BPSC Teacher Recruitment 2023: ୧.୭୦ ଲକ୍ଷରୁ ଅଧିକ ଶିକ୍ଷକ ପଦବୀ ପାଇଁ ବାହାରିଲା ନିଯୁକ୍ତି; ଜାଣନ୍ତୁ ଯୋଗ୍ୟତା, ଆବେଦନ ପ୍ରକ୍ରିୟା

Teacher Recruitment 2023: ଶିକ୍ଷକ ହେବାକୁ ପ୍ରସ୍ତୁତି କରୁଥିବା ପ୍ରାର୍ଥୀଙ୍କ ପାଇଁ ବିହାରରେ ବମ୍ପର ନିଯୁକ୍ତି ବାହାରିଛି । ବିହାର ଜନସେବା ଆୟୋଗ (BPSC) ୧ ଲକ୍ଷ ୭୦ ହଜାରରୁ ଅଧିକ ଶିକ୍ଷକ ପଦବୀ ନିଯୁକ୍ତି ପାଇଁ ବିଜ୍ଞପ୍ତି ଜାରି କରିଛି । ପ୍ରାର୍ଥୀମାନେ bpsc.bih.nic.in ଭିଜିଟ୍ କରି ଶିକ୍ଷକ ନିଯୁକ୍ତିର ବିଜ୍ଞପ୍ତି ଯାଞ୍ଚ କରିପାରିବେ । ଜାଣନ୍ତୁ କେଉଁ ପଦବୀରେ ନିଯୁକ୍ତି ପାଇଁ କେତେ ପଦବୀ ଖାଲି ଅଛି, ଯୋଗ୍ୟତା କ’ଣ ଓ କିପରି କରିବେ ଆବେଦନ ।

କେଉଁ ପଦ ପାଇଁ କେତେ ଖାଲି ଅଛି?
ବିହାର ଶିକ୍ଷକ ନିଯୁକ୍ତି ପରୀକ୍ଷା ପାଇଁ ମୋଟ ୧ ଲକ୍ଷ ୭୦ ହଜାର ୪୬୧ଟି ପଦବି ଖାଲି ପଡିଛି । ଏଥିମଧ୍ୟରୁ ପ୍ରାଥମିକ ଶିକ୍ଷକମାନଙ୍କ (ପ୍ରଥମରୁ ପଞ୍ଚମ ଶ୍ରେଣୀ) ପାଇଁ ମୋଟ ୭୯ ହଜାର ୯୪୩ଟି ପଦବୀ ବାହାରିଛି । ଏଥି ସହିତ, ମାଧ୍ୟମିକ ଶିକ୍ଷକଙ୍କ ୩୨ ହଜାର ୯୧୬ ପଦବୀ (ନବମରୁ ଦଶମ ଶ୍ରେଣୀ) ଓ ଉଚ୍ଚ ମାଧ୍ୟମିକ ଶିକ୍ଷକଙ୍କ ୫୭ ହଜାର ୬୦୨ ପଦବୀରେ ନିଯୁକ୍ତି ଦେବାପାଇଁ ବିଜ୍ଞପ୍ତି ଜାରି କରାଯାଇଛି । ତେବେ ବିଜ୍ଞପ୍ତି ଅନୁଯାୟୀ, ପୋଷ୍ଟ ସଂଖ୍ୟା ସାମୟିକ ଅଟେ । ଅର୍ଥାତ, ଏହାକୁ ହ୍ରାସ କରାଯାଇପାରେ କିମ୍ବା ବୃଦ୍ଧି କରାଯାଇପାରେ ।

କ’ଣ ରହିଛି ଯୋଗ୍ୟତା?
ଶିକ୍ଷକ ନିଯୁକ୍ତି ପାଇଁ ପ୍ରତ୍ୟେକ ପଦର ଯୋଗ୍ୟତା ଭିନ୍ନ ଅଟେ । ପ୍ରାଥମିକ ଶିକ୍ଷକ ହେବା ପାଇଁ ନିମ୍ନଲିଖିତ ଯୋଗ୍ୟତା ଜରୁରୀ-

