Success Story: ISRO ରେ ଚାକିରି ପାଇଲେ ଡ୍ରାଇଭରଙ୍କ ଝିଅ, ଝିଅର ଅଧ୍ୟୟନ ପାଇଁ ପିତାମାତା ବନ୍ଧକ ରଖିଥିଲେ ଅଳଙ୍କାର

Drivers Daughter Get Job In ISRO: ଯେତେ ଅସୁବିଧା ହେଉନା କାହିଁକି, ଯଦି କଠିନ ପରିଶ୍ରମ କରାଯାଏ, ତାହେଲେ ସଫଳତା ନିଶ୍ଚିତ ଭାବରେ ଆସିବ। ସଦ୍ୟ ମଧ୍ୟ ପ୍ରଦେଶର ବିଦିଶା ଜିଲ୍ଲାର ଦେଖିବାକୁ ମିଳିଛି ଏହାର ଉଦାହରଣ। ଏଠାକାର ସାନା ଅଲୀ ଏହି କଥାକୁ ପ୍ରମାଣିତ କରି ଦେଖାଇଛନ୍ତି। ସାନାଙ୍କ ପିତାଙ୍କ ଏକ ସ୍ୱପ୍ନ ଥିଲା ଯେ ତାଙ୍କ ଝିଅ ବଡ଼ ହୋଇ ଦେଶ ସେବା କରିବ। ସାନା ତାଙ୍କ ପିତାଙ୍କ ଇଚ୍ଛା ପୂରଣ କରିବାକୁ ସ୍ଥିର କରିଥିଲେ। ଏଭଳି ପରିସ୍ଥିତିରେ ସାନା ତାଙ୍କ ଡ୍ରାଇଭର ପିତାଙ୍କ ସ୍ୱପ୍ନକୁ ପୂରଣ କରିଛନ୍ତି। ଏବେ ସାନାଙ୍କୁ ଭାରତୀୟ ମହାକାଶ ଗବେଷଣା ସଂସ୍ଥା ପାଇଁ ଚୟନ ହୋଇଛନ୍ତି। ତାଙ୍କ ପିତାମାତା ସାନାଙ୍କ ଅଧ୍ୟୟନ ପାଇଁ ଅଳଙ୍କାର ବନ୍ଧକ ରଖିଥିଲେ। ସାନାଙ୍କ ପକ୍ଷରୁ କରାଯାଇଥିବା ସମସ୍ତ ପ୍ରୟାସ ଫଳପ୍ରଦ ହୋଇଥିଲା।

ସାନା ଅଲୀଙ୍କ (Sana Ali Success Story) ସଫଳତା ପାଇଁ ତାଙ୍କୁ କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଦିଆ (Union Minister Jyotiraditya Scindia) ତାଙ୍କୁ ଅଭିନନ୍ଦନ ଜଣାଇଛନ୍ତି। ସନା ଅଲୀ ତାଙ୍କ ପରିବାର ସହିତ ମଧ୍ୟ ପ୍ରଦେଶ (Madhya Pradesh) ବିଦିଶା ଜିଲ୍ଲାର (Vidisha District) ନିକାସା ଅଞ୍ଚଳରେ ରୁହନ୍ତି। ତାଙ୍କ ପିତା ସାଜିଦ ଅଲୀ ପେସାରେ ଜଣେ ଡ୍ରାଇଭର। ସାନା ଅଲୀ ସତୀଶ ଧାୱନ ସ୍ପେସ୍ ସେଣ୍ଟର (Satish Dhawan Space Centre) ଇସ୍ରୋ (ISRO) ପାଇଁ ମନୋନୀତ ହୋଇଛନ୍ତି। ସେ ଯାନ୍ତ୍ରିକ ସହାୟକ ରୂପେ ସେଠାରେ ଯୋଗଦେବେ।

ପିଲାଦିନରୁ ସାନା ଅଧ୍ୟୟନରେ ତୀକ୍ଷ୍ଣ ରହିଥିଲେ। ସାନା ଅଲୀ ଏଠାରୁ ଏମ.ଟେକ କରିଛନ୍ତି। ପରିବାରର ଆର୍ଥିକ ଅବସ୍ଥା ଭଲ ନ ଥିବାରୁ ତାଙ୍କୁ ଅଧ୍ୟୟନ ପାଇଁ ବହୁତ ସଂଘର୍ଷ କରିବାକୁ ପଡିଥିଲା। ହେଲେ ସାନାଙ୍କ ପିତା ସାଜିଦ ତାଙ୍କ ଝିଅର ଅଧ୍ୟୟନରେ କୌଣସି ବାଧା ବିଘ୍ନ ଆସିବାକୁ ଦେଇନଥିଲେ। ସାନାଙ୍କ ପିତା ସାଜିଦ ଅଲୀ ଏସଟିଆଇ ଠାର ଡ୍ରାଇଭର ଅଛନ୍ତି। ଏହି ସମୟ ମଧ୍ୟରେ ପରିବାର ଅନେକ ଥର ଆର୍ଥିକ ସଂକଟର ସାମ୍ନା କରିଥିଲା। ସାଜିଦ ଅଲୀ ତାଙ୍କ ଝିଅକୁ ଅଧ୍ୟୟନରେ ଅର୍ଥର ଅଭାବ ଅନୁଭବ କରିବାକୁ ଦେଇନଥିଲେ। ସେ ନିଜର ସମସ୍ତ ଶକ୍ତି ସହିତ ଝିଅର ଶିକ୍ଷା ସମାପ୍ତ କରିଥିଲେ ଏବଂ ସାନା ମଧ୍ୟ ସଫଳତା ପାଇଥିଲେ।

ନିଜେ ପାଇଥିବା ସଫଳତା ଉପରେ ପ୍ରତିକ୍ରିୟା ରଖିଛନ୍ତି ସାନା ଅଲୀ। ଏନେଇ ସାନା କହିଛନ୍ତି ଯେ ଲୋକେ ଝିଅଙ୍କ ପ୍ରତି ସେମାନଙ୍କର ଚିନ୍ତାଧାରା ପରିବର୍ତ୍ତନ କରିବା ଆବଶ୍ୟକ। ଝିଅଙ୍କୁ ବହୁତ ଅଧ୍ୟୟନ କରିବାକୁ ଦିଆଯାଉ। ଆହୁରି ମଧ୍ୟସେ କହିଛନ୍ତି ଝିଅଙ୍କୁ ସେମାନଙ୍କ ସ୍ୱପ୍ନ ସାକାର କରିବା ପାଇଁ ସୁଯୋଗ ଦିଆଯାଉ। ଯାହା ଦ୍ୱାରା ସେମାନେ ସଫଳ ହୋଇପାରିବେ। ଯଦି ଝିଅ ଆଗକୁ ବଢନ୍ତି ତାହେଲେ ପରିବାର ନାମ ଆଲୋକିତ ହେବ।