Shocking News: ବୟଫ୍ରେଣ୍ତ ସହ ହନିମୁନ୍ ଯିବ ବୋଲି, ଯୁବତୀ କଲେ ଏଭଳି କାଣ୍ତ..

Crime News: ଗୁରୁଗ୍ରାମରେ(Gurugram) ଏକ ଅଜବ ଘଟଣା ସାମ୍ନାକୁ ଆସିଛି ଯାହା ଶୁଣି ଆପଣ ଆଶ୍ଚର୍ଯ୍ୟ ହେବେ । ଜଣେ କପଡ଼ା ବ୍ୟବସାୟୀଙ୍କ ଝିଅ ନିଜ ପ୍ରେମିକଙ୍କ ସହ ହନିମୁନ ଯିବା ଲାଗି ଘରୁ ୫୫ ଲକ୍ଷ ଟଙ୍କା ଚୋରି କରିଥିଲେ। ଏନେଇ ବ୍ୟବସାୟୀ ଜଣକ ଦୋକାନରେ କାମ କରୁଥିବା କର୍ମଚାରୀଙ୍କୁ ପଚାଉଚରା କରିଥିଲେ । ତେବେ ଝିଅର ଆବଭାବ ଦେଖି ତାଙ୍କ ଉପରକୁ ବ୍ୟବସାୟୀଙ୍କ ସନ୍ଦେହ ଯାଇଥିଲା। ଯେତେବେଳେ ସେ ଝିଅଙ୍କୁ ଏନେଇ ପ୍ରଶ୍ନ କରିଥି୍ଲେ ସେ କାନ୍ଦିବା ଆରମ୍ଭ କରିବା ସହ ବାପାଙ୍କ ଆଗରେ ପୂରା ଘଟଣା ବଖାଣି ଥିଲେ ।

ସୂଚନା ଅନୁଯାୟୀ, ଗୁରୁଗ୍ରାମ ସେକ୍ଟର ୧୪ରେ ରହୁଥିବା କପଡ଼ା ବ୍ୟବସାୟୀ ଜଣକ ତାଙ୍କ ଝିଅ ପୁରୁଷ ବନ୍ଧୁ ସହ ମିଶି ଘରୁ ପ୍ରାୟ ୫୫ ଲକ୍ଷ ଟଙ୍କା ଚୋରି କରିଥିବା ନେଇ ପୋଲିସ ନିକଟରେ ଅଭିଯୋଗ କରିଥିଲେ । ତାଙ୍କ ୨୧ ବର୍ଷୀୟା ଝିଅ ଏମଏସିସିର ଛାତ୍ରୀ ଅଟନ୍ତି । ବ୍ୟବସାୟୀ ଜଣକ ଏକ ସମ୍ପତ୍ତି କିଣିବା ଲାଗି ଘରେ ନଗଦ ୫୫ ଲକ୍ଷ ଟଙ୍କା ରଖିଥିଲେ । ଘରେ ଏହି ଟଙ୍କା ଥିବା ନେଇ ଝିଅଙ୍କୁ ଜଣାଥିଲା । ମାର୍ଚ୍ଚ ୨ ତାରିଖରେ ଯେତେବେଳେ ବ୍ୟବସାୟୀ ଟଙ୍କା ଚେକ୍ କରିଥିଲେ ସେତେବେଳେ ଟଙ୍କା ଗାଏବ ଥିଲା । ଏନେଇ ସେ ଘରେ ପଚରାଉଚରା କରିଥିଲେ । ଏନେଇ ଭୟଭୀତ ହୋଇ ଯୁବତୀ ଜଣକ କାନ୍ଦିବା ଆରମ୍ଭ କରିବା ସହ ନିଜର ଭୁଲ ମାନିଥିଲେ । ସେ କହିଥିଲେ ଯେ, ତାଙ୍କ ପୁରୁଷ ବନ୍ଧୁ ଅଙ୍କୁଶ ଦିଲ୍ଲୀ ପଶ୍ଚିମ ବିହାର ନିବାସୀ ଅଟନ୍ତି । ତାଙ୍କ ଭିଣେଇ ସୁମିତ ଏଠାକୁ ଆସି ଟଙ୍କା ଥିବା ସୁଟକେସର ତାଲା ଭାଙ୍ଗିଥିଲେ । ଟଙ୍କା ସହ ଏଥିରେ ଥିବା ମାଆଙ୍କ ସୁନା ହାର, ମୁଦି ଓ ୨ଟି ସୁନା କଙ୍ଗନ ମଧ୍ଯ ଚୋରି କରିଥିବା ନେଇ ଯୁବତୀ କହିଥିଲେ । ସମସ୍ତ ଘଟଣା ଜାଣିବା ପରେ ଝିଅର ପ୍ରେମିକଙ୍କୁ ବ୍ୟବସାୟୀ ଜଣକ ଘରକୁ ଡ଼ାକିଥିଲେ । ତେବେ ଉଭୟ ଆର୍ଯ୍ୟ ସମାଜ ମନ୍ଦିରରେ(Arya Samaj )ବିବାହ କରିବା କଥା ଯୁବକ ଜଣକ କହିଥିଲେ । ଖାଲି ଏତିକି ନୁହେଁ ସେ ବିବାହ ସାର୍ଟିଫିକେଟ କଫି ମଧ୍ଯ ଦେଖାଇଥିଲେ । ଏନେଇ ସେମାନେ ଅଭିଯୋଗ କଲେ ପରିବାରର ସମ୍ମାନ ତଳେ ପକାଇବା ସହ ତାଙ୍କ ଝିଅକୁ ସାଙ୍ଗରେ ନେଇଯିବେ ବୋଲି ଯୁବକ ଜଣକ ଧମକ ଦେଇଥିଲେ । ଗତ ୪ ଦିନ ହେବ ଅଙ୍କୁଶ ଯୁବତୀଙ୍କ ପରିବାର ଲୋକଙ୍କୁ ଫୋନ କରି ଥାନାରେ ଅଭିଯୋଗ ନକରିବା ଲାଗି ଚାପ ପକାଉଥିଲେ ।

Also Read-Pension Scheme​: ସରକାର ଆରମ୍ଭ କଲେ ଆଉ ଏକ ପେନସନ ଯୋଜନା, କର୍ମଚାରୀଙ୍କୁ ମିଳିବ OPS ଅପେକ୍ଷା ଅଧିକ ଲାଭ!

ଏନେଇ ବ୍ୟବସାୟୀ ଜଣକ କହିଛନ୍ତି ଯେ, ବହୁବାର କହିବା ପରେ ଯୁବକ ମାତ୍ର ୫ ଲକ୍ଷ ଟଙ୍କା ଫେରସ୍ତ କରିଥିବା ବେଳେ ବାକି ଟଙ୍କା ଦେବାକୁ ମନା କରିଦେଇଛନ୍ତି । ପରେ ଏନେଇ ବ୍ୟବସାୟୀ ଜଣକ ଥାନାରେ ଝିଅ ଓ ପ୍ରେମିକ ଅଙ୍କୁଶଙ୍କ ନାମରେ ମାମଲା ରୁଜୁ କରିଛନ୍ତି ।