- 50% ସହିତ ସ୍ନାତକୋତ୍ତର ପାସ୍ ଏବଂ B.Ed ଡିଗ୍ରୀ ଥିବା, କିମ୍ବା ପ୍ରାଥମିକ ଶିକ୍ଷା, କିମ୍ବା ଡିପ୍ଲୋମା ସହିତ ଯେକୌଣସି ଷ୍ଟ୍ରିମରେ ସ୍ନାତକ
- 50 ପ୍ରତିଶତ ମାର୍କ ସହିତ ଦ୍ୱାଦଶ ପାସ୍ । ପ୍ରାଥମିକ ଶିକ୍ଷା କ୍ଷେତ୍ରରେ ଦୁଇ ବର୍ଷ ଡିପ୍ଲୋମା ସହିତ, କିମ୍ବା 50% ମାର୍କ ଏବଂ 12 ବର୍ଷ BLEd ଡିଗ୍ରୀ OR ସହିତ ଦ୍ୱାଦଶ ପାସ୍ 
- ମାଷ୍ଟର ଡିଗ୍ରୀ 55 ପ୍ରତିଶତ ମାର୍କ ସହିତ ପାସ ଓ ଏହା ସହିତ, 3 ବର୍ଷ BEd କିମ୍ବା MEd ଡିଗ୍ରୀ କରିବା ଆବଶ୍ୟକ 
ଏସବୁ ବ୍ୟତୀତ ପ୍ରାର୍ଥୀଙ୍କୁ CTET ପେପର I କିମ୍ବା BTET ପ୍ରଥମ ପେପର କ୍ଲିୟର କରିବା ଜରୁରୀ

ମାଧ୍ୟମିକ ଶିକ୍ଷକ ହେବା ପାଇଁ ନିମ୍ନଲିଖିତ ଯୋଗ୍ୟତା ଜରୁରୀ-
- 50 ପ୍ରତିଶତ ମାର୍କ ସହିତ ସମ୍ପୃକ୍ତ ବିଷୟ ଉପରେ ସ୍ନାତକୋତ୍ତର କିମ୍ବା ମାଷ୍ଟର ଡିଗ୍ରୀ ହାସଲ କରିଥିବା ଆବଶ୍ୟକ । ଏହା ସହିତ, BEd ଡିଗ୍ରୀ ମଧ୍ୟ ଜରୁରୀ, କିମ୍ବା
- 45 ପ୍ରତିଶତ ମାର୍କ ସହିତ (2002 ନିୟମ ଅନୁଯାୟୀ) ସମ୍ପୃକ୍ତ ବିଷୟ ଉପରେ ପାସ୍ ଗ୍ରାଜୁଏସନ୍ କିମ୍ବା ମାଷ୍ଟର ଡିଗ୍ରୀ ଓ ଏକ BEd ଡିଗ୍ରୀ ହାସଲ କରିବା ଜରୁରୀ, କିମ୍ବା
- BAEd କିମ୍ବା BScEd ରେ ଚାରି ବର୍ଷର ଡିଗ୍ରୀ ହାସଲ କରିଥିବା ଜରୁରୀ । ଏସବୁ ବ୍ୟତୀତ ପ୍ରାର୍ଥୀଙ୍କୁ STET ର ପ୍ରଥମ ପେପର କ୍ଲିୟର କରିବା ଜରୁରୀ

କେତେ ମିଳିବ ଦରମା?
ପ୍ରାଥମିକ ଶିକ୍ଷକଙ୍କ ବେସିକ ସାଲାରି ପ୍ରତି ମାସରେ ୨୫ ହଜାର ଟଙ୍କା ହେବ । ଅନ୍ୟପକ୍ଷରେ ମାଧ୍ୟମିକ ଶିକ୍ଷକଙ୍କ ବେସିକ ସାଲାରି ୩୧ ହଜାର ଟଙ୍କା ଓ ଉଚ୍ଚ ମାଧ୍ୟମିକ ଶିକ୍ଷକଙ୍କ ବେସିକ ସାଲାରି ମାସକୁ ୩୨ ହଜାର ଟଙ୍କା ହେବ । ଏହି ଦରମା ବ୍ୟତୀତ ଅନ୍ୟ କିଛି ଭତ୍ତା ମଧ୍ୟ ଦିଆଯିବ ।

ଏହା ବି ପଢ଼ନ୍ତୁ: 7th Pay Commission: ସରକାରୀ କର୍ମଚାରୀଙ୍କ ପାଇଁ ବଡ଼ ଖୁସି ଖବର! ଶୀଘ୍ର ବୃଦ୍ଧି ପାଇବ ମହଙ୍ଗା ଭତ୍ତା