Russia-Ukraine War: રશિયાની કેદનો કહેર, હાડપિંજર જેવો બની ગયો યૂક્રેની સૈનિક

Russia-Ukraine War: યુદ્ધ થાય ત્યારે તેના પરિણામો ભયાનક જ હોય છે. રશિયા-યૂક્રેન (Russia-Ukraine War) યુદ્ધમાં બંને દેશોની સેનાઓ એકબીજાને હરાવવામાં લાગી છે. પરંતુ આ દરમિયાન માણસાઇ પણ હારતી જોવા મળે છે. કેટલીક એવી જ તસવીરો સોશિયલ મીડિયા પર વાયરલ થઇ રહી છે. આ તસવીર એક યૂક્રેની સૈનિકની છે. આ સૈનિક રશિયાની કેદમાં રહીને પરત ફર્યો છે. આ સૈનિકનો કેદમાં જવા પહેલાંનો અને મુક્ત થયા બાદની તસવીરો વાયરલ થઇ રહી છે. આ સૈનિકનું નામ છે મિખાઇલો ડાયનોવ (Mykhailo Dianov).  

શાનદાર સૈનિકથી નબળો અને બિમાર યૂક્રેની સૈનિક
સોશિયલ મીડિયામાં ફરતી થયેલી યૂક્રેની સૈનિક મિખાઇલો ડાયનોવની તસવીર એ દર્શાવવા માટે પુરતી છે કે રશિયાની કેદ પહેલાં તે કયા પ્રકારે હેન્ડસમ હતો. મુક્ત થયા બાદ આ સૈનિકને ઓળખવો પણ મુશ્કેલ બની રહ્યો છે. એક તાકતવર ગબરૂ જવાનમાંથી મિખાઇલો હાડપિંજર જેવો બની ગયો છે. શરીર પર ઘા છે તો આંખોમાંથી ચમક પણ પહેલાં જેવી નથી. 

The first photo show Mykhailo Dianov during the epic battle in AzovStal plant. You can see on the second photo how he looks like after release from Russian captivity. I’ll remind that 3 Geneve convention oblige Russia to provide medical assistance and ensure human attitude to POW pic.twitter.com/Jt90fsRGBQ

— Oleksandra Matviichuk (@avalaina) September 23, 2022

મારિયુપોલમાં લખવામાં આવ્યું કસ્ટડીમાં
રશિયા-યૂક્રેન યુદ્ધ દરમિયાન મિખાઇલો ડાયનોવને રશિયાએ યૂક્રેનના દક્ષિણ પૂર્વી શહેર મારિયુપોલ (Mariupol) સાથે રશિયાની સેનાએ પકડ્યો હતો. તેને અજોવસ્ટલ સ્ટીલ વર્ક્સ (Azovstal Steel Works) ની રક્ષા કરતી વખતે પકડવામાં આવ્યો હતો. ટેલીગ્રાફના રિપોર્ટ અનુસાર મારિયુપોલમાં અજોવસ્ટલ સ્ટીલ વર્ક્સની રક્ષા માટે લડ્યા બાદ મિખાઇલો ડાયનોવને કસ્ટડીમાં લેવામાં આવ્યો હતો અને બુધવારે રાત્રે મુક્ત કરવામાં આવ્યો હતો. કુખ્યાત રશિયન જેલ શિબિરોમાં મિખાઇલો ડાયનોવને ચાર મહિના સુધી ગંભીર યાતનાઓનો સમાનો કરવો પડ્યો. 

મે અને અત્યારના ફોટોમાં ખૂબ જ અંતર
સોશિયલ મીડિયા (Social Media) પર શેર કરવામાં આવેલી યૂક્રેની સૈનિકની તસવીરોમાં તેને એક નબળા અને દુર્બળ મિખાઇલો ડાયનોવ તરીકે જોઇ શકાય છે. મિખાઇલો ડાયનોવની નવી તસવીરો ડરામણી છે. આ તસવીરોમાં તેમના હાથ અને ચહેરા પર ઇજાના નિશાન જોઇ શકાય છે. મીડિયા રિપોર્ટોમાં કહેવામાં આવ્યું છે કે મિખાઇલો ડાયનોવને કીવ સૈન્ય હોસ્પિટલ (Kyiv Military Hospital) માં લઇ જવામાં આવ્યા હતા, જ્યાં તેમની હાલત ગંભીર છે.