જમ્મુ અને કાશ્મીરના બડગામ જિલ્લાના છિત્તરગામના સુત્સુકલા વિસ્તારમાં સુરક્ષાદળો અને આતંકીઓ વચ્ચે અથડામણ થઈ. જેમાં 2 આતંકીઓનો ખાતમો કરાયો. પોલીસના જણાવ્યાં મુજબ બંને આતંકીઓ વિદેશી હતાં અને જૈશ એ મોહમ્મદના આતંકી સંગઠનના સભ્યો હોઈ શકે છે. સૂત્રોના જણાવ્યાં મુજબ સુરક્ષાદળોને એવી બાતમી મળી હતી કે સુત્સુ ગામમાં 3 આતંકીઓ છૂપાયેલા છે. ત્યારબાદ સુરક્ષાદળોના સંયુક્ત અભિયાનમાં બે આતંકીઓ માર્યા ગયાં. અથડામણ બાદ ત્રીજા આતંકીની શોધમાં સર્ચ ઓપરેશન ચાલુ છે.