ચીનના કોવિડ ડેટામાં કોઈ નવો વેરિએન્ટ જોવા મળ્યો નહીં, WHO એ દુનિયાને આપ્યા રાહતના સમાચાર
વિશ્વ આરોગ્ય સંસ્થાએ જણાવ્યું કે ચીનથી પ્રાપ્ત ડેટામાં કોરોનાનો કોઈ નવો વેરિએન્ટ મળ્યો નથી. તેને દુનિયા માટે રાહતના સમાચાર ગણાવવામાં આવી રહ્યાં છે. ચીનમાં ઓમિક્રોનના BA.5.2 અને BF.7 એ કહેર મચાવ્યો છે. તેવામાં ત્યાં દરરોજ લાખોની સંખ્યામાં સંક્રમણના કેસ રેકોર્ડ થઈ રહ્યાં છે.
Trending Photos
- 5
- 6
- 5
- 7
)
બેઇજિંગઃ વિશ્વ સ્વાસ્થ્ય સંગઠને ચીનથી પ્રાપ્ત કોવિડ ડેટા પર વિશ્વને રાહતના સમાચાર આપ્યા છે. WHOએ કહ્યું છે કે ચીનમાં કોરોના વાયરસનો કોઈ નવો વેરિએન્ટ મળ્યો નથી. અગાઉ, વિશ્વને આશંકા હતી કે જો નવો વેરિએન્ટ આવશે તો રસીની અસરકારકતા પણ ઘટી શકે છે. ચાઈનીઝ સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) દ્વારા ચીન સંબંધિત ડેટા WHOને આપવામાં આવ્યો હતો. તેના એક દિવસ પહેલા WHOના અધિકારીઓ ચીનના વૈજ્ઞાનિકોને મળ્યા હતા. ચીનમાં ઝીરો કોવિડ પોલિસી હળવી કરવામાં આવ્યા બાદ કોરોનાના કેસમાં જબરદસ્ત ઉછાળો આવ્યો હતો. આ કારણોસર સમગ્ર વિશ્વ કોરોનાની નવી લહેરથી ચિંતામાં હતું. હાલમાં કોરોનાના સૌથી વધુ નવા કેસ માત્ર ચીન અને જાપાનમાં જ નોંધાઈ રહ્યા છે. ચીનમાં સ્થિતિ એટલી ખરાબ થઈ ગઈ હતી કે મૃતકોના અંતિમ સંસ્કાર માટે લાંબા સમય સુધી રાહ જોવી પડી હતી.
ચીને કોરોના પર જીતનો દાવો કર્યો
ચીનની કમ્યુનિસ્ટ પાર્ટીના સત્તાવાર અખબાર ધ પીપલ્સ ડેઈલીએ ચિંતાગ્રસ્ત નાગરિકો માટે COVID-19 પર અંતિમ વિજયનો દાવો કર્યો છે. ચીનમાં કોવિડ પ્રતિબંધોની કડકતાને કારણે લોકોને ભારે મુશ્કેલીનો સામનો કરવો પડી રહ્યો હતો. જેના કારણે ચીનમાં પણ અભૂતપૂર્વ વિરોધ જોવા મળ્યો હતો. દરમિયાન, વિશ્વભરના આરોગ્ય અધિકારીઓ કોરોનાના પ્રકોપને કાબૂમાં લેવા માટે યુદ્ધના ધોરણે કામ કરી રહ્યા છે. મોટાભાગના દેશોએ ચીનથી આવતા નાગરિકો માટે RTPCR ટેસ્ટ ફરજિયાત બનાવ્યો છે. જો કે ચીને તેની ટીકા કરી છે.
WHO ચીન પાસેથી વધુ ડેટા માંગી રહ્યું છે
WHOના ડાયરેક્ટર-જનરલ ટ્રુડોસ અધાનમ ઘેબ્રેયસસે એક બ્રીફિંગમાં જણાવ્યું હતું કે યુએન એજન્સી હોસ્પિટલમાં દાખલ થવા અને મૃત્યુ અંગે ચીન પાસેથી વધુ ઝડપી અને નિયમિત ડેટા મેળવવાનું ચાલુ રાખી રહી છે. તેમણે કહ્યું કે WHO ચીનના નાગરિકોના જીવનની સુરક્ષાને લઈને ચિંતિત છે. ચીનમાં ગયા મહિને, અત્યંત કડક કોરોના પ્રતિબંધોને અચાનક હટાવવાથી 1.4 અબજ લોકોમાં સંક્રમણ ફેલાયું હતું. ચીનમાં લોકોને મળેલી રસી પણ ચેપને રોકવામાં મદદ કરી શકી નથી. ચેપ અંગેના ચીનના સત્તાવાર ડેટામાં ફક્ત તે જ લોકોનો સમાવેશ થાય છે જેમના ફેફસાં અથવા શ્વસન માર્ગના ચેપમાં વાયરસ હોવાનું જણાયું હતું.
ઓમિક્રોનના સબવેરિયન્ટ્સ સંક્રમણ ફેલાવવા માટે જવાબદાર
WHO ને આપવામાં આવેલ ચાઈનીઝ ડેટા અનુસાર, ચાઈનાના CDC વિશ્લેષણમાં સ્થાનિક રીતે મેળવેલા ચેપમાં Omicron વેરિએન્ટના BA.5.2 અને BF.7નું વર્ચસ્વ દર્શાવ્યું હતું. ઓમિક્રોન એ તાજેતરના જિનોમ સિક્વન્સિંગ પર આધારિત પ્રબળ પ્રકાર છે. તેના તમામ પ્રકારો સંક્રમણની ગતિમાં સતત વધારો અને ઘટાડો કરી રહ્યા છે. અમેરિકા સહિત ઘણા પશ્ચિમી દેશોએ ચીનમાં કોરોના કેસને લઈને જાહેર કરવામાં આવેલા સરકારી ડેટા પર શંકા વ્યક્ત કરી છે. આ દેશોનો દાવો છે કે ચીને આજ સુધી વાસ્તવિક આંકડા જાહેર કર્યા નથી.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
