રાજ્ય સરકારે યાત્રાધામોની આસપાસ ભિક્ષાવૃત્તિ પર પ્રતિબંધ મુક્યો છે..જેની રાજ્યમાં અનેક જગ્યાએ અમલવારી જોવા મળી. તો ક્યાંક સરકારના આદેશનો મિશ્ર પ્રતિસાદ જોવા મળ્યો. ત્યારે સરકારના આ પરીપત્રને લઇ પાલીતાણા ખાતે પણ તેનો કડકાઈથી અમલવારીને લઇને તંત્ર કાર્યરત થયું. પવિત્ર યાત્રાધામ પાલીતાણા જૈનોની નગરી છે. આ યાત્રાધામમાં દેશ અને વિદેશમાંથી લાખો શ્રદ્ધાળુઓ આવે છે. અહીં નાના બાળકોથી લઇ યુવાન મહિલા-પુરુષ તેમજ વૃદ્ધ લાચાર લોકો ભિક્ષા માગી પોતાનું જીવન વ્યતીત કરે છે.જો કે હવે આ યાત્રાધામમાં ભિક્ષાવૃત્તિ નહિ કરી શકે. જેને લઇને ઝી 24 કલાકે યાત્રાધામની આસપાસ ભિક્ષુકો અને શ્રધ્ધાળુઓનો મત જાણવાની કોશીશ કરી.