Bigg Boss OTT 3: ବିଶାଲ ପାଣ୍ଡେ ଚାପୁଡ଼ା ପରେ ତାଙ୍କ ସପକ୍ଷରେ ବାହାରିଲେ ଏହି ସବୁ କଳାକାର..

Bigg Boss OTT 3: ଖୁବ୍ ରୋଚକ ହେବାରେ ଲାଗିଛି ବିଗ୍ ବସ୍ ଓଟିଟି-୩। ବିଶାଲ ପାଣ୍ଡେ ଆଜି ସୋସିଆଲ ମିଡିଆରେ ଖୁବ୍ ଟ୍ରେଣ୍ଡ କରୁଛନ୍ତି। ବିଗ୍ ବସ୍ ର ଗତ କାଲିର ଏପିସୋଡରେ ଅରମାନ ମଲ୍ଲିକ୍ ବିଶାଲ ପାଣ୍ଡେଙ୍କୁ ଖୋଲାଖୋଲି ଭାବେ ଚାପୁଡ଼ା ମାରିଥିଲେ। ଏହି ଚାପୁଡ଼ା ମାରିବା ଘଟଣା ପରେ ମଧ୍ୟ ଅରମାନ ମଲ୍ଲିକ୍ ଙ୍କ ସହ ପୁରା ଘର ଠିଆ ହୋଇଥିବା ଦେଖିବାକୁ ମିଳିଥିଲା ​​ଏବଂ ବିଶାଲ ଏକୁଟିଆ ରହିଥିଲେ। ଯେତେବେଳେ ଅନିଲ କପୁର ପରିବାର ସଦସ୍ୟଙ୍କୁ ପଚାରିଥିଲେ ଯେ ଅରମାନଙ୍କ ଏହି ରିଆକସ୍କନକୁ ଏକ ବିଶେଷ ମାମଲା ପରି ବ୍ୟବହାର କରାଯିବା ଉଚିତ କି? ସମସ୍ତ ପ୍ରତିଯୋଗୀ ଅରମାନଙ୍କୁ ସମର୍ଥନ କରିଥିଲେ ଏବଂ କେବଳ ରାପର ନେଜି ବିଶାଲଙ୍କ ପାଇଁ ଛିଡା ହୋଇଥିଲେ। ନେଜି ଏକମାତ୍ର ପ୍ରତିଯୋଗୀ ଯିଏ ନିୟମ ଅନୁସରଣ କରିବା ବିଷୟରେ କହିଥିଲେ।

ଘରଲୋକମାନେ ବିଶାଲଙ୍କ ବିରୁଦ୍ଧରେ ଯାଇଥିଲେ:

ଏହା ସ୍ପଷ୍ଟ ହୋଇଗଲା ଯେ ସମସ୍ତଙ୍କ ଦୃଷ୍ଟିରେ ବିଶାଲ ପାଣ୍ଡେ ଭୁଲ ଥିଲେ ଏବଂ ସମସ୍ତ ପ୍ରତିଯୋଗୀ ଅରମାନଙ୍କୁ ସମର୍ଥନ କରିଥିଲେ। ତଥାପି, ଘର ବାହାରେ ଖେଳ ସମ୍ପୂର୍ଣ୍ଣ ବିପରୀତ ଚାଲିଛି। ଲୋକମାନେ ପାୟଲ ମଲିକ ଏବଂ ଅରମାନ ମଲିକଙ୍କୁ ଟ୍ରୋଲ କରୁଛନ୍ତି। ଜନସାଧାରଣ ମତ ଅନୁସାରେ କ୍ରିତିକାଙ୍କ ବିଷୟରେ ବିଶାଲଙ୍କ ମନ୍ତବ୍ୟ ଖରାପ ଉଦ୍ଦେଶ୍ୟରେ କରାଯାଇ ନଥିଲା। ଏଭଳି ପରିସ୍ଥିତିରେ ସାଧାରଣ ଜନତା ବିଶାଲଙ୍କ ପାଇଁ ଛିଡା ହୋଇଛନ୍ତି। ବିଶାଲ ପାଣ୍ଡେଙ୍କ ପାଇଁ ନ୍ୟାୟ ଦାବି କରାଯାଉଛି। କେବଳ ତାଙ୍କ ପିତାମାତା ନୁହଁନ୍ତି ସେଲିବ୍ରେଟମାନେ ମଧ୍ୟ ବିଶାଲଙ୍କୁ ସମର୍ଥନ କରୁଛନ୍ତି।

ବିଶାଲଙ୍କ ସର୍ବୋତ୍ତମ ବନ୍ଧୁମାନଙ୍କ ବିବୃତ୍ତି:

