ଅଗ୍ନିବୀରଙ୍କୁ ୪ ବର୍ଷ ପରେ ରେଳ ଷ୍ଟେସନରେ ମିଳିବ ଏହି କାମ

Agnipath Scheme : ଅଗ୍ନିପଥ ଯୋଜନାରେ କେନ୍ଦ୍ର ସରକାର କ୍ରମାଗତ ଭାବରେ ଅନେକ ସୁବିଧା ଅନ୍ତର୍ଭୁକ୍ତ କରୁଛନ୍ତି । ଏହି କ୍ରମରେ, ଅବସର ପରେ ରେଳ ଷ୍ଟେସନରେ କ୍ୟାଟରିଂ ଓ ବହୁ-ଉଦ୍ଦେଶ୍ୟମୂଳକ ଷ୍ଟଲ୍ ବଣ୍ଟନ କରିବାକୁ ବିଚାର କରାଯାଉଛି । ରେଳ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ସରକାରଙ୍କ ପଲିସି ଅନୁଯାୟୀ ଚଳିତ ବର୍ଷ ୪୦ ହଜାର ଅଗ୍ନିବୀର ନିଯୁକ୍ତି ପାଇବେ । ଏଥିମଧ୍ୟରୁ ୨୫ ପ୍ରତିଶତ ଅଗ୍ନିବୀରଙ୍କୁ ସେନାରେ ରଖାଯିବ ଓ ଅବଶିଷ୍ଟ ୩୦ ହଜାର ଚାରି ବର୍ଷ ପରେ ଅବସର ଗ୍ରହଣ କରିବେ ।

ରେଳ ମନ୍ତ୍ରଣାଳୟ ଚାରି ବର୍ଷ ପରେ ଅବସର ନେଉଥିବା ଅଗ୍ନିବୀରଙ୍କୁ ରେଳ ଷ୍ଟେସନରେ ଷ୍ଟଲ ବଣ୍ଟନ ପାଇଁ ଏକ ପ୍ରସ୍ତାବ ପ୍ରସ୍ତୁତ କରୁଛି ବୋଲି ଅଧିକାରୀ କହିଛନ୍ତି । ଏହା ସେମାନଙ୍କୁ ନିଶ୍ଚିତ ରୋଜଗାର ଯୋଗାଇବ । ଏହି ପ୍ରସ୍ତାବ ଉପରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ (Ashwini Vaishnaw) ମୋହର ଲାଗିବା ପରେ ପଲିସି ପ୍ରସ୍ତୁତ କରିବାର କାର୍ଯ୍ୟ ଆରମ୍ଭ ହେବ ।

ୱାନ ଷ୍ଟେସନ୍ ୱାନ୍ ପ୍ରଡକ୍ଟ ସ୍କିମ୍ ଅନ୍ତର୍ଗତ ବଣ୍ଟନ
ୱାନ ଷ୍ଟେସନ, ୱାନ ପ୍ରଡକ୍ଟ ସ୍କିମ ଅନ୍ତର୍ଗତ ଷ୍ଟଲ ବ୍ୟତୀତ ଅଗ୍ନିବୀରଙ୍କୁ କ୍ୟାଟରିଂ ଷ୍ଟଲ, ବହୁ-ଉଦ୍ଦେଶ୍ୟମୂଳକ ଷ୍ଟଲ ବଣ୍ଟନ କରାଯିବ ବୋଲି ଅଧିକାରୀ କହିଛନ୍ତି । କହି ରଖୁଛୁ ଯେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଗତ ମାସରେ ଗୋଟିଏ ଷ୍ଟେସନ୍, ଗୋଟିଏ ପଲିସି କାର୍ଯ୍ୟକାରୀ କରିଥିଲେ । ଏହା ଅଧୀନରେ ପ୍ରତ୍ୟେକ ସହରର ସ୍ଥାନୀୟ ଲୋକପ୍ରିୟ ପ୍ରଡକ୍ଟ ବିକ୍ରୟ କରିବା ପାଇଁ ପ୍ରତ୍ୟେକ ପ୍ଲାଟଫର୍ମରେ ଅତି କମରେ ଦୁଇଟି ସ୍ଥାୟୀ ଷ୍ଟଲ ଖୋଲାଯିବ ।

ଅଗ୍ନିପଥ ଯୋଜନା କ’ଣ?
ଭାରତୀୟ ସ୍ଥଳ ସେନା, ନୌ-ସେନା ଓ ବାୟୁସେନାରେ ୪ ବର୍ଷ ପାଇଁ ସୈନିକମାନଙ୍କୁ ନିଯୁକ୍ତି ଦିଆଯିବ । ସ୍ଥଳ ସେନା, ନୌ-ସେନା ଓ ବାୟୁସେନାରେ ନିଯୁକ୍ତି ବର୍ତ୍ତମାନ ଏହି ଯୋଜନା ଅଧୀନରେ ହେବ । ଯେଉଁ ସୈନିକମାନଙ୍କୁ ନିଯୁକ୍ତି ଦିଆଯିବ, ସେମାନଙ୍କ ନାମ ଅଗ୍ନିବିର ରଖାଯିବ । ୪ ବର୍ଷ ପରେ ୭୫ ପ୍ରତିଶତ ସୈନିକଙ୍କୁ ଅବସର ଦିଆଯିବ । ଅବଶିଷ୍ଟ ୨୫ ପ୍ରତିଶତ ଅଗ୍ନିବିର ସ୍ଥାୟୀ ଯବାନ ଭାବରେ ନିଯୁକ୍ତ ହେବେ । ଏହାର ପ୍ରକ୍ରିୟା ସ୍ଥିର ହେବ ଯେଉଁଥିରେ 'ଅଗ୍ନିବିର୍' ସ୍ଥାୟୀ ହେବା ପାଇଁ ଆବେଦନ କରିବେ ।

ଏହା ବି ପଢ଼ନ୍ତୁ: Agnipath Scheme: ଅଗ୍ନିପଥ ଯୋଜନା କ’ଣ; ଜାଣନ୍ତୁ ଏହାର ଚୟନ, ଯୋଗ୍ୟତା ଓ ଆବେଦନ ପ୍ରକ୍ରିୟା

ଏହା ବି ପଢ଼ନ୍ତୁ: ନବୀନଙ୍କ ଠାରୁ ମାୟାବତୀ ପର୍ଯ୍ୟନ୍ତ ... ଏପର୍ଯ୍ୟନ୍ତ ଦ୍ରୌପଦୀ ମୁର୍ମୁ ମିଳିଛି ଏହି ସବୁ ଦଳର ସମର୍ଥନ