Maha Shivaratri At Lingaraj Temple: ଆସନ୍ତା ମାସ ଫେବୃଆରୀ ୧୮ ତାରିଖରେ ପଡ଼ୁଛି ମହା ଶିବରାତ୍ରୀ । ଏନେଇ ନିତୀ ନିର୍ଘଣ୍ଟ ସ୍ଥିର ହୋଇଛି। ମନ୍ଦିରର ମୁଖ୍ୟ ଦ୍ୱାର ସକାଳ ଭୋର ୨.୩୦ ରେ ଖୋଲାଯିବ। ସେହିପରି ସମସ୍ତ ନୀତିକାନ୍ତି ପରେ ବିଳମ୍ବିତ ରାତିରେ ହେବ ମହାପ୍ରଭୁ ମହାଦୀପ ଟେକା ନୀତି। ତେବେ ଶହ ଶହ ଭକ୍ତଙ୍କ ସମାଗମ ହେବାର ଆଶା ମଧ୍ୟ ରହିଛି।
Trending Photos
8
5
6
12 "Maha Shivaratri 2023: ମହା ଶିବରାତ୍ରୀ ପାଇଁ ଲିଙ୍ଗରାଜ ମନ୍ଦିର ପକ୍ଷରୁ ବିଜ୍ଞପ୍ତି, ଜାଣନ୍ତୁ ଦର୍ଶନ ସହ ମହାଦୀପ ଉଠିବାର ସମୟ")
Maha Shivaratri 2023: ଆଉ କିଛି ଦିନ ପରେ ମହାଶିବ ରାତ୍ରୀ । ଏନେଇ ପ୍ରସ୍ତୁତି ଆରମ୍ଭ କରିଦେଇଛି ମନ୍ଦିର ପ୍ରଶାସନ । ଚଳିତ ବର୍ଷ ଫେବୃଆରୀ ୧୮ ତାରିଖରେ ପଡ଼ୁଛି ଦେବ ଦେବ ମହାଦେବଙ୍କ ଶିବରାତ୍ରୀ । ଲିଙ୍ଗରାଜ ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ଭବାନୀ ପ୍ରସାଦ ମିଶ୍ରଙ୍କ ଦ୍ୱାରା ପରିଚାଳିତ ଏକ ବୈଠକରେ ନିଷ୍ପତ୍ତି ଅନୁଯାୟୀ ମହା ଶିବରାତ୍ରୀରେ ମହାଦୀପକୁ ରାତି ୧୦ ଟାରେ ଉଠାଯିବ ବୋଲି କୁହାଯାଇଛି। ମନ୍ଦିର ଖୋଲିବା ପରେ ସାହାଣମେଲା ଏବଂ ଚାରିପ୍ରହରା ରୀତିନୀତି କରାଯିବ। ମନ୍ଦିର ସୂତ୍ର ଅନୁଯାୟୀ, ମନ୍ଦିରର ମୁଖ୍ୟ ଦ୍ୱାର ସକାଳ ଭୋର ୨.୩୦ ରେ ଖୋଲାଯିବ। ମଙ୍ଗଳ ଆଳତି ଏବଂ ଅବାକାଶ ପରି ରୀତିନୀତି ସକାଳ ୩ ଟାରୁ ୩.୩୦ ମଧ୍ୟରେ ଶେଷ ହେବ । ଭକ୍ତମାନଙ୍କୁ ଭୋର ୪ ଟାରୁ ୧୧ ଟା ପର୍ଯ୍ୟନ୍ତ ଭଗବାନ ଲିଙ୍ଗରାଜଙ୍କ ଦର୍ଶନ ପାଇଁ ମନ୍ଦିରରେ ପ୍ରବେଶ କରିବାକୁ ଅନୁମତି ଦିଆଯିବ।
ସକାଳ ୧୧ ଟା ସମୟରୁ ଛାମୁ ପରିସ୍କାର, ମହାସ୍ନାନ ବେଶ, ସୁର୍ଯ୍ୟ ପୂଜା, ଦ୍ୱାରପାଳ ପୂଜା, ଶ୍ରୀଜୀଉ ଏବଂ ଠାକୁରାଣୀ ବଲ୍ଲଭ ଏବଂ ସକାଳ ଧୂପ ରୀତିନୀତି ଅନୁଷ୍ଠିତ ହେବ । ଭଗବାନ ଲିଙ୍ଗରାଜଙ୍କ ସନ୍ଧ୍ୟା ଆଳତୀ ଏବଂ ଛେରାଫିଟା ନୀତି ସନ୍ଧ୍ୟା ୭.