ଘରେ ବିଶାଲ ପାଣ୍ଡେ ଦୋଷୀ ସାବ୍ୟସ୍ତ ହୋଇଥିଲେ ମଧ୍ୟ ବାହାରେ ଅନେକ ସେଲିବ୍ରିଟି ବିଶାଲଙ୍କ ସପକ୍ଷରେ ଖୋଲାଖୋଲି ଭାବେ କହୁଛନ୍ତି। ବିଶାଲଙ୍କ ସର୍ବୋତ୍ତମ ବନ୍ଧୁ ସମିକ୍ଷା ସୁଦ୍ ବର୍ତ୍ତମାନ ବିଶାଲଙ୍କୁ ସୋସିଆଲ ମିଡିଆରେ ସମର୍ଥନ କରିଛନ୍ତି। ଅଭିନେତ୍ରୀ ଏକ ପୁରୁଣା ଭିଡିଓ ସେୟାର କରିଛନ୍ତି ଏବଂ କହିଛନ୍ତି ଯେ 'ଅଫ୍ ସ୍କ୍ରିନ୍ ଏବଂ ସ୍କ୍ରିନରେ ସେ ସବୁବେଳେ ସେଭ୍ କରନ୍ତି। ଆମର ସମର୍ଥନ ବିଶାଲଙ୍କ ସହ ଅଛି ବୋଲି କହିଛନ୍ତି ଯେ ବିଶାଲ ଝିଅମାନଙ୍କୁ ସମ୍ମାନ କରନ୍ତି ଏବଂ ଜାତୀୟ ଟିଭିରେ ତାଙ୍କର ଭାବମୂର୍ତ୍ତି କ୍ଷୁର୍ଣ୍ଣ ହେଉଛି।

ଭାବିନ ଏବଂ ଅଞ୍ଜଳି ବିଶାଲଙ୍କୁ ସମର୍ଥନ କରିଥିଲେ:

ଭାବିନ ଭାନୁଶାଲୀ ମଧ୍ୟ ତାଙ୍କ ବନ୍ଧୁଙ୍କୁ ସମର୍ଥନ କରିଛନ୍ତି। ସେ ଏକ ଇଣ୍ଟରଭ୍ୟୁରେ କହିଛନ୍ତି ଯେ ବିଶାଲ ଏ କଥା କାନରେ ଏଥିପାଇଁ କହିଥିଲେ କାରଣ ବାହାରକୁ ଏ ଜିନିଷ ଖରାପ ଢଙ୍ଗରେ ଯେପରି ଦେଖାନଯାଉ। ବିଗ୍ ବସକୁ ଦାୟୀ କରି ଅଭିନେତା କହିଛନ୍ତି, 'ପ୍ରଥମେ ଆପଣ ତିନି ଜଣଙ୍କୁ ଏକା ସାଥିରେ ପଠାଇଥିଲ, ଏଥିରେ ବି କଣ କମି ରହିଯାଇଥିଲା ଯେ, ବିଗ୍ ବସ୍ ହାଉସରୁ ବାହାରିବା ପରେ ମଧ୍ୟ ପାୟଲଙ୍କୁ ସମର୍ଥନ କରିବାକୁ କିଏ ନେଇ ଆସିଲେ? ଏଠାରେ ବହୁତ୍ ଡାର୍ଟି ପଲିଟିକ୍ସ ଚାଲିଛି। କାହାକୁ ସୁନ୍ଦର ବୋଲି କହିବା ଅପରାଧ କି? ଏହା ବ୍ୟତୀତ ଅଞ୍ଜଳି ଆରୋରା ମଧ୍ୟ ଅରମାନ ମଲିକଙ୍କ ବିରୋଧରେ ଠିଆ ହୋଇଛନ୍ତି। ସେ ଏହି ପୋଷ୍ଟକୁ ସେୟାର କରି କହିଛନ୍ତି, 'ଏହା ହିପୋକ୍ରାସୀର ସୀମା। ଯିଏ ନିଜ ପତ୍ନୀଙ୍କୁ ଧୋକା ଦେଇଛନ୍ତି, ଯିଏ ଦୁଇଟି ବିବାହ କରି ସମାଜକୁ ଭୁଲ ବାର୍ତ୍ତା ଦେଉଛି, ଯଦି ତୁମେ ଏତେ ଚାହୁଁଛ ତେବେ ବିଦେଶରେ ଯାଇ ରୁହନ୍ତୁ।

ଏଲଭିଶ ବିଗ୍ ବସ୍ ବିରୋଧରେ ସ୍ୱର ଉଠାଇଛନ୍ତି:

ଅଞ୍ଜଳି ଆହୁରି କହିଛନ୍ତି, ବିଶାଲ କ’ଣ ଭୁଲ କହିଛନ୍ତି? ଖରାପ ମନ୍ତବ୍ୟ ଦେଇ ନାହାଁନ୍ତି କିମ୍ବା ଅଭଦ୍ର ବ୍ୟବହାର ମଧ୍ୟ କରିନାହାଁନ୍ତି। ୭ଦିନରେ କାହାକୁ ପ୍ରପୋଜ୍ କରି ବାହା ତ ହେଇଯାଇନାହାଁନ୍ତି।' ଅଭିନେତ୍ରୀ ପଚାରିଛନ୍ତି, 'ବିବାହିତ ଲୋକଙ୍କୁ ସୁନ୍ଦର ବୋଲି କହିବା ଅପରାଧ କି?' ବିଶାଲ ତାଙ୍କୁ ସୁନ୍ଦର ବୋଲି କହି କେଉଁ ଭୁଲ କରିଛନ୍ତି ବୋଲି ସେ ତାଙ୍କ ଭିଡିଓରେ କହିଛନ୍ତି। ସେ କେବଳ କାହାକୁ ପ୍ରଶଂସା କରୁଛନ୍ତି। ଏଥିସହ ଅରମାନଙ୍କୁ ଚାପୁଡ଼ା ମାରିବା ପରେ ଏଲଭିଶ ଯାଦବ ବିଗ୍ ବସ୍ ନିର୍ମାତାଙ୍କୁ ତାଙ୍କୁ ବାହାରକୁ ବାହାର କରିବାକୁ ଦାବି କରିଛନ୍ତି।