଆସିବେ । ଅନ୍ୟପଟେ ମନ୍ଦିର କମିଟି ପକ୍ଷରୁ ରାଜକୁମାରଙ୍କୁ ବାବାଙ୍କ ଫଟୋ ଓ ପ୍ରସାଦ ପ୍ରଦାନ କରାଯାଇ ସମ୍ମାନିତ କରାଯାଇଛି ।

Also Read- ଜନ୍ମଦିନରେ ଅସୁସ୍ଥ ହେଲେ ପୂର୍ବତନ ମନ୍ତ୍ରୀ ଦାମୋଦର ରାଉତ, ଘରୋଇ ହସପିଟାଲରେ ଭର୍ତ୍ତି

Also Read- ଯାଜପୁର ପିହୁ ନିଖୋଜ ମାମଲା, ଆମରଣ ଅନଶନରେ ମା'