નિર્દયી પિતા : ભૂખી બાળકીઓને દૂધની જગ્યાએ પિતાએ પીવડાવ્યો દારૂ અને પછી...

નવી દિલ્હી: માતા અને પિતા માટે તેમના બાળકો કાળજાના ટુકડાં હોય છે. પરંતુ આ તે કેવો બાપ કે નાના ભૂલકાઓએ ખાવાનું માંગ્યું તો તેણે તેના બાળકોને દારૂ પીવડાવી દીધો અને મોતના દ્વાર સુધી પહોંચાડી દીધા. આ ઘટના યુક્રેનના ખેરસનની છે. એક બાપે પોતાની 2 અને 4 વર્ષની બાળકીઓને ભૂખ લાગી તો વાઈન પીવડાવી દીધી. કારણ કે તેમના ઘરમાં દૂધ ખતમ થઈ ગયું હતું. ડેઈલી મેઈલના અહેવાલ મુજબ બાળકીઓ રસ્તા પર લથડિયા ખાતી હતી અને ત્યારબાદ બેહોશ થઈ ગઈ હતી. 

દારૂ પીવડાવવાના કારણે બાળકીઓને આલ્કોહોલ પોઈઝનિંગ થઈ ગયું. બાળકીઓ ખુબ ભૂખી હતી અને તેમણે લંચ સમયે પિતા પાસે ભોજન માંગ્યું હતું. બાળકીઓના જણાવ્યાં મુજબ તેમણે ભોજનની માંગણી કરી તો પિતાએ દારૂથી બોટલ ભરીને તેમને પકડાવી દીધી હતી. બંને હાલ હોસ્પિટલમાં દાખલ છે અને તેમની હાલતમાં સુધારો છે. ડોક્ટરોએ જણાવ્યું કે બાળકીઓની હાલત એટલી ખરાબ થઈ ગઈ હતી કે તેઓ મોતના મુખ સુધી પહોંચી ગઈ હતી. પિતાનું નામ મિકોલા છે અને પોલીસે તેની ધરપકડ  કરી લીધી છે. 

જુઓ LIVE TV

બાળકીઓની માતા દેશના બીજા કોઈ ભાગમાં કામ માટે ગઈ હતી અને આ દરમિયાન બાળકીઓની દેખભાળની જવાબદારી પિતા પર હતી. આ ઘટના 3 ઓક્ટોબરની છે. પરંતુ તેનો ખુલાસો હવે થયો. જે સમયે પિતાએ બાળકીઓને પીવા માટે દારૂ આપ્યો ત્યારે તે પોતે નશામાં હતો. થોડા સમય બાદ બાળકો ઘરની બહાર લથડિયા ખાઈને બેહોશ થઈ ગઈ. પાડોશીઓએ બંને બાળકીને જોઈ અને તેમને હોસ્પિટલ પહોંચાડી. 

વિશ્વના વધુ સમાચારો વાંચવા માટે કરો ક્લિક...