୩୦ ରୁ ଅନୁଷ୍ଠିତ ହେବ । ରାତ୍ର ୮ ଟା ୫୫ ରେ ସନ୍ଧ୍ୟା ଧୂପ ଏବଂ ତ୍ରଥାଜା ଅନୟାନା ରୀତିନୀତି ପରେ ମହାଦୀପ (Mahadeepa) ରାତି ୧୦ ଟା ବେଳକୁ ଉଠାଇବା ନେଇ ବୈଠକରେ ନିଷ୍ପତ୍ତି ହୋଇଛି। ଏହି ବୈଠକରେ ଅଧିକାରୀମାନେ ଚଳିତ ବର୍ଷ ମହାଶିବରାତ୍ରୀଙ୍କ ପାଇଁ ସମୟ ଧାର୍ଯ୍ୟ କରିଛନ୍ତି । ବଡ଼ୁ ନିଯୋଗର ସଭାପତି ତଥା ସଚିବ ତଥା ଅନ୍ୟ ପ୍ରତିନିଧୀମାନେ ଏହି ବୈଠକରେ ଯୋଗ ଦେଇଥିବା ବେଳେ ବ୍ରାହ୍ମଣ ନିଯୋଗର ସେବାୟତ ତଥା ସମର୍ଥ ନିଯୋଗ ସଭାପତି ତଥା ସଚିବ ଏହି ବୈଠକରୁ ନିବୃତ୍ତ ରହିଥିଲେ।
ସେହିପରି ଗତକାଲି ପାଞ୍ଜି ସମନ୍ବୟ ବୈଠକରେ ଅନୁମୋଦିତ ୨୦୨୩-୨୪ ବର୍ଷର ଶ୍ରୀମନ୍ଦିର ପର୍ବପର୍ବାଣୀ ଓ ଯାନିଯାତ୍ରାର ଚୂଡ଼ାନ୍ତ ତାଲିକା ପ୍ରକାଶ ପାଇଛି। ଏହି ତାଲିକା ଅନୁସାରେ ଏପ୍ରିଲ ୨୩ରେ ପବିତ୍ର ଅକ୍ଷୟ ତୃତୀୟ ପଡ଼ୁଛି। ଏହିଦିନ ରଥକାଠ ଅନୁକୂଳ ସହ ରଥଯାତ୍ରାର ଆଦ୍ୟ ପର୍ବ ଆରମ୍ଭ ହେବ। ସେହିଭଳି ପ୍ରସିଦ୍ଧ ଚନ୍ଦନଯାତ୍ରା ବି ଏହି ଦିନଠାରୁ ଆରମ୍ଭ ହେବ। ମେ’ ୧୨ରେ ଭଉଁରୀ ଯାତ୍ରା ପରେ ଜୁନ୍ ୪ରେ ସ୍ନାନଯାତ୍ରା ଓ ଗଜାନନ ବେଶ ଅନୁଷ୍ଠିତ ହେବ। ଜୁନ ୨୦ରେ ବିଶ୍ବପ୍ରସିଦ୍ଧ ମହାବାହୁଙ୍କ ରଥଯାତ୍ରା (Rath Yatra) ଅନୁଷ୍ଠିତ ହେବ।
ଜୁନ ୧ରେ ଚମ୍ପକ ଦ୍ବାଦଶୀ, ୨ରେ ଶ୍ରୀମନ୍ଦିରରେ ଦଇତାପତି ପ୍ରବେଶ ନୀତି, ୩ରେ ସେନାପଟା ଲାଗି ଓ ଚତୁର୍ଥୀ ହୋମ, ୧୩ରେ ଚକାବିଜେ ନୀତି ପରେ ୧୮ ତାରିଖ ପର୍ଯ୍ୟନ୍ତ ଅନବସର ନୀତି ଚାଲିବ। ଜୁନ୍ ୧୯ରେ ମହାପ୍ରଭୁ ନବଯୌବନ ବେଶରେ ଦର୍ଶନ ଦେବେ। ଜୁନ ୨୦ରେ ଶ୍ରୀଗୁଣ୍ଡିଚା ଯାତ୍ରା ପରେ ୨୪ରେ ହେରାପଞ୍ଚମୀ, ୨୭ରେ ସଂଧ୍ୟାଦର୍ଶନ, ୨୮ରେ ବାହୁଡ଼ା ଯାତ୍ରା, ୨୯ରେ ସୁନାବେଶ, ୩୦ରେ ଅଧରପଣା, ଜୁଲାଇ ୧ରେ ନୀଳାଦ୍ରି ବିଜେ ନୀତି ଅନୁଷ୍ଠିତ ହେବ ବୋଲି ଏକ ତାଲିକା ମଧ୍ୟ ପ୍ରକାଶ ପାଇଥିଲା ।
Also Read: ବିଗିଡ଼ିବ ପାଣିପାଗ, ହୋଇପାରେ ଓଲାବୃଷ୍ଟି; ଜାଣନ୍ତୁ କେତେ ପହଞ୍ଚାଇବ କ୍ଷତି
