Post Office Recruitment 2023: ଦଶମ ପାସ୍ କରିିଥିବା ପ୍ରାର୍ଥୀଙ୍କ ପୋଷ୍ଟ ଅଫିସରେ ବମ୍ଫର ନିଯୁକ୍ତି, ଜାଣନ୍ତୁ ରାଜ୍ୟରେ କେତେ ପଦବୀ ରହିଛି ଖାଲି?

India Post 30041 Vacancies: ଯୋଗାଯୋଗ ମନ୍ତ୍ରଣାଳୟ ଅଧୀନରେ ଥିବା ପୋଷ୍ଟ ବିଭାଗର ଏକ ଅଂଶ ଇଣ୍ଡିଆ ପୋଷ୍ଟ । ଇଣ୍ଡିଆ ପୋଷ୍ଟ ହେଉଛି ଏକ ସରକାରୀ ଚାଳିତ ଡାକ ବ୍ୟବସ୍ଥା ଯାହାକି ଭାରତରେ ୨୩ଟି ସର୍କଲରେ ରହିଛି । Www.indiapostgdsonline.gov.in ମାଧ୍ୟମରେ ଏହାର ଆବେଦନ କରାଯାଇପାରିବ ।

ଦଶମ ପାସ୍ କରି ସରକାରୀ ଚାକିରି ଖୋଜୁଥିବା ଆଶୟୀଙ୍କ ପାଇଁ ଏକ ସୁବର୍ଣ୍ଣ ସୁଯୋଗ । ୧୮ ରୁ ୪୦ ବର୍ଷ ବୟସର ଲୋକମାନେ ଭଲ ବେତନ ଓ ଅନେକ ସୁବିଧା ସହିତ ସରକାରୀ ସଂଗଠନ ଅଧୀନରେ ନିଜ କ୍ୟାରିଅରକୁ ସୁରକ୍ଷିତ କରିପାରିବେ । ଦଶମ ମାର୍କ ଆଧାରରେ ପ୍ରାର୍ଥୀ ଚୟନ କରାଯିବ ।

ଗ୍ରାମିଣ ଡାକ ସେବା (ଜିଡିଏସ୍), ବ୍ରାଞ୍ଚ ପୋଷ୍ଟ ମାଷ୍ଟର (ବିପିଏମ୍), ଆସିଷ୍ଟାଣ୍ଟ ବ୍ରାଞ୍ଚ ପୋଷ୍ଟମାଷ୍ଟର (ଏବିପିଏମ୍) / ଡାକ ସେବକଙ୍କ ଦରମା ବିବରଣୀ ଦେଖନ୍ତୁ । ABPM / GDS- Rs ୧୦,୦୦୦/- ରୁ Rs ୨୪,୪୭୦/- BPM- Rs. ୧୨,୦୦୦/- ରୁ Rs. ୨୯,୩୮୦ /- ଦରମା ରହିବ । BMP (ବ୍ରାଞ୍ଚ ପୋଷ୍ଟ ମାଷ୍ଟର) ବର୍ଗର ପ୍ରାର୍ଥୀମାନେ ୧୨ ହଜାରରୁ ୨୯,୩୮୦ ପର୍ଯ୍ୟନ୍ତ TRCA ସ୍ଲାବ ପାଇବେ । ଏବିପିଏମ୍ (ଆସିଷ୍ଟାଣ୍ଟ ବ୍ରାଞ୍ଚ ପୋଷ୍ଟ ମାଷ୍ଟର) / ଜିଡିଏସ୍ ବର୍ଗର ପ୍ରାର୍ଥୀମାନେ ୧୦ ହଜାରରୁ ୨୪,୪୭୦ ଟଙ୍କା ଦରମା ପାଇବେ ।

ଇଣ୍ଡିଆନ୍ ପୋଷ୍ଟର ୩୦,୦୦୦ ରୁ ଅଧିକ ପଦବୀ ବାହାରିଛି । ଓଡ଼ିଶା ପାଇଁ ମୋଟ ୧୨୦୦ଟି ପଦବୀ ଖାଲି ରହିଛି । ଏଠାରେ ଦେଖନ୍ତୁ କେଉଁ ରାଜ୍ୟରେ କେଉଁ ବର୍ଗରେ କେତେ ପଦବୀ ରହିଛି ।

ଗ୍ରାମୀଣ ଡାକ ସେବା (GDS), ବ୍ରାଞ୍ଚ ପୋଷ୍ଟ ମାଷ୍ଟର (BPM) ଓ ଅଫିସିଆଲ୍ ୱେବସାଇଟ୍ indiapost.gov.in ରେ ଥିବା ଅନ୍ୟାନ୍ୟ ପଦବୀ ପାଇଁ ଆଗ୍ରହୀ ତଥା ଯୋଗ୍ୟ ପ୍ରାର୍ଥୀ ଆବେଦନ କରିପାରିବେ । ଆବେଦନକାରୀଙ୍କୁ ସମସ୍ତ ପଦବୀ ପାଇଁ ୧୦୦ ଟଙ୍କା ଚାର୍ଜ ଦେବାକୁ ପଡିବ । ସମସ୍ତ ମହିଳା ପ୍ରାର୍ଥୀ, ଏସସି / ଏସଟି ପ୍ରାର୍ଥୀ, ପିଡବ୍ଲ୍ୟୁଡି ପ୍ରାର୍ଥୀ ଓ ଟ୍ରାନ୍ସମ୍ୟାନ୍ ମହିଳା ପ୍ରାର୍ଥୀମାନେ ଆବେଦନ ଶୁଳ୍କ ଛାଡରୁ ବଞ୍ଚିତ ହୋଇଛନ୍ତି।