છોટાઉદેપુરના બોડેલી નજીક નર્મદાની મુખ્ય કેનાલમાં યુવાનને મોતની છલાંગ લગાવી હતી. યુવકે તેના મિત્રને ફોન કરી અત્મહત્યા કરવાનું જણાવ્યું હતું. ત્યારે ફોન મૂકી મિત્રએ બાઇક લઈ કેનાલ પાસે પહોંચી તેના મિત્રની શોધખોળ હાથ ધરી હતી. તે દરમિયાન મોરખલા પાસે કેનાલમાં ડૂબતો મિત્ર દેખાઈ આવતા પોતે પણ કેનાલમાં કૂદી પડ્યો હતો. પોતાના જીવના જોખમમાં મુકી એક મિત્રએ બીજા મિત્રને બચાવી બહાર લઈ આવ્યો હતો. કેનાલમાંથી બહાર લઈ આવી મિત્ર પ્રવિણ રાઠવાને દવાખાને લઈ ગયો અને સાથે પોલીસને પણ જાણ કરી હતી. પ્રેમ પ્રકરણમાં અત્મહત્યાનો પ્રયાસ કર્યો હોવાનો મિત્રએ ખુલાસો કર્યો હતો.