UNSCમાં એસ.જયશંકરે સાધ્યું ચીન પર નિશાન, કહ્યું આતંકીઓને આંતરરાષ્ટ્રીય મંચથી મળે છે છત્રછાયા

નવી દિલ્હી: ભારતના બે પડોશી દેશો એક તરફ પાકિસ્તાન અને એક તરફ ચીન બન્ને સતત અવળચંડાઈમાંથી બાજ આવતા નથી. હાલ ચીનને કારણે બોર્ડર પર માહોલ તંગ બન્યો છે. એટલું જ નહીં આ દેશો આતંકવાદને પોષવામાં પણ ભૂમિકા ધરાવે છે. પાકિસ્તાન ઉપરાંત ચીન પણ આતંકને પોષતુ આવ્યું છે. એટલું જ નહીં વૈશ્વિક ફલક પર ભારતના વધતા જતા કદથી આ બન્ને પડોશીઓની ઉંઘ હરામ થઈ ગઈ છે. ત્યારે હાલમાં જ ચાલી રહેલી વૈશ્વિક સ્તરની બેઠકમાં ભારત તરફથી પ્રતિનિધિત્વ કરી રહેલાં કેન્દ્રિય વિદેશ મંત્રીએ ચીન પર નિસાન સાધ્યું.  વિદેશ મંત્રી એસ જયશંકરે સંયુક્ત રાષ્ટ્ર સુરક્ષા પરિષદ (UNSC)માં ખુલ્લી ચર્ચા દરમિયાન ચીન અને તેના નજીકના સાથી પાકિસ્તાન પર પરોક્ષ રીતે હુમલો કર્યો. એસ જયશંકરે બુધવારે એટલે કે 14 ડિસેમ્બરે જણાવ્યું હતું કે આતંકવાદને યોગ્ય ઠેરવવા અને કાવતરાખોરોને બચાવવા માટે બહુપક્ષીય મંચોનો દુરુપયોગ કરવામાં આવી રહ્યો છે.

UNSC ખાતે ‘આંતરરાષ્ટ્રીય શાંતિ અને સુરક્ષા અને સુધારણા બહુપક્ષીયતા માટે નવી દિશા’ વિષય પર ખુલ્લી ચર્ચાની અધ્યક્ષતા કરતા, જયશંકરે એમ પણ કહ્યું હતું કે સંઘર્ષે એવી સ્થિતિ સર્જી છે કે બહુપક્ષીય ફોરમમાં નિષ્ક્રિય વલણ જાળવી શકાતું નથી. તેમણે કહ્યું કે આતંકવાદના પડકાર પર, વિશ્વ વધુ સંયુક્ત પ્રતિસાદ સાથે એકસાથે આવી રહ્યું છે, પરંતુ કાવતરાખોરોને ન્યાયી ઠેરવવા અને બચાવવા માટે બહુપક્ષીય મંચોનો દુરુપયોગ કરવામાં આવી રહ્યો છે.

ભારત સંયુક્ત રાષ્ટ્ર સુરક્ષા પરિષદની અધ્યક્ષતા કરી રહ્યું છે. આ અંગે વિદેશ મંત્રી ડો.એસ. જયશંકરે કહ્યું કે આજે વિશ્વ હિંસા, સશસ્ત્ર સંઘર્ષ અને માનવતાવાદી કટોકટીનો સામનો કરી રહ્યું છે, તેથી મહાત્મા ગાંધીના આદર્શો વિશ્વમાં શાંતિ અને સ્થિરતા સ્થાપિત કરવામાં આપણને માર્ગદર્શન આપી રહ્યા છે. એસ.જયશંકરે કહ્યું કે આ ચર્ચાનું પરિણામ નક્કી કરશે કે આપણે કેવા પ્રકારનું સંયુક્ત રાષ્ટ્ર જોવા માંગીએ છીએ અને તે જ સમયે અમને જણાવશે કે આ વૈશ્વિક વ્યવસ્થા સમકાલીન વાસ્તવિકતાઓને શ્રેષ્ઠ રીતે પ્રતિબિંબિત કરે છે.

#WATCH संयुक्त राष्ट्र में पाकिस्तान के विदेश मंत्री बिलावल भुट्टो जरदारी द्वारा दिए गए 'कश्मीर टिप्पणी' पर भारत के विदेश मंत्री डॉ. एस. जयशंकर का जवाब।

उन्होंने संसद हमले और ओसामा बिन लादेन का भी मुद्दा उठाया। pic.twitter.com/Lw8T0pI2lm

— ANI_HindiNews (@AHindinews) December 14, 2022

વિદેશ મંત્રી ડૉ. એસ. જયશંકરે કહ્યું કે આતંકવાદના પડકાર સામે મોટાભાગના દેશો આગળ આવી રહ્યા છે અને સામૂહિક પ્રતિસાદ આપી રહ્યા છે, પરંતુ પક્ષપાતી મંચોનો દુરુપયોગ થઈ રહ્યો છે. તેના દ્વારા ગુનેગારોને બચાવવાનું કામ કરવામાં આવી રહ્યું છે. જણાવી દઈએ કે આ વર્ષે ચીને પાકિસ્તાની આતંકવાદીઓ વિરુદ્ધ ભારતના પ્રસ્તાવ પર પ્રતિબંધ મૂક્યો હતો. જેમાં સાજિદ મીર, અબ્દુલ રઉફ, અબ્દુલ મક્કી, શાહિદ મહેમૂદ જેવા કુખ્યાત આતંકવાદીઓનો સમાવેશ થાય છે. ડૉ એસ જયશંકર UNSC ખાતે ભારતના વર્તમાન પ્રમુખપદ હેઠળ આતંકવાદ અને સુધારેલા બહુપક્ષીયવાદ પરના બે કાર્યક્રમોનું નેતૃત્વ કરવા મંગળવારે ન્યૂયોર્ક પહોંચ્યા હતા. 15 સભ્યોની UNSCના ચૂંટાયેલા સભ્ય તરીકે ભારતનો બે વર્ષનો કાર્યકાળ આ મહિને પૂરો થશે.