Agniveer Recruitment New Rules: ବଦଳିଲା ନିୟମ, ଅଗ୍ନିବୀରରେ ସାମିଲ ହେବାକୁ ହେଲେ କରିବାକୁ ପଡ଼ିବ ଏହି କାମ

Agniveer Recruitment New Rules: ଅଗ୍ନିପଥ ଯୋଜନା ଅଧୀନରେ ସେନାରେ ନିଯୁକ୍ତିର ନିୟମ କିଛି ମାତ୍ରାରେ ବଦଳିଛି (Agniveer Recruitment New Rules)। ନୂତନ ନିୟମ ଅନୁଯାୟୀ, ସର୍ବପ୍ରଥମେ ପ୍ରାର୍ଥୀଙ୍କୁ ଏକ ସାଧାରଣ ପ୍ରବେଶିକା ପରୀକ୍ଷା (CEE) ଦେବାକୁ ପଡିବ ।  ଏହି ପରୀକ୍ଷା ଅନଲାଇନ୍ ହେବ। କେବଳ ଯେଉଁମାନେ ଏହାକୁ ପାସ୍ କରିବେ ସେମାନେ ଆଗକୁ ବଢିବେ। ତା’ପରେ ମନୋନୀତ ପ୍ରାର୍ଥୀଙ୍କ ଶାରୀରିକ ଫିଟନେସ୍ ପରୀକ୍ଷା ହେବ । ଶେଷରେ ଡାକ୍ତରୀ ପରୀକ୍ଷା କରାଯିବ। ଗତକାଲି ଅର୍ଥାତ୍ ଶୁକ୍ରବାର ଦିନ ଏହାକୁ ନେଇ ସେନା ଏକ ବିଜ୍ଞାପନ ଜାରି କରିଥିଲା। ଏଥିରେ ନିଯୁକ୍ତିର ତିନୋଟି ପର୍ଯ୍ୟାୟ ବିଷୟରେ ସୂଚନା ଦିଆଯାଇଛି।

ପୂର୍ବ ନିୟମରେ ପ୍ରଥମେ ଫିଜିକାଲ ଫିଟନେସ୍ କୁ ନେଇ ପରୀକ୍ଷା କରାଯାଇଥିଲା । ତା’ପରେ ସେଠାରେ ଡାକ୍ତରୀ ପରୀକ୍ଷା ଏବଂ ଶେଷରେ ପ୍ରବେଶିକା ପରୀକ୍ଷା କରାଯାଇଥିଲା । ବିଜ୍ଞାପନରେ ନୂତନ ନିଯୁକ୍ତି ପ୍ରକ୍ରିୟା ବ୍ୟାଖ୍ୟା କରାଯାଇଛି।

ଷ୍ଟେପ୍  ୱାନ୍- ନିର୍ଦ୍ଦିଷ୍ଟ କେନ୍ଦ୍ରଗୁଡିକରେ ସମସ୍ତ ପ୍ରାର୍ଥୀଙ୍କ ପାଇଁ ଏକ ଅନଲାଇନ୍ ସାଧାରଣ ପ୍ରବେଶିକା ପରୀକ୍ଷା ହେବ(General Entrance Exam) 
ଷ୍ଟେପ ଟୁ- ନିଯୁକ୍ତି ରାଲିରେ CEE ରେ ମନୋନୀତ ପ୍ରାର୍ଥୀଙ୍କ ପାଇଁ ଏକ ଶାରୀରିକ ପରୀକ୍ଷା ଅର୍ଥାତ୍ ଫିଜିକାଲ ଫିଟନେସ୍ ପରୀକ୍ଷା କରାଯିବ
ଷ୍ଟେପ ଥ୍ରୀ - ଡାକ୍ତରୀ ପରୀକ୍ଷା ବା ମେଡିକାଲ ଯାଞ୍ଚ

ଏଥିରେ ସୂଚନା ଦିଆଯାଇଛି ଯେ ୨୦୨୩-୨୪ ବର୍ଷରେ ନିଯୁକ୍ତି ପାଇଁ ଅନଲାଇନ୍ ପଞ୍ଜୀକରଣ (Online Registration)ଫେବୃଆରୀ ମଧ୍ୟଭାଗରୁ ଆରମ୍ଭ ହେବ । ସମସ୍ତ ସୂଚନା ଭାରତୀୟ ସେନାର ଅଫିସିଆଲ୍ ୱେବସାଇଟରେ ମଧ୍ୟ ଉପଲବ୍ଧ ରହିଛି ।

