ઓસ્ટ્રેલિયામાં 50 ડોલરની નોટ પર છપાયો 'ખોટો શબ્દ', સરકારને 7 મહિને ખબર પડી!

સિડનીઃ ઓસ્ટ્રેલિયામાં કેન્દ્રીય બેન્કના અધિકારીઓએ ગુરૂવારે સ્વિકાર્યું કે અનેક સુરક્ષા ફીચર ધરાવતી 50 ઓસ્ટ્રેલિયન ડોલરની નોટમાં એક મહત્વની ભૂલ રહી ગઈ છે. પીળા અને વાદળી રંગની આ નોટ ગયા વર્ષે ઓક્ટોબર મહિનામાં ચલણમાં આવી હતી. 

આ નોટ પર ઓસ્ટ્રેલિયાના પ્રથમ મહિલા સાંસદ એડિથ કોવાનના એક ભાષણનો અંશ સૂક્ષ્મ અક્ષરમાં મુદ્રિત કરાયો છે. એ ભાષના લખાણને બરાબર રીતે વાંચવા અને ચકાસવામાં આવ્યું નહીં હોય અને આ કારણે 7 મહિના પછી તેમાં ટાઈપિંગ સંબંધિત એક ભૂલ પકડાઈ છે. 

જાણો ભારત-પાક.માં ચર્ચાનો વિષય બનેલા 'રૂહ અફ્ઝા'ની શરૂઆત કેવી રીતે થઈ હતી...

કોવાનના 1921ના ભાષણના અંશમાં લખવામાં આવેલા 'RESPONSPILIBITY' શબ્દમાં 'L' પછી 'I' શબ્દ ટાઈપ કરવાનો રહી ગયો હતો. ભાષણનું આ મુદ્રણ એટલા સૂક્ષ્મ અક્ષરોમાં કરવામાં આવ્યું છે કે તેને સામાન્ય રીતે વાંચી શકાતું નથી. 

જોકે, રિઝર્વ બેન્ક ઓફ ઓસ્ટ્રેલિયાની આ નોટને ચલણમાંથી રદ્દ કરવાની કોઈ યોજના નથી. બેન્કના પ્રવક્તાએ જણાવ્યું કે, તેમને આ ભૂલ ખબર પડી ગઈ છે અને નવી નોટના મુદ્રણ કામ દરમિયાન આ ભૂલને સુધારી લેવામાં આવશે. 

વિશ્વના વધુ સમાચાર વાંચવા માટે અહીં કરો ક્લિક...