પાકિસ્તાનના પૂર્વ ગૃહ મંત્રીએ કર્યું ટ્વિટ, રાહલુ ગાંધીને પીએમ બનાવવા પેરવી કરી

ઇસ્લામાબાદ/ નવી દિલ્હી: પાકિસ્તાને ભારતના રાજકારમાં ફરી એકવાર ઘૂસવાનો પ્રયત્ન કર્યો છે. ત્યાંના પૂર્વ ગૃહ મંત્રી રહમાન મલિકે ટ્વિટ કરીને કોંગ્રેસના અધ્યક્ષ રાહુલ ગાંધીની પ્રસંશા કરી હતી. તેમણે કહ્યું હતું કે રાહુલ ગાંધી ભારતના નવા પ્રધાનમંત્રી બનવાના છે. મલિકે રાહુલ ગાંધીનો એક વીડિયો પણ શેર કરી લખ્યું હતું કે, ‘રાહુલનો શ્રેષ્ઠ વીડિયો જુઓ, જેમાં મેં ટ્વિટ કર્યું છે.’ પાકિસ્તાનના પૂર્વ ગૃહ મંત્રી રહમાન મલિકે પ્રધાનમંત્રી નરેન્દ્ર મોદી અને ભારતીય સેના પ્રમુખ જનરલ બિપિન રાવત પર પણ નિશાનો સાધ્યો હતો.

તમને જણાવી દઇએ કે આ પહેલા પણ રાફેલ ડીલ પર ભાજપ અને કોંગ્રેસની વચ્ચે ચાલી રહેલા આરોપ-પ્રત્યારોપમાં પાડોસી પાકિસ્તાન પણ કૂદી પડ્યું હતું. રાફેલ ડીલ પર ફ્રાંસના પૂર્વ રાષ્ટ્રપતિ ફ્રાંસ્વા ઓલાંદ દ્વારા નિવેદન આપ્યા પછી પાકિસ્તાને કહ્યું હતું કે ભારત સરકાર આ ડીલમાં ઘેરાતી જઇ રહી છે. એવામાં પોતાનો બચાવ કરવા માટે ભારત સરકાર પાકિસ્તાનનું નામ લઇ રહ્યાં છે.

My dear abusers .Watch this presser of Rahul Gandhi - will u also abuse him .He is ur leader and he is also saying the same what I Said .I hope u all have some decency to say sorry to me after watching it . https://t.co/0T0wZK5VCu
Rahul Gandhi press conference.

— Senator Rehman Malik (@SenRehmanMalik) September 22, 2018

પાકિસ્તાનના સૂચના મંત્રી ફવાદ ચૌધરીએ શનિવારે ટ્વિટ કરીને કહ્યું હતું કે ભારતમાં સત્તાધારી લોકો યુદ્ધ ભડકાવવાનો પ્રયત્ન કરી રહ્યા છે. જેની અમે નકારીએ છે. હાજર સરકાર પીએમ નરેન્દ્ર મોદીને બચાવવા માટે ભારત-પાકિસ્તાન વચ્ચે નફરત ફેલાવવાનું કામ કરી રહી છે. રાફેલ ડીલ પર પ્રધાનમંત્રી મોદી પર રાજીનામું આપવાનો દબાવ છે. એટલા માટે ભારત સરકાર આ મોટી રક્ષા ડીલ પરથી ભારતના લોકોનું ધ્યાન દુર કરવામાં માંગે છે.

ફવાદ ચૌધરીએ કોંગ્રેસ અધ્યક્ષ રાહુલ ગાંધીના બે ટ્વિટને રીટ્વિટ કર્યું હતું. સાથે લખ્યું હતું કે આ બતાવે છે કે શા માટે ભાજપ પાકિસ્તાન સામે ઝેર ફેલાવી રહ્યું છે. રાફેલ ડીલ પર તમારી પોતાની લડાઈ જાતે લડો.