କାହିଁକି ବଦଳିଲା ନିୟମ
ଏ ବିଷୟରେ ସୂଚନା ଦେଇ ସେନା ଅଧିକାରୀମାନେ କହିଛନ୍ତି ଯେ- ନିଯୁକ୍ତି ରାଲିରେ ହଜାର ହଜାର ପ୍ରାର୍ଥୀ ଆସନ୍ତି। ସେମାନଙ୍କର ଚୟନ ପ୍ରକ୍ରିୟାରେ ବିପୁଳ ମୂଲ୍ୟ ଏବଂ ଲଜିଷ୍ଟିକ୍ ବ୍ୟବସ୍ଥା ଆବଶ୍ୟକ। ସେହିପରି ଅଧିକାରୀ କହିଛନ୍ତି ଯେ, ପୂର୍ବ ପ୍ରକ୍ରିୟାରେ ବହୁ ସଂଖ୍ୟକ ପ୍ରାର୍ଥୀ ସ୍କ୍ରିନ କରାଯାଇଥିଲା। ଏହା ପ୍ରଶାସନିକ ସମ୍ବଳ ଉପରେ ଏକ ଚାପ ସୃଷ୍ଟି କରିଥିଲା । ଯେତେବେଳେ ଅଧିକ ପ୍ରାର୍ଥୀ ଥାଆନ୍ତି, ନିଯୁକ୍ତି ରାଲିରେ ଆଇନ ଶୃଙ୍ଖଳା ପରିସ୍ଥିତିର ମୁକାବିଲା ପାଇଁ ବହୁ ସଂଖ୍ୟକ ସୁରକ୍ଷା କର୍ମୀ ଆବଶ୍ୟକ ହୁଅନ୍ତି। ଡାକ୍ତରୀ କର୍ମଚାରୀଙ୍କ କ୍ଷେତ୍ରରେ ଅଧିକ ଲୋକ ମଧ୍ୟ ଆବଶ୍ୟକ ହୁଅନ୍ତି।

ନୂତନ ନିଯୁକ୍ତି ପ୍ରକ୍ରିୟା ରାଲି ଆୟୋଜନ ଖର୍ଚ୍ଚକୁ ବହୁ ପରିମାଣରେ ହ୍ରାସ କରିବ ବୋଲି ବିଶ୍ୱାସ କରାଯାଉଛି। ପ୍ରଶାସନିକ ଏବଂ ଲଜିଷ୍ଟିକ୍ ଭାର ମଧ୍ୟ ହ୍ରାସ ପାଇବ। ଅନ୍ୟ ଜଣେ ଅଧିକାରୀ କହିଛନ୍ତି - ନୂତନ ପ୍ରକ୍ରିୟାରେ ସର୍ବପ୍ରଥମେ ପ୍ରବେଶିକା ପରୀକ୍ଷା ଦେବାକୁ ପଡି଼ବ। ଉତ୍ତମ ଯୋଗ୍ୟ ପ୍ରାର୍ଥୀମାନଙ୍କୁ ପ୍ରଥମେ ଚୟନ କରାଯିବ । ତା’ପରେ ତାଙ୍କର ଶାରୀରିକ ସୁସ୍ଥତା ଏବଂ ଡାକ୍ତରୀ ପରୀକ୍ଷା କରାଯିବ। ରିପୋର୍ଟ ମୁତାବକ୍ ଏବେ ପର୍ଯ୍ୟନ୍ତ ୧୯ ହଜାର ଅଗ୍ନିବୀର ସେନାରେ ସାମିଲ ହୋଇସାରିଲେଣି । ୨୧ ହଜାର ଅଗ୍ନିବୀର ମାର୍ଚ୍ଚ ପ୍ରଥମ ସପ୍ତାହରେ ସେନାରେ ସାମିଲ ହେବେ । ଭର୍ତ୍ତି ହେବାର ଏହି ନୂଆ ପ୍ରକ୍ରିୟା ଆଗାମୀ ସେନାରେ(Indian Army) ସାମିଲ ହେବାକୁ ଥିବା ପ୍ରାୟ ୪୦ ହଜାର ଆଶାୟୀଙ୍କ ଉପରେ ଲାଗୁ ହେବ ।

Also Read: Airtel 5G Plus Service: ପୁଣି ୩ଟି ସହରରେ ଆରମ୍ଭ ହେଲା ଏୟାରଟେଲର 5G ସେବା, ଆପଣଙ୍କ ସହର ନାହିଁ ତ ଏଥିରେ ସାମିଲ; ଦେଖନ୍ତୁ ପୂରା ଲିଷ୍ଟ

Also Read: ହୋମ୍ ଗାର୍ଡର ୧୪୦୦ ପଦବୀରେ ନିଯୁକ୍ତି ପାଇଁ ବାହାରିଲା ବିଜ୍ଞପ୍ତି, ପଢ଼ନ୍ତୁ ଡିଟେଲ୍ସ