આ દેશમાં ટાપુ પર રહેવા સરકાર ઘરની સાથે આપશે 75 લાખ રૂપિયા, જાણો વિગત

 ડબલિનઃ જો તમે સ્થાયી થવા માટે નવી જગ્યા શોધી રહ્યા છો, તો સમજો કે તમારી ઈચ્છા પરમાત્માએ પૂરી કરી છે. વાસ્તવમાં, યુરોપનો એક દેશ લોકોને તેના એક ટાપુ પર સ્થાયી થવા માટે જોરદાર ઑફર્સ આપી રહ્યો છે. અહીંનું સુંદર વાતાવરણ ન માત્ર તમારા મનને મોહી લેશે, પરંતુ તમને પૈસા કમાવવાની ઘણી તકો પણ મળશે. આધુનિક જીવનની અરાજકતાથી દૂર દૂરના વિસ્તારમાં પોતાનું જીવન જીવવા માંગતા લોકો માટે આ ઑફર એક સ્વપ્ન સાકાર થવાથી ઓછી નથી. આ દેશનું નામ આયર્લેન્ડ છે. આયર્લેન્ડ યુનાઇટેડ કિંગડમનો પડોશી દેશ છે. તે ઉત્તરી આયર્લેન્ડ સાથે તેની સરહદ વહેંચે છે, જે યુનાઇટેડ કિંગડમનો ભાગ છે.

20 દ્વીપો પર વસનાર લોકો માટે આ ઓફર
આયર્લેન્ડે હાલમાં પોતાના પશ્ચિમી કિનારા પર આવેલા 20થી વધુ સુંદર દ્વીપોને લોકોને રહેવા લાયક બનાવવાની યોજનાનો ખુલાસો કર્યો છે. તેમાં ઇનિસ મોર દ્વીપ પણ સામેલ છે. આ દુનિયાના સૌથી સુંદર દ્વીપોમાંથી એક છે. જેને હોલીવુડની ઘણી ફિલ્મોમાં દેખાડવામાં આવ્યો છે. આયર્લેન્ડની સરકારે જાહેરાત કરી છે કે આ દ્વીપો પર રહેલા જૂના ઘરોનું રિનોવેશન કરી તેમાં રહેવા ઈચ્છુક લોકોને 92000 ડોલર (લગભગ 7500000) રૂપિયાની મદદ ઉપલબ્ધ કરાવવામાં આવશે. 

આ પણ વાંચોઃ 1 વર્ષમાં પૈસા ડબલ, હવે કંપનીએ 1 બોનસ શેર આપવાની કરી જાહેરાત, જાણો વિગત

આયર્લેન્ડમાં જમીનની માલિક સરકાર
આયર્લેન્ડમાં અચલ સંપત્તિ (જમીન, મકાન) ની ખરીદ પર કોઈ પ્રતિબંધ નથી. અહીં દ્વીપો પર રહેતા લોકોને પણ ખ્યાલ છે કે એક જગ્યાના માલિક હોવાને નાતે તેને કબજો કરવાનો અધિકાર મળતો નથી. સરકારી વેબસાઇટ પર અવર લિવિંગ આયર્લેન્ડ નીતિ અને વર્તમાન રિવાઇવિંગ પ્રોગ્રામ વિશે નવી જાણકારી પ્રકાશિત કરવામાં આવી છે. સરકારની વેબસાઈટ મુજબ, આ યોજના ટાપુ પર રહેતા સમુદાયોની લાંબા ગાળાના ટકાઉપણાને સુરક્ષિત કરવા માટે મહત્વપૂર્ણ છે.

આ યોજનાનો ઈરાદો શું છે
આ યોજનાનો રણનીતિક ઈરાદો દ્વીપો પર રહેતા લોકોની શંક્યા વધારવા, દ્વીપીય અર્થવ્યવસ્થાની વિવિધતાને પ્રોત્સાહન આપવા, સ્વાસ્થ્ય અને કલ્યાણ સેવાઓમાં સુધાર, સ્થાનીય દ્વીપ સમુદાયોને મજબૂત કરવા અને સ્માર્ટ, ટકાઉ ભવિષ્ય બનાવવાનો છે. આ યોજના 2023થી 2026 સુધી લાગૂ રહેશે. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube