ધોરણ 12 વિજ્ઞાનપ્રવાહની સાથે સામાન્ય પ્રવાહની પૂરક પરીક્ષાની તારીખ બોર્ડે જાહેર કરી છે, જેમાં વિજ્ઞાન પ્રવાહની પૂરક પરીક્ષા 11થી 13 જુલાઈએ અને સામાન્ય પ્રવાહની પૂરક પરીક્ષા 14 જુલાઈએ લેવાશે. પૂરક પરીક્ષામાં એક દિવસે બે પેપરનું આયોજન બોર્ડે કર્યું છે. 12 વિજ્ઞાન પ્રવાહના પહેલા દિવસે 11 જુલાઈએ સવારે 10:30થી 2 વાગ્યા દરમિયાન ગણિત અને 3થી 6-30 દરમિયાન જીવવિજ્ઞાન, 12 જુલાઈએ સવારે રસાયણ વિજ્ઞાન, બપોરે અંગ્રેજીનું પેપર, 13 જુલાઈએ સવારે પ્રથમ ભાષા, કમ્પ્યૂટર અને બપોરના સેશનમાં ભૌતિક વિજ્ઞાનનું પેપર લેવાશે. સામાન્ય પ્રવાહના વિદ્યાર્થીઓએ 14 જુલાઈએ બપોરના સેશનમાં નાપાસ થયેલા વિષયના પેપરની સાથે કમ્પ્યૂટર એજ્યુકેશન સૈદ્ધાંતિક પેપર રહેશે. પ્રાયોગિક પરીક્ષા શાળા કક્ષાએ જ લેવાશે.