રશિયામાં જોવા મળી PM મોદીની સાદગી, ખાસ જુઓ VIDEO 

નવી દિલ્હી: વડાપ્રધાન નરેન્દ્ર મોદીએ રશિયામાં સાદગીની મિસાલ રજુ કરી છે. પોતાના રશિયા પ્રવાસમાં ફોટો સેશન દરમિયાન તેમના બેસવા માટે ખાસ સોફાની વ્યવસ્થા કરવામાં આવી હતી. પરંતુ તેમણે સોફામાં બેસવાની ના પાડી દીધી અને અન્ય લોકોના બેસવા માટે જે ખુરશીની વ્યવસ્થા કરી હતી તે સાધારણ ખુરશી જ બેસવા માટે મંગાવી. વાણિજ્ય મંત્રી પીયૂષ ગોયલે ટ્વીટર પર એક વીડિયો શેર કર્યો જેમાં મંગળવારે પીએમ મોદી દ્વારા સોફાની જગ્યાએ ખુરશી પર બેસવાનું જણાવાયા બાદ અધિકારીઓએ સોફાની જગ્યાએ ખુરશી મૂકી હતી. 

પીએમ મોદીનું એલાન, સમુદ્રથી લઈને આકાશ સુધી સાથે હશે ભારત-રશિયા

ગોયલે ટ્વીટ કરી કે "આજે વડાપ્રધાન નરેન્દ્ર મોદીની સાદગી જોઈ જ્યારે તેઓ પોતાના માટે કરાયેલા ખાસ પ્રબંધને ફગાવીને અન્ય લોકોની વચ્ચે સાધારણ ખુરશી પર બેસી ગયાં." મોદી વ્લાદિવોસ્તોકમાં ઈસ્ટર્ન ઈકોનોમિક ફોરમ (ઈઈએફ)માં સામેલ થવા માટે રશિયાના બે દિવસના પ્રવાસે ગયા હતાં. 

PM @NarendraModi जी की सरलता का उदाहरण आज पुनः देखने को मिला, उन्होंने रूस में अपने लिए की गई विशेष व्यवस्था को हटवा कर अन्य लोगों के साथ सामान्य कुर्सी पर बैठने की इच्छा जाहिर की। pic.twitter.com/6Rn7eHid6N

— Piyush Goyal (@PiyushGoyal) September 5, 2019

ગુરુવારના રોજ અહીં ઈસ્ટર્ન ઇકોનોમિક ફોરમને સંબોધન કર્યા બાદ મીડિયા સાથે વાતચીતમાં પીએમ નરેન્દ્ર મોદીએ રિન્યુએબલ ઉર્જા પર ભાર મૂકતા કહ્યું કે શું ભારત સૌર ઉર્જા બેટરી વિનિર્માણના ક્ષેત્રે હબ બની શકે છે જે સ્વચ્છ ઉર્જાના ક્ષેત્રમાં એક મોટી ભૂમિકા ભજવી શકે છે. તેમણે આ વાત મોબાઈલ ફોનનું ઉદાહરણ આપતા કહ્યું કે જેમ જેમ મોબાઈલ ફોનની લોકપ્રિયતા વધતી ગઈ, બેટરીનો આકાર પણ નાનો થતો ગયો. 

વિશ્વના વધુ સમાચારો વાંચવા માટે કરો ક્લિક...