મહારાષ્ટ્ર વિધાનસભા (Maharashtra Assembly Election 2019)ની 288 બેઠકો માટે આજે મતદાન થઈ રહ્યું છે. મતદાન કરવા માટે પહોંચેલા કેન્દ્રીય મંત્રી પીયૂષ ગોયલે કહ્યું કે મને પૂરો વિશ્વાસ છે કે ભાજપ-શિવસેના લગભગ 225 બેઠકો જીતશે. વિપક્ષની વિશ્વસનીયતા સંપૂર્ણ રીતે સમાપ્ત થઈ ગઈ છે અને તેઓ ક્યાંય ચૂંટણી મુકાબલામાં નથી. લોકો મોદીજી અને ફડણવીસજીની સાથે છે. કેન્દ્રીય મંત્રી નીતિન ગડકરીએ પત્ની કંપન સાથે મતદાન કર્યું. તેમણે કહ્યું કે આજે લોકતંત્રનો સૌથી મોટો ઉત્સવ છે અને લોકો મતદાન કરીને લોકતંત્રને મજબુત બનાવે.